السلام عليكم ورحمة الله وبركاته
loverd يعود لكم من جديد ولكن باسم جديد وهو bundy
اليوم تقريري عن مدينة hotspring,arkansas
طبعا كنت الرحلة في شهر مايو وكنا انا واثنين من الشباب خططنا نروح هالمدينة وماكنا نعرف عنها اي شي الا انها مدينة طبيعية وفيها مساج.
وهذا موقع المدينة الرسمي للمزيد من المعلومات عنه
http://www.hotsprings.org/
الرحلة كانت في 24/5 ومن الساعة9 الصباح طلعنا من pittsburg,KS
الى Joplin,MO لانه ما لقينا سيارة في مدينتاللايجار ومن هناك نص ساعة وكانت القطة من كل واحد فينا $200 واستغرقت الرحلة تقريبا 5 ساعات وكان الجو فيه مطر بس حلو.
طبعا اسمحوا لي على التصوير لانه الكاميرا مو تبعي وماعرف اتعامل معاها لانه صاحبها مصور محترف
هذي صور من الطريق
ونشوف من الصور هنا الطبيعية الخلابة اللي تميز midwest بشكل عام
وهذا صورة حادث في الطريق ( كان اول حادث اشوفه في امريكا
طبعا في الطريق مطر والاطرقة مثل الجنوب (( خويي)) من الباحة ومستانس عليها يقول يذكرني بطرق الجنوب
اللي فيها لفات وطبعا بعد مدة من ماتمشي الطريق مافيه الا شوي من محطات البنزين وبعضها تخوف
كنا نبي نوقف نعبي بنزين بس المحطة تخوف قلنا يا ولد امش بس
كل شي ولاحياتك
طبعا وصلنا هناك في حدود 4 ونص وكان مركز الزوار مقفل وماعندنا لاحجز في فندق ولاشي وكنا جوعانين.
طبعا تمشينا في المدينة و كان الجو حلو شفنا شي مثل الحديقة وفيه اليانبيع الحارة وتمشينا داخل . طبعا درجة حرارة المياه هناك توصل 60 درجة مئوية وهو مكتوب.
طبعا مشيناوكنا موجودين في downtown حق المدينة وشفنا محل حق اشياء مثل التحف والاشياء الحلوة وشدنا لها الموسيقي العربية . كانوا حاطين اغاني مغربية وخويي الثاني مطيح في المغرب فدخل وقال خلنا نسالهم عن مطعم وفندق عشان ننام ونرتاح.
فيه بنت سالنها وهم ناس حبوبين وساعدتنا البنت وطلعت تشتغل في فندق هوليدي ان . ودلتنا على مكان المطاعم والفنادق. ولما طلعنا الشباب اللي معاي كل واحد قال البنت حبتني واعجبت فيني
انا طبعا كنت اضحك عليهم
قلت يلا اجل انا بقول تحبني بعد ... قالوا لا انت underage ومايصلح لك هالشي. انت المفروض ماتجي معانا لانك صغير .. قلت عادي
لازم اكون معاكم عشان يصير واحد عاقل واثنين مو عاقلين
عاقل بقوة
وبعدين تعشينا في المطعم المكسيكي وكان اكله متوسط بس السعر غالي.
بعدين حاولنا نطلع فنادق من GPS والفنادق اللي في downtown مو لهناك وتخوف وخدمتهم سيئة.
الفنادق الباقية في الجهة الثانية من المدينة... ماكان عندنا حجز ومالقينا حجز حق 3 ايام لانه الويكند فل
لين حصلنا فندق في الهوليدي ان ب 100 دولار في الليلة ودخلنا ننام بعد ماخذنا شاور.
طبعا راح احط لكم صورة وهذي هي مسك الختام ح اليوم وراح ارجع لكم بعد مدة ان شاء الله ((( اذا عجبكم التقرير))
الحين في امان الله
:m9:
وتقدر تشترك فيه بلاش وتحجز خلال 24 ساعه اذا مو اقل وسعره عادي جدا وهو مشهور وتلقاه بكل مكان وبكل طريق وهو امن وله سمعه زينه في امريكا
التقرير يفتقر الى الصور ومستغرب انك خايف من محطات البنزين في الطريق ؟؟؟ بالعكس هم يخافون اكثر منك وانا اقولك لاتخاف واشتر بطاقه البنزين علشان لاتشيل معاك فلوس كاش
متابعين معاك