- وهي....
- أنا سويت سيناريو A : :
أخواني.. حبايبي.. العرب المسافرون الغاليين
مالي غنى عنكم قبل كل سفراتي .. بأمريكا .. بكندا .. بماليزيا .. تايلند .. لبنان .. دول الخليج الدستة من 2003
خاطري برايكم بكم شغلة.. صراحة في شغلات واجد محيرتني بأول سفرة لي بأوروبا..
وهي....
أنا وخطيبتي Euro HoneyMooners ( زوجتي بعد 3 شهور) طالعين شهر عسل لمدة 26 يوم في أوروبا على طيران الامارات بداية من 20 يوليو 2008 وراح نمر:
- ميونخ ( 3 ليالي).
- زيلامسي ( 4 ليالي).
- سالزبورج ( 3 ليالي).
- فيينا ( 4 ليالي).
- فينيسيا ( 3ليالي).
- ستراسبورغ ( ليلتين).
- باريس (6 ليالي أو 5).
- ليلة ستوب أوفر في دبي.
أسألتي هي:1/
ما هو خط الرحلة المقترح اللي يكون مريح و غير مكلف و غير ممل ومضيع للوقت بأستخدام (القطارات – تأجير السيارات - الطيران الأقتصادي مثل أيزي جيت) ؟
مع العلم أني راح أسافر على طيراني المفضل طيران الامارات من مطار البحرين ( يعجبني عندهم مرونة الى حد كبير في الوصول في مطار ما و المغادرة من مطار اخر مثلا الوصول في فيينا أو ميونخ و المغادرة من فينيسيا أو باريس)
أنا سويت سيناريو A : :
وهو أني أسافر الى ميونخ ==> بالقطار ==> زيلامسي ==> تأجير سيارة خلال وقت أقامتنا في زيلامسي ==> سفر بالسيارة الى ==> سالزبورغ ==> سفر بالسيارة الى ==> فيينا ==> تسليم السيارة فور الوصول الى فيينا و الاقامة في فيينا ==> بالقطار ==> فينيسيا ==> السفر ب ؟؟؟؟؟ ==> فرنسا ( ستراسبورغ و باريس ) ( محتار: طيران أقتصادي من فينيسيا الى باريس ومن ثم من و الى ستراسبورغ بالقطار السريع)
شرايكم بسيناريو شهر العسل ؟؟ حلو ؟؟ رحلة متعبة ؟؟ مكلفة أكثر من اللازم ؟
2/
من وين تقترحون يتم تاجير السيارة وتسليمها ؟
مو مكلف بزيادة لو اني أجرتها من دولة مثل المانيا و أرجعها في دولة ثانية مثل النمسا بعد أستيفاء رسوم ترجيع السيارة الى دولتها و هي تقريبا 300 يورو ؟؟
جايكم بالاسئلة .........
شاكر لكم تعاونكم حبايبي
سلام
هلا والله فيك اخوي عقبال العرس انشالله على خير
انشالله انا بعد وياك ياخوك الهوني مون في فترك بعد 4 شهور تقريبا بس خطتي تختلف عنك حبونه
انت حاط لك كم منطقة كالتالي
النمسا (فينا + سالزبورج + زلامسي )
المانيا ( ميونخ )
ايطاليا (فينيسيا )
فرنسا ( ستراسبورج + باريس)
انا احس فينيسيا بتخرب عليك كل شي لانها شوي خارج المود يعني بعيده عن مشاويرك الا ادا نويت تسافر بالطيران الاقتصادي وتركت السياره مع ان اتا حاس السياره هي الامثل في السفر.
فنيسيا جميلة انا رحتها بالشتا بس مادري احسها في الصيف حارة بتكون.
فاقترح عليك التالي
فينا
زلامسي
سالسبورج ( مع ان انا احس انك تجلس في زلامسي و منها تزور سالسبورج اي يوم يعجبك مجرد رأي)
ميونخ
ستراسبورج
باريس
معناتها تاخد السياره من قرية فرايسلنج (جنوب المانيا) اللي تبعد من سالزبورج حوالي 10 دقايق علشان تصير انك مستلمنها من المانيا لان زي ما يقولوا خبراء المنتدى المانيا هي الدولة الاتسب في السعر لاستئجار السيارة وبعدين ترجعها في باريس وحط في بالك انهم ياخدون عليك ضريبة كبيره تقدر ما بين 200 الى 400 كضريبة لتسليم السيارة في بلد ثانيادا انت مو هامنك سعر السيارة استئجرها من فينا واطلع بها علطول زلامسي
ملاحظة :
من ميونخ الى ستارسبوج حوالي 4 ساعات بالسيارة
و من ستراسبوج الى باريس حوالي 4 ساعات ونص
بس حط في بالك الطرق جميلة وروعه مو كانك طالع من الدمام الى الرياض الطريق اصفر خالي من الخضرة (هناك بالعكس)
انا اقترح عليك تنزل فينا ومنها الى سالزسبورج بالقطار
وبعدين تستأجر سياره من freilassing الالمانية وتتجه مباشرة الى زلامسي
بعدين تطلع من زلامسي على ميونخ ( مع انك ما تحتاج السيارة ابدا في ميونخ لان هناك المترو و الباصات تغنيك واوفر لك في الفلوس)ومن ميونخ الى ستارسبورج بالسيارة ولما تخلص اياك في ستراسبورج ترج السيارة في فرايبورج الالمانية اللي تبعد عن ستراسبورج حواالي 60 كيلو ومنها تاخد قطار الى باريس و في باريس ما تحتاج سياره لان المواصلات متوفره
شو رايك؟