حياكم الله بكل وقت واذا الارض ماشلتكم الرأس يشيلكم
من الرياض للكويت تقريبا 700 كليو يعني 7 ساعات غير الجوزات
واذا كان في زحمه
وباقي الرد ستجدينه بالموضوع هذا
https://artravelers.com/p/re/226092
وحياكم الله

ياهل فيكم بديرتكم وعين غطا وعين فراش
1- تعالو عن طريق الدماام احسن وافظل من الطرق البديله لانه معااكم اطفال والجو حاار _انا افظل طرق الدمام اذا بروح مع يهالي حق خولهم بالرياض _وبشتا يكون المختصر على طريق النعيرية لانه الجو بارد والطريق مكشوف بالنهار
2-المناسبة في اي منطقه عشان يكون السكن مناسب لكم وقرييب
انتظر الرد

مشكورين على الترحيب والرد .. وهذا طبع اهل الكويت الحبيبة
العشق مانشستر ... الموقع كثير استفدت منه وجالسه اقراه الحين ... لكن الاكيد انه ما نسستغني عن توجيهاتكم ونصايحكم
ولد_الكويت .. حلو طريق اللي قلته بس بعيد لكن ميزته انه آمن
وموقع المناسبه والله ما ادري ... العلم الاكيد عند زوجي .. لكن مو مهم السكن يكون هناك لأنها ليله بس لكن كل طلعاتنا وجياتنا بتكون في اماكن ثانية .. فودنا انه تكون قريبه من المجمعات والاماكن السياحية

عندج مكان واايد حلو وهو منطقة السالمية وتقع على شارع البلاجاات
وفيها مجمعات وشقق فندقيه فخمه وفيه فنادق مثل ريتز والهوليدان هذول اللي
اعرفهم ومكاانهم وايد نااعم وهاادي فيه شارع اسمه شارع
سالم المبارك وهو على يمبنكم وشمالكم كله مجمعاات
وسينمات وفيه مجمع الافنيووز وهو افخم مجمع بالكوييت من
ناحيت المسااحة تقدر ب 3 كيلو طوول ولا تحسون بالمشي بالمجمع
وايد راح يستانسوون اليهال معااكم بس يقع في الشويخ
واذا فيه شي استفساار انا حااظر ياخييتي

اولا حياكم اللة بالكويت والسكن الي ارشة لكم هو بيوتنا لكم سكن
علي العموم السيارة اريح بالتنقل مع العلم انة بالكويت شركات تأجير السيارات اكثر من اي شي اخر
وبنسبة للسكن السالمية مناسبة للسياحة وقريبة لكل الامور السياحية وانا انصح بالشقق الفندقية اكيد وحي اكثر من البقالات بالكويت يعني كثيرة جدا
وهذي رقم البدالة الخاصة بالاماكن التجارية
وبالنسبة للمجمعات
اكيد الافنيوز
الفنار
الكوت ( فحيحيل ) مكاني المفضل ولا يطوفكم
للتسوق الجاد المهلب حولي
سوق شرق
المرينة خاصة الصبح الريوق هناك ممتاز
الاسواق ...
الفروانية
سوق السالمية الجديد ( مهم جدا تروحون لة )
علي العموم كل المولات فية سينمات
والمطاعم بالكويت اكثر من البشر
من كل لون
وشكرا

