- السلام عليكم و رحمه الله و بركاته
- انشالله الموضوع يفيدكم
السلام عليكم و رحمه الله و بركاته
هدي بعض الاسئله المكرره في اكثر المواضيع الاستفسارع عن الفيزا السياحيه .
- ما هي نو الفيزا السياحيه ؟ B2
- ما هيا متطلبات الفيزا السياحيه ؟ خطاب تعريف من العمل مصدق و باللغه الانجليزيه كشف حساب 3 اشهر مختوم من البنك و بالغه الانجليزيه صور 5 * 5 بس روح عند كوداك و قوللو صوره للفيزا الامريكيه و هوا رح يعرفها التاكيد تبع الابليكيشن DS-160 تاكيد حجز الموعد جوازات السفر لاخر عشر سنوات ولو ماهي موجوده ينفع تجيب برينت بالسفريات من الجوازات و لازم يكون الجواز باقي عليه اكثر من 6 اشهر دفع مبلغ 532 ريال في اي فرع من فروع سامبا و تاخد الايصال الاصلي معك و ان شالله عند قبول الفيزا تروع عند مكتب فيدكس داخل السافره و تدفع 65 ريال لارسال الجواز داخل المدينه اللي فيها السفاره او 125 لو هيرسلولك الجواز خارج المدينه
- الفيزا السياحيه كم تاخد عشان تطلع ؟ علي حسب في ناس تاخد معهم 4 ايام و في ناس تاخد معهم شهرين
- سويت المقابله و اخدت الورقه الزرقاء ماذا تعني و هل رفضوا الفيزا ؟ الورقه الزرقاء هيا موافقه مبدئيه للفيزا و يكون في اجرائات اداريه من القنصليه او السفاره و تشوف علي الموقع حقهم اللين ما يقولوا ارسل الجواز و انشالله ما تاخد عندهم اكثر من 10 ايام ( مع العلم ان السفاره في الرياض ما عاد فيها الورقه الزرقاء)
- اريد مساعده في تعبئه الابليكيشن او عندي استفسار ؟ https://artravelers.com/p/re/375073
انشالله الموضوع يفيدكم
- امسافر انا و اهلي هل هل لازم اعبي لكل واحد ابليكيشن ؟ و هل لازمم اخد لكل واحد موعد لحالوا ؟ نعم لازم لكن واحد تعبي الابليكيشن و علي الموقع اللي تحجز في للموعد يمديك تزيد معاك 4 من الاهل لنفس الموعد تبعك ولو في طفل اقل من 14 سنه ما يروح للمقابله بس يسوي الابليكيشن و الاهل ياخدوا معهم الكونفريميشن و صول له والجواز و شهاده الميلاد و دفع المصاريف عند بنك سامبا *ما نسبه القبول للسفاره الامريكيه ؟ علي حسب احصائيات السفاره 96% من المتقدمين علي الفيزا يتم الموافقه عليها و هذا رابط السفاره الامريكيه في الرياض للتاكد من كلامي http://riyadh.usembassy.gov/visas/b1b2.html
- كم المبلغ اللي لازم يكون في الحساب عند المبالغه ؟ مافي مبلغ محدد اهم شي يكون يكفي تكاليف السفر
- بسافر علي حساب الوالد ايش المتطلبات ؟ خطاب تعريف من الوالد خطاب انو بيتكفل في المصاريف و انت في الزياره لامريكا ( مافي ضيغه معينه ) كشف حساب اشهر مصدق
- كيف اخد موعد في السفاره ؟ https://ksa.us-visaservices.com/Forms/default.aspx يتم شراء حساب اظن ب 12 دولار و يمديك تسجل موعد ولو ما عندك فيزا ممكن اي واحد من الاصاحب او الاقارب يسويلك هيا مو لازم المقدم علي الفيزا
- عندي غلطه في الابليكيشن ؟ الافضل انو ينعاد
- ما هيا الاسئله اللي يسئلوها في السفاره ؟ اين ستذهب في امريكا ؟ ما هوا غرض السفر ؟ عندك اقارب هناك؟ ما هيا البلاد اللي زرتها ؟ اسئله عاديه و مافي شي مفاجئ
- هل يمكن تغير موعد المقابله ؟ نعم لاكن بحد اقصي مرتين
- عندي غلطه في الابليكيشن و اخدت الموعد ؟
https://artravelers.com/p/re/507178 ان شالله الموضوع بفيدكم
- هل احجز قبل ما اقدم علي الفيزا ؟
ينفع انك تحجز بس نوع التذاكر المسترده يعني يمديك ترجع فلوسك لان ماحد يعرف متي رح تصدر الفيزا
و يروح الحجز ف الافضل الانتظار لحين الحصول علي الفيزا
- كم مده صلاحيه الفيزا اللي يعطوها في المقابله ؟
اغلبيه الاحيان تعطي للسعوديين 5 سنوات او و طبعا القرار الاول و الاخير للقنصل اللي يسوي معاك المقابله
- خصلت صلاحيه الجواز بس الفيزا لسه هل اقدم علي فيزا جديده ؟
لا عادي خد الجواز الجديد و الجواز اللي في الفيزا عن السفر و ما تحتاج انك تقدم علي فيزا جديده
- هل يمكن انني اخد جوازي وقت المقابله لغرض السفر ؟
اكيد بس عند الانهاء تطلب جوازك للسفر و ترسلوا للسفاره او القنصليه عند الرجوع و حتي لو الجواز عندهم
يمديك ترسلهم ايميل و يرسلولك الجواز في خلا 3 ايام ان شالله
السفاره الامريكيه في الرياض .
القنصليه الامريكيه في جده
القنصليه الامريكيه في ظهران
انرفضت الفيزا هل ينفع اقدم ثاني ؟
اكيد يمكن مع تعديل وضعك من الناحيه اللي تم الرفض فيها
والله انا قدمت علي فيزا قريب و كل ما يجي سؤال في راسي افك المنتدي و احط موضوع جديد يكون فيه اسئله و طفشت مشرفناimpact و الاخوه waleed8818 و ahmad059و كثير من الاعضاء المميزين
ان شالله اكون افدتكم معليش لو الموضوع مو مرتب بس كنت اكتبوا و اي سؤال يجي في راسي احطوا في الموضوع
طبعا في اخوه كثير في المنتدي عندهم خبره اكثر مني و ان شالله لو عندي غلط ولا شي يصححوا اخونا impact و انشالله لو في اي اسئله انا حاضر
اسئلكم الدعاء
اخوكم كريم
الله يوفقك ولاهنت حبيبي