popo12424
أخي العزيز
أسئلتك للإجابة عليها تحتاج لأسئلة
1- الرحلة عمل أم سياحة فقط أو الأثنين معاً ؟
2- ماهي درجة الفنادق التي ترغب وتعودت على سكنها ؟
3- هل معك رفيق في الرحلة أو لوحدك ؟
4- ماهي المناطق المحببه لك في السفر ؟
بناء على أجوبتك ستجد بإذن الله مقترحات من الكثير من الأخوة هنا
والبعض سوف يزودك بروابط لمواضيع مفيدة لك
وسلامتك

مسافر بلا محطات
شكرا جزيلا لك

تقبل مرورى وراح يفيدونك الاخوان بأذن الله ،،،،،،،،،،،

1. وبتحصله في المول في ناشيونال بوك ستور .

السلام عليكم اخوي
popo12424
اولا ارحبك بختيارك الورده لقضاء عطله لسياحه وبنيابه عني وعن الاخوان المراقبين والاعضاء في بوابه الفلبين يسرني ان اجاوب على اسالتك بكل تواضع بسم الله :
1.هل 20 يوم كثير ولا قليله في الورده ؟ الاجابه حسب رغبتك اخوي بس 20 يوم من وجهت نظري كفايه في الورده بس اذا تحب تزيد ايام يكون احسن لتلف الورده كامله.
2.المدن الي يفضل ان تزورها في الورده ؟ الاجابه تبدا الجوله من مانيلا : مكاتي , ستار سيتي مول اوف ايشيا,هذي الواقع في مانيلا المواقع الثانيه خارج مانيلا مثل لاقونا بتنقس. و بعدين باقيو سيتي , باروكاي ايلاند , بلاون ايلاند , سيبو سيتي, سوبيك بيتش ( بيتش يعني شاطئ مب الي يمكن يصير في بالك ههه ) تقيتاي سيتي , الوكوس سيتي ( فيقان) وبحط بعض الروابط للمدن والجزر المذكوره اسفل التقرير .
3.كم المده التي يفضل ان ابقى في كل مدينه ؟ الاجابه حسب رغبتك بس من اقتراحي كفايه 3 الي 4 ايام لكل مدينه .
4.كم تبعد كل مدينه عن الاخرى ؟ الاجابه اخوي حدد اي مدينه تبغى تسير وبعدين بتحصل المسافات في الخرائط والكتيبات عن كل مدينه في جداول عن المسافات بين كل مدينه والثانيه وتقدر تحصل هذي الخرائط في محطات البترول (الوقود) مثل بترون ومحطات شيل , وتقدر تحصل الخرائط لكل مدن في مول وف ايشيا mall of asia

وبتحصله في المول في ناشيونال بوك ستور .

