اخوي جاي مع العائله الكريمه ولا جاي لحالك ؟؟؟ عشان نقولك وين تروح احسن ؟؟؟ العفاسي ماندري عنه

اماكن الزيارة كثيرة عندك الاسواق والمجمعات بعض المعالم المهمة والتي تعتبر مشهورة مثل ابراج الكويت والمدينية الترفيهية والمركز العلمي منتزه الشعب سوق المباركية وقرية يوم البحار اخذ جولة في مدينة الكويت للاطلاع على بعض المعالم المهمة مثل المسجد الكبير مجلس الامة وبرج التحرير ةقصر السيف وبوبات سور الكويت
وبالنسبة للمجمعات الحديثة تم افتتاح اكبر مول بالكويت وهو الافنيوز وهو يعتبر من اضخم المجمعات في الخليج

هلا اخوي
حياك الله بالكويت وانشالله تقضي وقت حلو وممتع عندنا
بالنسبه للمجمعات الافضل تروح : الافنيوز - مارينا مول - سوق شرق - المهلب وعندك بعد الكوت بس بعيد شويه
والاماكن الترفيهيه الافضل تروح : ابراج الكويت - المركز العلمي - حديقة الشعب
ماعندي فكره عن اي مسجد يصلي فيه الشيخ مشاري العفاسي بس اذا تبي تصلي صلاة الجمعه عندك المسجد الكبير
واي خدمه ثانيه احنا حاضرين لاتتردد ؟

الملاهي تاخذ منك يوم كامل مثل المدينة الترفيهيه والشعب وغيرها
ام المجمعات تشتري لاهلك هداي المجمعات اللي ذكرتها روان
واذا تبي مطاعم وايد ولا كل منطقة فيها ملاين المطاعم الله لايسقط علينا
وعاد ان شاء الله تفرح بدولتك الثانيه واهلا وسهلا والله

مشكورين وماتقصروا
الف شكر هذا العشم فيكم يا اهل الكويت
بس الي يعرف فين يصلي العفاسي يقلي
واكون شاكر له
وانا شاب لحالي
صحيح بجي يومين او بالاحرى 3
نفسي اجلس اكثر
لاني نفسي من زمان ازور الكويت

حياك الله اخوي
اهم الاماكن السياحية عندك
الابراج
المدينة الترفيهية
حديقة الشعب
المركز العلمي
سوق المباركية
السينمات
قرية الاكوابارك المائية ( بجانب الابراج)
المولات كثيرة والاهم:
الافنيوز
المارينا مول
سوق شرق
المهلب
شارع سالم المبارك بالسالمية كله مولات
الراية والصالحية ( للماركات)
المطاعم كثيرة وماراح تضيع .
مشاري العفاسي على مااعتقد يصلي بمسيد العديلية بس مو متاكدة من المعلومة 100%
وانشالله تقضي وقت سعيد بالكويت

اخي الكريم القاري مشاري العفاسي ليس امام مسجد ولا خطيب جمعه ولا يؤم الناس الا في رمضان فقط

اول شي حياك الله ونتمنا لك طيب الاقامة في بلدك الثاني اما بالنسبة للاماكن
في ابراج الكويت الغذا حلو فيها + فندق راديسون ساس في مطعم داخل اكبر سفينة بوم في العالم +في رحلة بحرية لجزيرة فيلجا في مراسي مجمع مارينا مول +تقدر اتحجز تذكرة رحلة هليكوبتر وماكنها بالقرب من مطعم مركز سلطان على شارع الخليج + طبعا المطاعم اللي على شارع الخليج اكثيرة وحلوة + وانصح بالنسبة للسينمات سينمات مجمع الفنار وذلك لان المجمع فية اكثر عدد سينمات في الكويت تقريبا 6 سينمات بالمجمع + في متحف عالمي عن اغرب عجايب العالم وهذا ان شاء الله بعجبك في منتزة الشعب الترفيهي + المدينة الترفيهية
مع تمنياتي بطيب الاقامة واذا في اي استفسار انا حاضر

ألف الف شكر
كفيتو ووفيتو يا اهل الكويت
هذا العشم فيكم
وانشالله انبسط في ارضكم
وانا في خدمتكم عن اي شئ بالسعودية وتحديدا جدة
وحياك متى ماتجو
ومشكورين وماقصرتوا