انا بروح عل طول لى رقم 3 و4 و5 و6
بعطيكم جدول شامل ليوم المناسبه وانتو اختارو الي يعجبكم وطبقو واكيد اكيد راح تستانسون
يستحسن تسكنون بالسالميه
الثلاثاء:
تتجهون لمارينا مول وخصوصا الجزء الي على البحر اسمه مارينا كريسنت وهالجزء يربطه مع المول جسر
بعد ماتروحون الكريسنت تفطرون هناك بمطعم زعتر وزيت
جربو عنده صاج الحبش - صاج الروست بيف - بيض وجبن فخار
بعد ماتخلصون من الاكل دخلو المول وتسوقو واستانسو
المول بالنص في مجموعه قهاوي
والمول فيها سينمات فوق وفيه ساحه للمطاعم
وبنص المول رح تلاحظون مثل جزء بلكونه مسكره فيها المارينا Fm
بعد ماتخلصون وصار وقت الغدا طلعو من المول بالسياره اكو جزء قريب اسمه مارينا ويفز
المارينا ويفز فيه على ما اعتقد 3 مطاعم
انا انصحكم تروحون ماكي (مطعم ياباني) ضروري تجربونه واايد اكله لذيذ ومافي اشياء نيه وايد اغلبه مطبوخ
بعد ماتخلصون تقدرون تروحون ترتاحون بالشقه او الفندق لوقت المغرب وبعدها تطلعون مره ثانيه
وعالمغرب تتجهون لشارع سالم المبارك بمنطقه السالميه
الشارع فيه مولات وايد
الثريا (ماركات)
زهره (ملابس سهره)
الفنار
ليلى غاليري( ملابس سهره)
البستان
مريم (ملابس سهره - ماركات بالسرداب)
امنيه
جاليريا 2000 (فيه صالون متخصص بالاظافر انصحج تجربينه)
مركز سلطان (سوبر ماركت كبير)
طبعا الكلام لي بين الاقواس مو شرط يكون المول بس مختص بهالشي بس احسن الشياء تلاقيها فيهم
طبعا اغلبهم فيهم مطاعم وسنيما
الاربعا:
الفطور انصحكم بمطعم لونوتر (فرنسي) روحي فرع الي على البحر
المطعم صغير نسبيا بس وايد الجلسه حلوة الفطور في بوفيه مفتوح وفي طلبات من المينو روحو على الساعه 10 ونص
بعد ماتخلصون تتوجهون للمركز العلمي علشان تزورون الاكواريم وتدخلون سينما الايماكس واذا فيلم رحله الى مكه معروض لحد الحين انصحكم تشوفونه
اذا حابين تتقهوون انصحكم تروحون منطقه البدع وراح تكون قريبه من المركز العلمي
وتروحون تتقوون بشوكليت بار (جربو الفوندو - مولتن كيك - سبانش هوت تشوكليت - اوريو شيك )
بعدها تقدرون تتجهون اما لسوق شارع سالم المبارك او تروحون مول الرايه وموجود بمنطقه شرق على ما اعتقد
المول فيه محلات ماركات وفيه محلات عاديه
تقدرون تتسوقون وبعدها تتغدون اما في ووتر ليمون او بيرغر بوتيك موجودين داخل المول
بعدها ارتاحو بالفندق او الشقه لحد الساعه 6 او 7 وبعدها اتجهو لسوق شرق
سوق شرق موجود على البحر في سينمات وسوق و كافيات وتقدرون تتمشون صوب منطقه اليخوت بالمول
يوم الخميس:
تقضيه يوم كامل بمجمع الافنيوز تخلون الطلعه من الساعه 12
المول موجود بمنطقه الري علشان توصلون تاخذون الدائري الخامس تقريبا من السالميه للري نص ساعه
واول ماتقربون من الافنيوز راح تلاقون لوحات
اول ماتوصلون انصحكم تروحون تسألون عن مطعم سواح مطعم لبناني فاتح جديد حجزو فيه على الساعه 2 حطو حجز وروحو تسوقو ورجعو له بعدين
المول وايد كبير الجزء الاول محلات ماركات وقهاوي ومطاعم الجزء الثاي محلات عاديه ومطاعم وقهاوي وبالاخير السينما
العشا انصحكم بمطعم نينو (مطعم ايطالي) لذيذ وايد
الجمعه:
العصر روحو مجمع المهلب بمنطقه حولي
مول متوسط لا كبير ولا صغير
اذا انتو البنات حابين تسوون مساج انصحكم وبشده تجربون المساج في السبا فوق بس لازم حجز مسبق
رقم السبا 22628010
وبجنب هالسبا في سبا حق الرجال خلو زوجج والي معاه يحجزون فيه
بعد جلسه المساج تتمشون وفي مطاعم وقهاوي وسينما
انا عن نفسي اروح المهلب حق سوق او سينما او مساج
ما احب اكل هناك
للاكل انصحكم اما تروحون فريج صويلح بالسالميه قريب من المارينا مول
مطعم فيه كباين وفيه طاولات عاديه
المطعم اكل كويتي وستايل الكباين بيوت
انصحككم تجربونه
او تروحون فندق الماريديان على البحر وتروحون مطعم المرسى (اكل بحري) وستايل الجلسه قديم واايد لذيذ الاكل
وبس بجذي تكونو شفتو جزء من اماكن حيويه بالكويت
في بعد مول الصالحيه (ماركات)
مجمع الكوت بعيد بس حلو (عن نفسي رحت له مرتين) ماحبيته وايد
سوق المباركيه (شعبي)
سوق السالميه ما احبه وايد بس جيد (اذا حابين تلعبون بولنغ روحوله)
هذا الي في بالي حاليا
بس ان شاء الله على جدولي واايد راح تستاسون
واي استفسار حاظرين
وبتنور الكويت