5. الامان في الفلبين عادي ومافيه اي مشاكل الافي حالت انه الشخص جاي الفلبين ليسوي مشاكل يعني بكل صراحه وحسب خبرتي الطويله في البلد اعطيه 100% امان بس مااقصد انه ماتحترس يعني الحذر واجب لانه فيه ناس لي شافو الشخص مضحكه كلوه (فخلك ذيب تسلم من مخاليب الذيابه).
6.نصيحه عن فنادق معينه في كل مدينه ؟ الاجابه في فنادق كثيره في كل مدينه بتروحها في الفلبين وفيه الغالي وفيه الرخيص وفيه الزين وفيه الشين , انصحك اذا جيت مانيلا وبخص مكاتي سيتي عندك سيتي جاردن و مكاتي بلس وهذي فنادق رخيص سعرها , وعندك مندرين هوتيل بس هذا غالي وعندك شانقريلا وهذا بعد غالي وفيه تقدر تحصل شقق مفروشه لاجار وهذا ياخوي موقع بلفنادق في مكاتي فيه فنادق 3 ستار و4 ستار :http://www.asiarooms.com/philippines/manila.htm?cpg=2&type=desc
وتستطيع انك تختار الفندق اللي تريده وتشوف السعر والمسافه عن المركز , والموقع هذا ينفعك في اختيار الفنادق في اي منطقه في الفلبين .
7.هل يفضل الحجز عن طريق النت او عن طريق مكاتب في المطار ؟ من وجهت نظري انصحك انك تروح بنفسك للفندق اللي تختاره وبدون مساعدت مكاتب بس شيك على رقم الفندق واتصل وخبرهم انك جاي وبيحجزون لك غرفه لانه اذا تستخدم خدمات المكاتب بياخذون منك فلوس اضافيه كشارج للخدمه .
ولحين بعطيك بعض المواقع للمدن المذكوره في اول الرد :
1. مانيلا: http://www.philppines.info/
2.باقيو: http://www.gobaguio.com/attractions.html
3.بوروكاي ايلاند: http://www.tourism.gov.ph/explore_phil/place_details.asp?content=thingstodo&province=98
4.بلاون ايلاند: http://www.palawan.com
5.سيبو سيتي: http://www.sidive.com/cebu-tourist-attraction.htm
6.فيقان سيتي (الوكوس): http://www.vigancity.gov.ph

• ملاحظه : اذا تريد اتسير بتنقس او لاقونا فيمكنك انك تسير تاخذ باص وهوه الارخص وعندك شركت http://www.victoryliner.com والشركه الثانيه five star

سعر التاكسي غالي لين لاقونا او بتنقس , وبنسبه للخطوط الجويه المحليه في الفلبين عندك :
http://www.cebupacificair.com
http://www.airphils.com
http://www.zestair.com.ph
والارخص دئما سيبو باسيبيك . وهذا اخوي الاجوبه على اسالتك وسمحلنا على القصور والتقارير للي الاخوه الاعضاء تزيد وتوفي واي شي تريده اذا جيت الفلبين نحن موجودين وفي الخدمه لاي شي تحتاجه وسلمت .

almoqbali
عز الله كفيت ووفيت

welcome brother regent this is my motto in life to help others

الاخ الفاضل almoqbali
]بصراحه ردك الرائع الجميل احرجني ولا يوجد كلمات توفي بحقك لا اقول سوى جزاك الله خير
انا كنت اتوقع ان مكاتي هو حي في مانيلا ولم اعلم انها مدينه منفصله
انا لا احب السفر بالطائرات الداخليه فما هي المدن التي استطيع ان اذهب اليها بالسياره من لحضه وصولي الى مانيلا ؟
وشكرا جزيلا لك

1. السلام عليكم الاخpopo12424


2. 2.روبينسون مول وله العديد من الافرع في مانيلا مثال : مندلوين سيتي

السلام عليكم الاخpopo12424

اخوي مدينه مكاتي جزء من مانيلا سيتي وهي بحد ذاتها مدينه مستقله كجزء من التقسيم الاداري في مانيلا مثلا عندك في مانيلا : مدينه مندلويون وعندك مدينه كزن سيتي و البان و سمبالوك وباساي سيتي اللي موجود فيها المطار الدولي والمطار الداخلي وكل مدينه من المدن المذكوره لها مايور , اللي بغيت اقوله انها مدينه مكاتي جزء من مانيلا ولكن في نفس الوقت مدينه مستقله لها مايور وتستطيع الذهاب الي مكاتي حتى من المطار والمسافه اقل من 20 دقيقه اذا مافيه زحمه يعني لايدور راسك في مانيلا وعن سؤالك وين تقدر تروح بسياره تقدر تروح اي مكان في الفلبين بسياره ماعدا الجزر مثل باروكاي وبالاون دافاو وسيبو , لانه جميعها جزر فتحتاج طائره او عباره للذهاب هناك ومثال تقدر تروح من بتنقس الي جزيره بويرتو قاريرا , بس تقدر تروح بسياره الى باقيو والمسافه من مانيلا242 كيلو ميتير وتستطيع الذهاب الى لاواق سيتي والمسافه477 كيلو ميتير من مانيلا , وعندك فيقان سيتي394كيلوميتير , وعندك تيقيقيراو سيتي من مانيلا 475كيلوميتير ,
وعندك سان فيرناندو (بنبنقا) من مانيلا 71 كيلوميتير , وعندك بلنقا سيتي من مانيلا 116 كيلوميتير , وعندك سان جوسيه سيتي من مانيلا 160 كيلوميتير , وعندك بتنقس سيتي من مانيلا 101 كيلوميتير , اوردنيتا سيتي من مانيلا 173كيلوميتير

