السلام عليكم ..
كيف الحال يا شباب ؟ عساكم بخير .
قلت لكم قبل لا اسافر اني راح ازور باتام وانا الان في باتام وصار لي 7 ايام ورحلتي اليوم
الى جاكارتا وراح اجلس هناك يوم وبعدها اطلع الى بالي ..المهم أعرف ان اغلبكم ما سمع
او شاف اي شي عن باتام لكن لعيونكم عندي حوالي 30 صوره راح انزلها لكم لما ارجع السعوديه ..
راح أقول لكم نبذه عن رحلتي الى هذه المدينه الساحره ...
التذكره تقريبا ب 400,000 الف روبيه على خطوط ليون L!ON " ادري انها مو هذاك الزود ودايم حوادثها كثير"
سكنت في فندق 3 نجوم اسمه Puri Garden Hotel الفندق روعه بغّض النظر عن انه 3 نجوم .. اقصد الخدمه والامان ونظافه الغرف وتعامل الموظفين "ولا انسى الافطار الشهّي " الفندق أخذت ب265,000 روبيه
الصرف : من اول ما وصلت كانت ال100 $ ب 930,000 الف روبيه .. الشي المضحك انك تقدر تكاسر في
سعر الصرف ..اقصد مثالا : المائه دولار ب 930,000 الف يعني لو تصرف 300 دولار وتطلب رفع السعر الى
960,000 الف لكل 100دولار .. يعني قرب سعر الصرف الى مليون
السبب "طبعت شغلت مخي وعرفت السبب" هو منافسه الدولار السنغافوري للدولار الامريكي ...
بحكم ان المدينه قريبه من سنغافوره .. اليخت يستغرق 45 دقيقه للوصول الى سنغافوره ..
الاسعار هنا جدا معقوله وخصوصا الالكترونيات ..انا اشتريت بلاستيشن 3 النسخه ال2 بحوالي الفين ريال سعودي .. طبعا انسى انك تتكلم عربي هنا ..على فكره أغلب من التقيت بهم وفي اماكن عامه يقولون أول مره يشوفون سعودي " انا "
والله عندي اشياء كثيره ابغى اقولها لكم .. لكن نسيتها أرجوا ممن لديه اي استفسار ان يطرحه هنا وسأقوم بالرد بقدر معرفتي ..
على العموم رحلتي بعد 5 ساعات الى جاكارتا مثلما قلت في اول الموضوع ..سعر التذكره على Garuda
355,000 الف روبيه ..
مثل ما وعدتكم الصور عن عودتي الى السعوديه .. أشوفكم على خير حبايبي