معليش أختي اميرة الزين اسمحي لي على اللقافة بس الموضوع مفيد للجميع و الله يجزا كل من شارك الخير
سوق السالمية الجديد ( مهم جدا تروحون لة )
وينه عن المارينا مول مثل ؟ و هل فيه سينما ؟
بعطيكم جدول شامل ليوم المناسبه وانتو اختارو الي يعجبكم وطبقو واكيد اكيد راح تستانسون
يستحسن تسكنون بالسالميه
الثلاثاء:
تتجهون لمارينا مول وخصوصا الجزء الي على البحر اسمه مارينا كريسنت وهالجزء يربطه مع المول جسر
بعد ماتروحون الكريسنت تفطرون هناك بمطعم زعتر وزيت
جربو عنده صاج الحبش - صاج الروست بيف - بيض وجبن فخار
بعد ماتخلصون من الاكل دخلو المول وتسوقو واستانسو
المول بالنص في مجموعه قهاوي
والمول فيها سينمات فوق وفيه ساحه للمطاعم
وبنص المول رح تلاحظون مثل جزء بلكونه مسكره فيها المارينا Fm
بعد ماتخلصون وصار وقت الغدا طلعو من المول بالسياره اكو جزء قريب اسمه مارينا ويفز
المارينا ويفز فيه على ما اعتقد 3 مطاعم
انا انصحكم تروحون ماكي (مطعم ياباني) ضروري تجربونه واايد اكله لذيذ ومافي اشياء نيه وايد اغلبه مطبوخ
بعد ماتخلصون تقدرون تروحون ترتاحون بالشقه او الفندق لوقت المغرب وبعدها تطلعون مره ثانيه
وعالمغرب تتجهون لشارع سالم المبارك بمنطقه السالميه
الشارع فيه مولات وايد
الثريا (ماركات)
زهره (ملابس سهره)
الفنار
ليلى غاليري( ملابس سهره)
البستان
مريم (ملابس سهره - ماركات بالسرداب)
امنيه
جاليريا 2000 (فيه صالون متخصص بالاظافر انصحج تجربينه)
مركز سلطان (سوبر ماركت كبير)
طبعا الكلام لي بين الاقواس مو شرط يكون المول بس مختص بهالشي بس احسن الشياء تلاقيها فيهم
طبعا اغلبهم فيهم مطاعم وسنيما
الاربعا:
الفطور انصحكم بمطعم لونوتر (فرنسي) روحي فرع الي على البحر
المطعم صغير نسبيا بس وايد الجلسه حلوة الفطور في بوفيه مفتوح وفي طلبات من المينو روحو على الساعه 10 ونص
بعد ماتخلصون تتوجهون للمركز العلمي علشان تزورون الاكواريم وتدخلون سينما الايماكس واذا فيلم رحله الى مكه معروض لحد الحين انصحكم تشوفونه
اذا حابين تتقهوون انصحكم تروحون منطقه البدع وراح تكون قريبه من المركز العلمي
وتروحون تتقوون بشوكليت بار (جربو الفوندو - مولتن كيك - سبانش هوت تشوكليت - اوريو شيك )
بعدها تقدرون تتجهون اما لسوق شارع سالم المبارك او تروحون مول الرايه وموجود بمنطقه شرق على ما اعتقد
المول فيه محلات ماركات وفيه محلات عاديه
تقدرون تتسوقون وبعدها تتغدون اما في ووتر ليمون او بيرغر بوتيك موجودين داخل المول