• ملاحظه : 1.جميع المدن المذكوره في شمال الفلبين(norht philippines) وليست في الجنوب

2.المسافه الي جميع المدن بالكيلوميتير kilometers
3.جميع المدن المذكوره خارج مدينه مانيلا
بشان مدينه مانيلا عندك العديد من الاماكن للذهب اليها مثل :1. مول اوف ايشيا في منطقه باساي وله العديد من الافرع في مانيلا ويطلق عليها ( sm mall)

2.روبينسون مول وله العديد من الافرع في مانيلا مثال : مندلوين سيتي

3.جلوريتا مول (ayala mall) موجود في منطقه مكاتي وجرين بيلت بجانب جلوريتا في مكاتي
4.جرين hills في منطقه سنوان ( هذا المول عباره عن محلات تبيع اشياء تقليديه يعني قوم بوعبود ههه عندهم ساعات العاب الكترونيه ملابس اجهزه كهربائيه كل شي مقلد موجود في المول وفيه مول فيه اجهزت تكييف ومول لايوجد فيه اجهزت تكييف .
5.وتستطع الذهاب الى متحف مانيلا
6.عندك الاوشين بارك ( الحديقه المائيه) قرب ريزال بارك وتستيطع في نفس الوقت زيارت هذي الحديقه يوجد بها قبر البطل القومي الفلبيني خوسيه ريزال.
7.واذا تحب تصوير بعض الامكان التاريخيه التى تخص الحقبه الاسبانيه بجانب الامجريشن بجانبها مباني اسبانيه قديمه .
8. عندك الحي الصيني .
9.عندك مدينه الملاهي (ستار سيتي).
0-واذا ياك صوع الشوارما والغوزي ههه عندك منطقه ملاتي ويوجد بها الكثير من المطاعم العربيه والشيشه ومنها : مطعم البحر الاحمر , مطعم القدس وله فرع في مكاتي بس الفرع هذا مغلق , مطعم مركز الشوارما.
1-نصيحه ابتعد عن المطعم الايراني في مكاتي ( برشين كباب ) تراه حرامي والاسعر غاليه والشيشه ماتنطري .
2- عندما تستخدم اي تاكسي فيه نظام جديد يطبعلك الرصيد وفيه سعر الاجره اخذه من التاكسي .
جميع المناطق الي ذكرتها لك في مانيلا تروم اتروح لها بتاكسي وحتى بلجبني بس مانصحك به ههه وعندك الحافلات المكيفه وهيه رخيصه وجميع المناطق هذي من 30 دقيقه الى 40 دقيقه يوم فيه ترافيك .
وفي الاخير نتمنالك قضاء اجازه سعيده في الورده وشكرا .

عزيزي almoqbali
بصراحه كفيت ووفيت ووجهك ابيض ورايتك بيضاء لقد طبعت كل ملاحضاتك ومعلوماتك وهي ستفيدني جدا
وايضا قررت ان اذهب في البدايه الى بوكاري بعدما شاهدت صورا لها
ولكني لم افهم السطر قبل الاخير
( جميع المناطق الي ذكرتها لك في مانيلا تروم اتروح لها بتاكسي وحتى بلجبني بس مانصحك به ههه )