1. فاتوره معقولة ما اعتقد راح تكسر الميزانيه .

السلام عليكم ورحمه الله وبركاته
اولا : الأخوان اشوف الموضوع انقلب سياسي وطائفي والحكومه السعودية !!!! . المنتدى اسمه منتدى السفر وليس المنتدى السياسي
ثانيا : الأستغلال وما ادري عن اي استغلال تتكلمون ؟؟ فاتوره مطعم تروحون مطاعم ثانيه تدفعون الي فوقكم والي تحتكم ما تقولون شي انا بالنسبة لي اول ما اوصل 500 ليره للجرسون = احلى اكل احلى خدمه

فاتوره معقولة ما اعتقد راح تكسر الميزانيه .

ثالثا : الأخوان الي صارتلهم مشاكل وانا اعرف منو وليش صارتلهم المشاكل يستاهلون قسم كبير من سياح سوريا اهم سياح .......... للأسف مع احترامي لجميع الشعوب ولأن الدولة السعودية هي الأكبر من حيث العدد اعتقد اهم اصحاب اكبر عدد من المشاكل وهالشي اي واحد يشوفه مو بسوريا بالبحرين والجسر يوم الخميس والأجازاة ما تقدر توصل اعتقد السياحة بالبحرين حلوه بس مو لهالدرجة وطبعا والأهم اغلبهم شباب ونفس الوضع بالنسبه لسوريا . ولا يعتبر مقياس يوجد الكثير من العوائل اصحاب املاك وموجودين في كل بقاع سوريا من الخليجيين ومن غير الخليجيين .
رابعا : بالنسبة لسوريا في مجال السياحة ليست كباقي الدولة لا تملك البنيه التحتيه بشكل جيد هذا الشي معترف به من قبل الحكومه السورية وهو قيد التطوير والبناء وان شاء الله راح يكون اليوم الي نتمنى للشقيقة سوريا تكون مقصد عربي وعالمي ايضا اكثر مما هي عليه .
خامسا : مو معقول الأخوان يهاجمون شعب بأكمله عشان فاتوره ولا بخشيش ولا الف ليره انا بالنسبة لي
تجاربي مع شعب دوله عربيه معينه هي من اسوء التجارب في التعامل ولكن تبقى شخصيه ولا يجوز ان اعمم .
سادسا : مو المفروض الواحد يركز بالسياحة على دولة معينه التغيير حلو بس اشوف الأخوان في المعارضة حلوه المعارضة صح ؟؟ هجوم مو طبيعي لدرجه انهاء العلاقات بين الدول العربية
وضرب تلك الدولة بالكيماوي او النووي والقضاء على كل شي فيها لتسهيل السياحة فيها بدون ازعاج او بخشيش .
في الختام ارجو من الأخوان الترفع عن العنصرية كذكر الخليج والخليج ترى كلنا اخوان وهالكلمه اهي الي تخلينا وين ما نروح ينظر لنا على اننا كنز متحرك في ناس تدور الرخص وفي ناس ما ترضى بأقل من سويسرا لا تخربون على اخوانكم بارك الله فيكم
انا مع المعارضة بشكل منهجي محترم مهذب لقيام سياحة افضل اذا كان اخوك غلط حاول تصلحة
وبنفس الوقت من عشاق سوريا الشمال مع العائلة مع التركيز على العائلة .
رجاء خاص الي تعرض لسرقه او انقص عليه ما ادري وين مخه يروح يشتري سياره ثانية والمقصه يروح ويا واحد زقرتي يعرف يتصرف او يسوي سياحة بالحوش لأنه وين ما راح بينقص عليه .
وسلامتكم
سبحان الله والحمد لله ولا اله الا الله والله اكبر