بعدها ارتاحو بالفندق او الشقه لحد الساعه 6 او 7 وبعدها اتجهو لسوق شرق
سوق شرق موجود على البحر في سينمات وسوق و كافيات وتقدرون تتمشون صوب منطقه اليخوت بالمول
يوم الخميس:
تقضيه يوم كامل بمجمع الافنيوز تخلون الطلعه من الساعه 12
المول موجود بمنطقه الري علشان توصلون تاخذون الدائري الخامس تقريبا من السالميه للري نص ساعه
واول ماتقربون من الافنيوز راح تلاقون لوحات
اول ماتوصلون انصحكم تروحون تسألون عن مطعم سواح مطعم لبناني فاتح جديد حجزو فيه على الساعه 2 حطو حجز وروحو تسوقو ورجعو له بعدين
المول وايد كبير الجزء الاول محلات ماركات وقهاوي ومطاعم الجزء الثاي محلات عاديه ومطاعم وقهاوي وبالاخير السينما
العشا انصحكم بمطعم نينو (مطعم ايطالي) لذيذ وايد
الجمعه:
العصر روحو مجمع المهلب بمنطقه حولي
مول متوسط لا كبير ولا صغير
اذا انتو البنات حابين تسوون مساج انصحكم وبشده تجربون المساج في السبا فوق بس لازم حجز مسبق
رقم السبا 22628010
وبجنب هالسبا في سبا حق الرجال خلو زوجج والي معاه يحجزون فيه
بعد جلسه المساج تتمشون وفي مطاعم وقهاوي وسينما
انا عن نفسي اروح المهلب حق سوق او سينما او مساج
ما احب اكل هناك
للاكل انصحكم اما تروحون فريج صويلح بالسالميه قريب من المارينا مول
مطعم فيه كباين وفيه طاولات عاديه
المطعم اكل كويتي وستايل الكباين بيوت
انصحككم تجربونه
او تروحون فندق الماريديان على البحر وتروحون مطعم المرسى (اكل بحري) وستايل الجلسه قديم واايد لذيذ الاكل
وبس بجذي تكونو شفتو جزء من اماكن حيويه بالكويت
في بعد مول الصالحيه (ماركات)
مجمع الكوت بعيد بس حلو (عن نفسي رحت له مرتين) ماحبيته وايد
سوق المباركيه (شعبي)
سوق السالميه ما احبه وايد بس جيد (اذا حابين تلعبون بولنغ روحوله)
برنامج موفق جدا ً و خاصة سوق المباركية بصراحة اللي يروح الكويت و مايزور سوق المباركية كأنه مازار الكويت

ياسلام عليكم ... والله كل حرف انكتب حفظته وسجلته لأنه مفيد
وجدولك يا اخ travel-aholic خطير
فيه سؤال مهم جاء ببالي اليوم ... وبما اننا كعائلة تحب الكوره اكيد نبغى نشوف مباراة المنتخب يوم الاربعاء بالليل .. فليت تنصحونا بمكان حلو نقدر نشوفها فيه

هلا اختى وفى اهل الرياض
شوفى انا دائما اذا بطلع من الرياض اطلع على طريق النعيريه واخر مره رحت للكويت طلعت عن طريق الرماح ( طريق الرماح فيه اختصار كبير بس فى الليل موحش وفيه ابل لو فى النهار اقولكم روحوا معه بس فى الليل لا )