وعليكم السلام ورحمة الله وبركاته
توكل على الله
الطريق ممتع
ورائع بكل ماتعنيه الكلمه
بس لاتتجاوز السرعه القانونيه
امش مع الناس الماشيه
وفيه شوارع في المانيا السرعه مفتوحه
(كانهم يقولون رح باللي مايحفظك)
تشوف الناس فيها داعسين
تمشي 200 وانت ماسك اليمين وناس قاعده تطوفك
المهم ماعليك من هذا الكلام
توكل على الله ورح الامور طيبه

انترلاكن روما؟؟
روما المانيا؟؟
صعبة شوي لابد تتصفح المسافات والتباعد بين المدن والدول المذكورة
المسافة ليست بسيطة والطريق ما اعتقد انه يستحق
لو حديثك عن المانيا النمسا سويسرا
فالارياف والطرق متشابه وجميلة حتي لو طالت المسافات
روما زحام وزرتها قبل سنه - تستحق يوم او يومين برائي الشخصي فقط
ثانيا والاهم
اذا سيارتك من خارج سويسرا تحتاج لستكر الطرقات السريعة قبل دخول سويسرا
سعره 40 فرنك
اهماله يترتب عليه غرامات عاليه
اسمه فينيت ومتوفر بالمحطات والبريد السويسري

رائد بومريم
الله يعطيك العافيه يابومريم لكن المشرف الغالي اللورد يقول ماتستاهل ابي واحد مشى هالطريق تكفون ويقولي هل تستاهل ولا لا

الله يعطيك العافيه ياللورد المسافه وانا اخوك من دويبزرق الى انترلكن 7 ساعات
ومن انتركن الى روما 4 ساعات
ومن روما الى دويزبرق 884كم 8hours 30 mins
هل يستحق الخط مناظر وارياف ولا ماتستحق وهل ميلان تستحق الزياره
نصايحك ياخوك

من انترلاكن الى روما حوالي 844 كم
ومن روما الى دوسلدورف 1440 كم ؟؟
المسافات بعيدة وما تسوى العنوة
والافضل لك الاكتفاء بزيارة سويسرا والمانيا فقط

مقدام
قصدت بردي السابق من ناحيه المسافات ميلان وليست روما
طيب اذ شلت ايطاليا من الخطه ايش تنصح بالمدن او الدول اروح لها

سويسرا والمانيا
او سويسرا والنمسا
انصحك الغاء ايطاليا نهائياَ الا اذا كان وصولك لها طيران او قطار من سويسرا
الرحلة لاتستحق الجهد والوقت والمصروف
هذا رائي الشخصي وسوف تتذكره برحلتك بحالة واصلت المخطط
لك كل التقدير

بعطيك رايي الشخصي
وانت عقلك في راسك والامر راجع لك في الاول والاخير
شوف كل دوله بتروح لها كم تحتاج من ايام
كم يوم يكفي لها
وشوف انت الفترة اللي بتقضيها هناك كم
وكم فلوسك
وهل ماعندك مشكلة مع المسافات الطويله والا ماانت براعي مشاوير
رايي هو
عط كل دوله حقها من الايام ولا تزيد
لانك بتمل
خلصت من هذي الدوله
رح للي بعدها حتى لو كانت بعيد (اذا كان ماعندك مشكله مع المشاوير الطويله)
خلصت رح للي بعدها
لاتجلس في دوله اكثر من اللازم عشان مايصيبك الملل
ولاترجع لنفس الدوله
نصيحه وتعبر عن رأي شخصي
تقبل تحياتي

الله يعطيكم العافيه ياشباب ماقصرتوا وراح الغي ايطاليا من الخطه ان شاء الله بكتفي بالمانيا وسويسرا ويمكن اروح النمسا
كما عهدناكم ماتقصرون بالنصايح جعلها الله في موازين حسناتكم
شكرا