اخوي 7 ايام يادوب تكفي لندن نفسها من متاحف وحدائق واماكن تسوق..

خلاص ابطل سفر يعني !

لا لا تبطل لكن خلها كلها في لندن يوم للمتاحف ومدام توسود ويوم الاحد للهايد بارك وهارودز ويوم للاكسفور والريجنت والاسواق ويوم للتيمز ريفر ولندن اي والبق بين وممكن تخلي يوم من الصباح تروح برايتون وترجع في الليل للبيكاديلي والي يعجبك كرره..

انت صدقت اني حبطل ههه امزح
بس والله ماقصرت ياغالي جزاك الله الف خير

لالا بالعكس يمديك على لندن 5 ايام واسكوتلند يومين
بس اكيد هذا الشي راجع لك
اذا انت من النوع الي يحب يجلس بالشي ويحلله ساعات او انك مجرد تشوفه وتاخذ فكره عنه وتروح
اذا كنت من النوع الثاني صدقني بيمديك الوقت وزيادة
والاشياء الي ماتفضلها يعني لو مثلا ماتحب حديقة الحيوانات ولا المتاحف
او ماتحب المقاهي او مو من النوع اللي لازم
يكون لك بصمه بكل مطعم
فلا تحطها بجدولك عشان مايضيع عليك الوقت و لا راح تستمتع بها
خل كل الاماكن القريبه من بعض كلها بيوم واحد عشان لا يضيع وقتك بالتنقل من مكان للثاني
هذا الي حبيت افيدك فيه
وان شاء الله لي رجعة بالاماكن اللي انصحك تروح لها
بس ياليت تعلمني اذا ودك تروح للاسواق او لا؟

أرياف
تسلم على ردك بصراحه كلامك صح المفروض احدد وش اللي في بالي
انا رايح مع واحد هو اول مره يروح بصراحه ابغاه يحس انه في دوله اروبيه
يعني متاحف حدايق شغلات تحسس الواحد انه في دوله اروبيه
بالنسبه للاسواق انا مالي فيها ماحب الاسواق
ولااروحها الا وقت السفر اشتري اللي ابيه وامشي ===== قنووع
نفسي اروح اللي الاماكن اللي يروحوها الاروبين فاهمه قصدي
وشكرا

شوف معاي هذي الخريطة
حددت لك اهم الاماكن السياحية الي تروح لها عشان يكون اسهل لك
تعرف اماكنها وتروح لها بنفس اليوم

وحددت مكان السفارة السعودية و الخطوط السعودية
في عندك شارع الاكسفورد و بوند ستريت اذا منت لم السوق بالمره لا تروح لهم
لانه مجرد محلات على الشارع
وانصحك بعد تروح لحديقة غرينتش
تشوف خط غرينتش فيها
بس تراها بعيدة شوي
واذا تبي تحس انك بمدينة اوروبية انصحك وبعنف انك تتمشى بمنطقة المايفير
منطقه هادية ورااقية
و روحو للندن بريدج و تمشو على النهر المنظر روعه خصوصا وانت تشوف التاور بريدج
و بالنسبة لصلاة الجمعة في مسجد عند الريجنت بارك روحو له
وفيه الباص السياحي اللي يلف بك لندن
تلقاه بالشارع يبيعون تذاكره
اذا ذكرت شي برجع و اقوله ان شاءالله
بالتوفيق

ماقصرتي والله صوره ممتازه لازم اطبعا مشكوره والاماكن كلها جميله انا رحت بعضها
بصراحه انا طمعت لو ممكن صور باريس وجنيف اكون شاكر لك
جزاك الله الف خير