قال المطر مافوق( مليار) قاله= جواب لا ماحتاج نبدي له اسباب
جواب واحد لو تكرر سواله=ماهمنا تلفيق كافر وكذاب
حبي لسيد الخلق ماطول حباله=متوارثينه ماكسف يوم او غاب
النا الفخر في حب طه واله=والنا الشرف في حب طه والاصحاب
عن حبهم ماكنت لحظه بداله=حب قديم ماتغير ولاشاب
ونفخر برايتنا عليها دلاله=ذي كلمة التوحيد ربي لها جاب
يوم البيارق دنخرت هو لحاله=لاماتنكس يوم ب(زيورخ) الالعاب
مرفوع في كل الميادين فاله=خفاق عالي لو لمس غيره تراب
بعض البشر زاد الخساسه نذاله=مطعومه الخنزير ويشرب مع كلاب
اختار اسمه من طمان وسفاله=سافل من اسمه شين والشين له ناب
(دني)وزايد مع دنوه جهاله=(مارك)ماركته بها اعتل وانصاب
مسخ القرود مسلسلتهم سلاله=يامسمنين ال(هام) ولل(كاو)حلاب
انتاجكم مرفوض والف بداله=افضال ربي ما نعدد لها حساب
حالتك يارسام والله حاله=فكرك مريض وقلبك اليوم مرتاب
الطهر لاتقربه مالك وماله=الك النجاسه بيت وانتا لها باب
هذا محمد عالي عنك جاله=ماياصله بهتان او رسم مغتاب
يصعب على مثلك تقرب حواله=محمود ممدوح بأيات وكتاب
ربي رفع بين البرايا جلاله=سيد بني ادم شيبان واشباب