اختي انا شايف ان 5 ايام كثيرة على ميلان الا اذا كنتي من عشاق التسوق وهذي وجهة نظر واتوقع كثير من الاعضاء يؤيدني فيها حسب ما قرأت عن انطباعهم عن ميلان ودام معاكم سيارة حرام تجلسون الفتره كلها في ميلان وبما انكم رراح تجون من ميونخ يعني الطريق راح يكون قريب من فيرونا وهي مدينة يمدحها الكثير من الاعضاء وفيها ملاهي بامكانكم البقاء فيها ليلة او ليلتين كما انها ليست بعيدة عن فينيسيا المدينه الحلم (100كم فقط بامكانكم ان تقومون بزيارة الى فينيسيا والعودة مره اخرى الى فيرونا ) وبعد انقضاء الليلتين تنتقلون الى ميلان وبامكانكم ايضا زيارة منطقة كومو القريبة من ميلان ساعه بالسياره هذه وجهة نظر شخص محب لكل ماهو جميل ومحرومين مه في منطقة الخليج اما الاسواق والماركات والمباني وزحمة السيارات فبصراحة لاعت كبودنا منها بالخليج تحياتي وتأكيدا لكلامي هذي احدث رسالة وصلت امس من احد الاعضاء هناك https://artravelers.com/p/re/303576

ام حمد وش في بالك هل تسوق الخمس ليالي او تبين تروحين لمدن قريبه وترجعين في نفس اليوم ؟؟

cenuor
انا عندي نفس طلب ام حمد بس احنا ستة ليالي ونبي نورح لمدن قريبه ونرجع بنفس اليوم رايك لو سمحت

دايم
مشكور اخوي .. زوجي قرى ردك وضاق خلقه خ

اخوي سينور خبير ايطاليا
والله ودي ببرامج .. لتسوق انا بتسوق بميونخ ان شاء الله
يعني مافيه بحر وشواطيء حق ابو الشباب ينبسط ^_^

انا برايي اللي بيسكن في ميلان لا يطول عن يومين ثلاثه انا توني راجعه يوم الجمعه منها وجلست 7 ايام طفشت حر وبعوض رجعت كني متضاربه مع احد من كثر مافقع وجهي النامس واللي بيسكن هناك بليزز لاتسوون غلطتنا تاكدوا من وجود المكيف ولا بتتنكدون في رحلتكم ولا تنسون تزورون كومو مدينه حالمه وجميله وشاطيء بيلاجيو فيها ومروا على لوقانو وترا فينيسيا وفلورنس قريبات كلهم 3 ساعات عن ميلان وبالتوفيق

ام حمد ما فيه بحر روحو ريتشوني وريميني فيها بحر وفله .. المدن القريبه عندكم كومو ولوقانو وفيه ستريزا
كل وحده من ذولي يوم وبقى يومين خليها تسوق وبس

هو سؤال هي ريتشوني كم تبعد عن ميلانو

اي والله كم تبعد ؟