السلام عليكم ، يسعدلي مساكم إخواني أخواتي والله يعطيكم العافية على مجهوداتكم الجبارة في المنتدى. راح أدخل في الموضوع بدون مقدمات. رحلتي إن شالله إلى فرنسا راح تكون في 6 أغسطس الساعة 2:30 الفجر وراح أهبط بإذن الله الساعة 5:30 في فرنسا لمدة 15 يوم تقريبا وراح ابدأها في نيس لكن عندي كم سؤال ياليت تفيدوني فيه الله يجزاكم خير. قبل لا أطرح أسئلتي حبيت اخبركم اني إن شالله راح أستأجر سيارة وإن الطلعة شبابية.
1) ايش الأماكن و الأنشطة اللي تنصحوني أزورها سواء في نيس أو كان أو موناكو وإذا في قرى ولا مدن قريبة منها تستحق الزيارة ياليت تخبروني عليها. وتكفون ياجماعة ياليت تذكرون لي الأماكن بالتفصيل.
2) بحكم إن عندي سيارة ياليت ترشحون لي أسماء مدن في فرنسا تستحق الزيارة . طبعا غير باريس لأن الله ماكثر في المنتدى إلا مواضيع باريس. يعني بالعربي أبي أماكن جديدة أستكشفها <<< وش عنده كولومبس.
3) وش أفضل شواطئ للسباحة كان أو نيس و وش هي أسماءها عشان أبحث عنها في النت. ووين تفضلون السكن من حيث الراحة و الرفاهية نيس ولا كان وإذا عندكم مكان أفضل ياليت تذكرونه. وللمعلومية تراني للحين ماحجزت سكن الا أول يومين
4) الميزانية اللهم لك الحمد إن شالله راح تكون تقريبا من 30 إلى 35 ألف للفرد من دون التذاكر. طبعا مو كلها في فرنسا لأني راح أنزل 4 أو 5 أيام بريطانيا وبعدها راح أقضي 3 ليالي في اسطنبول . واذا تامروني بشي يالغاليين من هناك لايردكم لسانكم بس تكفون لاتبخلون علي بالمعلومات لأني إذا ماخذتها منكم ماراح أحصلها في مكان ثاني.
يعطيكم العافية..