المنطقه كويسه
تفضل تجربه من سكن بنفس الشقق وذكر ما جاورها من مطاعم وخدمات
https://artravelers.com/p/re/513206

اي حلوه
وجنب المترو
واختيارك موفق

شكرا على ردودكم ما قصرتو المشكله خويي اول مره يروح باريس و يبي عند الشانز
شكلي بجلس على كونكورد

كونكورد وش تبي فيه
اذا مبلغك كويس شوف اللي مقابله اروع مليون مره من كونكورد اللي مستهلك وكل الشركات السياحيه تسكن الناس فيه كبير ومن جنبها
مع ان ناس تمدحه بس صباحان الله ما جاز لي فيه الا المطل حقه بالكوفي

يا بعدي شفت الفندق اللي تقول عنه اغلى بكثير عن سعر حجزي
لان من شهر لقيت سعر كونكورد 140 يورو و حجزت
الان كونكود سعره 190 بالوقت اللي بمشي فيه
لان قرب التاريخ و راس السنه و فنادق كثيره فل
بس كونكورد مهب سيء بالمره و الصراحه ثلاث مرات اروح باريس ما عمري سكنت فيه
لاني اطلع بالصيف و ادري انه مليان خليجيين
بس هالمره شتا ما في زحمه و ودي اسكن قريب من الشانز حسب رغبة صاحبي ما لقيت غيره شعره مناسب
مشكور ما قصرت على النصيحه
بالتوفيق

الله يوفقك يا غالي ويسعدكم ان شاءلله
اي والله انه غالي لان الوقت قرب ولا سعره بحدود 200 يورو بالعاده بس ما دامكم شباب لا كونكورد يصلح
قلت متزوج اول وشهر عسل

الحمدلله متزوج و طلعت ثلاث مرات مع زوجتي
ودي اجرب اروربا شباب بحريه اكثر بعض الشي
ناوي باريس 5 ايام منها اطلع يوم بروكسل و ارجع باريس
بعدها ديفون اروح لعشقي سويسرا خمس ايام
جنيف و لوزان و منترو و ايفيان و شمونيه
شفت تقريركم و عجبتني الفكره
حياك الله يمديك على التأشيره انا توي مقدم عليها اليوم
وش رايك*

والله لي الشرف يا غالي
ابو عقيل تعذرت منه وقال ادبر لك سكليف ما فيه طب الا نروح لكن
كثرت الختات للعزوبي يدققون عليه العين وهو توه بادي يدور له بنت حلال يمين ويسار خ
تبي تروح بالبرد ما انصحك
روح مدريد وشوف تقريرنا توه طازه واذا انت راعي كوره اشتر تذاكر
سويسرا ثلوج

أخوي أنا عني سكنت بفندق كونكورد لافييت في نوفمبر الجاري
وبصراحة كان من أروع مايكون صحيح إن سعره غالي بس للأمانة نظافة وأمان
والعاملين جدا متفاهمين وبشوشين
علماً بأن وقت وصولي للفندق كان الساعة 7 ونص تقريباً وجهزولي غرفة ودخلونا بدون مشاكل
وجميع الخدمات متوفرة حولينك
محطة مترو " جداً قريبة" تحت الفندق تقريباً
وبه مول يوجد به سوبرماركت في كل شي
ومواقف تاكسي أمام الفندق مباشرة وغيرها من الخدمات المتوفرة
وستحصل على خصم لديزني لاند وما راح توقف مع العالم في الطوابير راح يكون لك مسار خاص