بسم الله الرحمن الرحيم
اول رحله لي الي اندنوسيا تحديداا بونشااك اضعها بين ايديكم بكل تفاصيلها
ومن باب رد الجميل لهذا المنتدى واعضائه الكرام على ماجمعته من معلومات افادتني كثيرا في رحلتي.
الاقلاع كان يوم الاربعاء الساعه 10.15 مساء من الرياض 30 مايو .
والعوده من جاكرتا يوم الخميس الساعه 1.30 الظهر 7 جون .
الرحله على متن الخطوط السعوديه والتذاكر ب2250 ريال من مكتب الصرح ، وكان برفقتني احد الزملاء.
الميزانيه 6 الاف , الف ومية دولار والباقي ريال وبطاقات صراف للضروره.
اقلعنا من الرياض الساعه 11.25 تقريبا والحقيقه الخطوط السعوديه طائراتها جداا متواضعه مافيها اي وسيله من وسائل الترفيه والاكل يالله لك الحمد , الرحله متعبه بمعنى الكلمه.
وصلنا تقريبا الساعه 11 الضهر بتوقيت جاكرتا والرحله كلها كوم ومعاملة الاندنوسيين بالمطار كوم ثاني.
طبعا حقين االجمارك والجوازات :-
تاخير ساعتين وونص عشان الفيزا وحنا يادوب مانجي 15 سعودي.
من جد ابتزاز بمعنى الكلمه وقدامي واحد قطعو الورقه الي عباها بالطياره عشان غلط بسيط غير هديه هديه.
المهم انا واجهتني مشكله الا وهي الدولار قالو قديم ولا نقبله هات غيره يمين شمال ياناس مامعي غيره قالو ارجع
انا صارف 1100 دولار
0تسلس الارقام يبدا ب cb وهذا الي صارت عليه المشكله وماكنت ادري انه قديم
و500 ثانيه تسلسلها يبداء ب f و h وهذا جديد ومشى بدون مشاكل
المهم عطتهم من الدولار الجديد وطلعنا بعد مامرينا على الجمارك هديه هديه وانا شايل هم ذالدولار الي عيا ينصرف لاني مريت الصراف الي بالمطار وقالي برضو ماراح نصرفه
مرينا المكاتب عشان التكاسي وكلهم اسعارهم فوق الي يقول 500 والي يقول 450 وانا حاط ببالي 350 غيرها مافيه شي.
وفعلا لقينا السواقين الخاصين ينادونك تعال تعال ... كم يابو الشباب قال 400 قلت 350 غيرها مافيه
قال اركب ومشينا الساعه 2 تقريبا وصلنا بونشاك الساعه 5 والطريق كان زحمه بشكل غير طبيعي ونا وخويي مرهقين لا اكل ولا نوم وزاد الطين بله ذالدولار
اول ماجينا على جايا جاكرتا مافيه الا فله وحده ب600 الف ربيه بالنسبه لي تعتبر غاليه وعلى باريتا
كم الفله قالو ب300 الف توكلنا على الله واخذناها سلمت الجوازات بالسفتي بوكس ووقعت الورقه ورحت اصرف وانا شايل هم ذالدولار
والحمدلله انصرف لكن نقصو منه 2000 ربيه وكان الصرف لحضتها ب875 الف ربيه , والدولار الي معنا صرفناه ب873 الف ربيه
حاسبت السواق واخذت دش وجتنا الخدامه واسمها (جميله ) واتفقنا معها على 50 الف ربيه يعني حول 22 ريال
طبعا سعر صرف الريال مقابل الربيه 2300
الفله الحقيقه متواضعه نوعا ما وبالنسبه لباريتا الفلل عندهم صغيره ب300 الف غرفتين وحمام ومطبخ ودورتين مياه
وفيه فله ثلاث غرف ب350 الف وفيه فله اكبر ب600 الف.
طبعا قلنا نبي نتعشى ومالك الا هارديز قريب من الفله تروح له على الدباب.
وسواقين الدبابات تلقاهم عند السكورتي يودونك للاماكن القريبه بقاله ، مطعم ، محل الصرافه طبعا المشوار حقه 10 الاف او عشرين ااذا كان بعيد شوي اكثر من كذا لاتعطيه
وقبل لاننام اتفقنا مع سواق يودينا تماشي السفاري والجبل بعد صلاة الجمعه
طبعا المنطقه كانت زحمه وجيتنا صادفت بداية الاجازه الاسبوعيه عندهم لذالك اذا تبي تتمشى في الجبل حاول تبداء من يوم الاثنين وتنتهى الخميس .
صلينا الجمعه في مسجد مو بعيد عن الفله والي وصلتنا له الخدامه ويوم جينا نرجع ضيعنا لانها دواعيس واكواخ ماتدري من وين جيت ولا من وين طلعت ودقينا على الخدامه وجت اخذتنا
اتركم مع بعض الصور لبعض الاطفال لقيتهم في الطريق من المسجد للفله
وهذي صوره لعائله اندنوسيه عزمونا عندهم وقدمولنا اكل غريب صراحه انا شخصياا اكلت قطعه صغيره مجامله بس
طبعا يوم جينا نمشي هديه هديه
وطلعنا بعدها على طول للتمان سفاري والجبل واتفقنا مع السواق يودينا ب200 الف من الساعه 1 الين الساعه 7 .... السواق اسمه يووسف ومع الاسف طلع سيئ وغيرناه بعدين .
اتركم مع الصورالرحله للتمان سفاري
طريقه بدائيه لتعبية البنزين يقولون ارخص
لاتنسى تشتري لك حزمه عشان تباشر على الحيوانات بالحديقه 2000 ربيه
التسعيره .. وطبعا فيه تسعيره خاصه للسياح
سواق الفيل هذا يمين بالله مجرم ... الغريب ان السيارات ماجاها شي
وطلعنا تقريبا الساعه 3.30 من الحديقه من غير مانمر على التلفريك ولا عرض الكاوبوي لانه صراحه الحديقه زحمه وحنا ناوين البراشوت .
ووصلنا للجبل الساعه 4.30 تقريبا الجو فيه ضباب واثر على الصور لكن ان شاء الله تكون واضحه.
طبعا البرشوت قال ان الجو مايسمح وان اتجاه الريح غير مناسب واخذت رقمه عشان اتصل عليه في وقت ثاني اذا كان الجو مناسب.
لحد هنا واستاذنكم شباب في اكمال تفاصيل الرحله بكره .
رغم اني كنت حريص انزلها كلها الليله بس الارهاق لعب دور بالموضوع.