هلا و مرحبا
يرجى الدخول على هذا الرابط وان شاء الله راح تستفيدين منه
https://artravelers.com/p/re/473746

شايفه هالموضوع انا
بس مواضيع كثيره وتحوس اشياء كثير مابيها قريتها قبل واستفدت منها
انا اسال عن الاماكن الي اروحلها زي ماكتبت
ابيكم تساعدوني الله يعافيكم وتكتبونلي كل الاشياء المولات والمتاحف المميزه الغريبه و الحدايق الحلوه الي فيها شي يميزها مو بس طبيعه وشجر وبحيرات وناس تدور ابي حدايق فيها جلسات وكوفيهات زي هايد بارك
مابي ارجع وفي شي حلو ماشفته

إن شاء الله تنبسطي في سفرتك يا نوف =)
لو مريتي على التقارير حتستفيدي مرة عالعموم أنا حقولك بعض الأشياء اللي في بالي دحين
الحدايق :
أكيد الهايد بارك , ريجنت بارك (أصغر من الهايد بارك بس بالنسبة ليا أفضل وأجمل بكتير) ، سينت جيمس بارك ( جنب قصر إليزابيث لازم المرور عليه) ، باتيرسي بارك (كبيرة وحلوة بس بعيدة ) ، ريتشموند بارك (تسمى حديقة الغزلان لانو متوفر فيها الغزلان بصورة كبيرة لكن نوعا ما بعيدة الحديقة )
المتاحف:
متحف الشمع (رائع ، تماثيل للمشاهير منحوتة بالشمع) ، المتحف البريطاني (تاريخ بريطانيا) ، متحف الطبيعة ، متحف صدق أو لا تصدق ، المتحف العلمي
التسوق :
هارودز ، ويست فيلد ، أكسفورد ستريت ، ريجنت ستريت ، بوند ستريت ، نايتس بريدج
كمان في هامليز لو معاكي أطفال ( مركز 5 أدوار كلو ألعاب ) ، أكيد لازم تروحي لندن آي و بيق بن ، لندن بريدج ، باكينجهام بالاس (قصر الملكة)
هادي الأشياء اللي في بالي لو افتكرت شي تاني حكتبو

الله يعافيك يانووني والله ماقصرتي ابد
وايش بعد من عنده اماكن حلوه ثانيه
والي عنده فكره عن برستل