والله اخوي طالما معاك سياره حلوه ويعتمد على شنو انت تحب واذا كانت عندك فكره عن المنطقه الي بتروحله مثل زيلامسي وسالزبورخ او حتى فينيسيا اذا مليت تطلع حلوه في ناس تفضل اسبوع وفي ناس اتفضل اسبوعين ...... ولك الاختيار وبالتوفيق

هلا والله أخوي علي
الحقيقة هاذي أول زيارة لي لأوروبا
وأنا الأبن في العائلة والمسؤول عن كل شيء
(البقية لا يفقهون بالسفر شيء ... ولا يفرقون بين الفيزا الشنقن والفيزا حقت البنك )
لدرجة أنهم ما يدرون وين هالنمسا فيه :36_11_6: ............. يالله خلنا نفرحهم ونكسب أجر
بس حبيت أستفسر قبل حجز السكن ... قد يكون جلوسنا بنفس المكان لأسبوعين ممل
مشكور على مرورك

اي اخوي طويله بصراحه انا اروح 5 ايام او 6 ايام بالكثير بصراحه .... اعتقد بتزهقون اخوي اتمنى اتشوف مكان ثاني شوف شنو تحب وبساعدك ان شاء الله

انا مادري وين بتروح بحدود 150 كم حتى احكم
لكن ان كنت بتقضيها كلها بكابرون بتزهق وبيدعون عليك بعد
خمسة ايام تكفي لكابرون وزيلامسي وماحولهم وممكن تخليها اسبوع
لان المنطقة حية وفيها خدمات سياحية كثير علشان كذا مستهدفة
وهناك مناطق كثير قد تكون اجمل ولكنها غير نشطة يعني طبيعة فقط وانا اؤيدك في حكاية انك تلف مناطق اخرى مثل بيرتساو قريبة على ميونخ وكذلك بحيرات ولفقانق وهالشتات وغيرهم
والاخوان في تقاريرهم ماقصروا حطوا مدن كثيرة ممكن تغير وتبدل بينها
واي خدمة حنا حاضرين

أعتقد أسبوعين في مكان واحد . . . راح تكون مملة . . .
ومهما تمشيت وخرجت بالسيارة في محيط ( 150 كلم ) كما ذكرت . . فالأنشطة وحده أقصد بحيرات وطبيعة وغابات وهدوء... إلخ .
لكن لو غيرت ونوعت . . . راح تكون رحلتك ممتعة أكثر . . يعني مثلاً : طبيعة وتسوق وبحر وشمس ومدن كبيرة وزحمه وصخب . . إلخ .. . أقصد التنوع مهم
أتمنى أكون قد أفدتك ،،،

شكرآ أعزائي على الردود ...
بالنسبة لكابرون وزيلامسي ......... 6 أيام تكفي تشوف كل اللي فيها
خارج هالمنطقة :
@ شلالت الكريميل يوم كامل
@ بحيرة kongissee يوم كامل
@ مدينة سالزبورق يوم كامل
@ مرتفعات الجلوسغلونكير يوم كامل
@ بحيرة Achensee على طريق الكريميل .. بعدها ب30 ميل ... يوم كامل
@ بادقاستين .. يوم كامل
والكثير من المناطق غيرها
بعد ال15 يوم ... ميونيخ 4 أيام
المقصد يا أخواني ......... أنا معي عائلة .... وتنقلاتنا بالسكن أشوف فيها صعوبه
إذا ترون أن تخطيطي ممكن يتعدل أفضل من كذا ... أشيرو علي الله يطول بأعماركم

1. وعليكم السلام ورحمة الله وبركاته ..

وعليكم السلام ورحمة الله وبركاته ..

حياك اخوي ابو وحيد .. طبعا الاخوان ماقصروا وجميع آرائهم في محلها .. وانا بحاول اعطيك اللي عندي ..
انت ذكرت نقاط مهمة في كل ردودك وهي : اولا انتم عائلة كبيرة الله يخليكم لبعض فمثل ماتفضلت ان التنقلات في السكن راح تتعبكم ويمكن تعكر مزاجكم .. وثانيا اعتقد اني استوحيت من كلامك انكم ماتحبون المدن والزحمه والصخب .. يعني الطبيعة والارياف تستهويكم اكثر .. وهذا الكلام الصحيح .. ولو علي انا والله ما طب المدن .. لانو القرى والارياف والطبيعة والبراد هي اللي ندور عليها .. وبرضوا انت ذكرت جدول يومي للتنقلاتك اعجبني كثيير .. يعني ماراح تلقى يوم فاضي ماتدري وين تروح فيه .. واضيف لك مدينة انسبروك ولشتنستاين وفيلاخ وكلاقنفورت تقدر تروح لهم في نفس اليوم .. وغير هذا كله لو يجيك يوم وماتدري وين تروح فبمجرد انك تركب مع العائلة بالسيارة وتلفون بس بين الجبال وتشوفون ابداع الخالق جل وعلا هذا يكفي .. حتى اذا انتم راعين مزاج تطبخون بالبيت وتتغدون برا .. ولا احلى
شوف يالغالي .. ال 15 يوم .. اذا وزعت ورتبت من هنا وتم تحديد كل مكان بالايام .. انا في نظري راح تكون رحلة ولا أروع .. خصوصا اذا كانت العائلة كلها متفقين على هالشي .. وعندهم استعداد انهم يتلقون منك الاوامر والتوجيهات من غير اختلاف في الاراء .. لانو هذي نقطة مهمة في نجاح الرحلة .. واللي فهمته انك انت الرجل الوحيد بينهم ( مع انها مسوؤلية صعبه لكن قدها وربك الحافظ ) .. والاهم من هذا واللي اتضح لي انك عارف الديرة زين وباخصها عدل ومنتب رايح على عماها .. فخذها مني كلمة :
أعقلها وتوكل

بيمو
ياخي أحبك قسم بالله
ياخي تقريرك محتفظ فيه بجهازي من 2007
ياخي أول ما آصل زيلامسي بروح لأبو هاشم
وبأبوسه وأخمخمه ... وبأقول له يسلم عليك حبيب قلبي بيمو ...........
يا لبى قلبك أنت وهو :tongue:
كلامك عين الصواب .... هذا اللي أقدر أقوله
والديرة أول مرة أروح لها ..
لكن الحقيقة من كثر ما بحثت وسجلت وحفظت وقارنت وسألت وراسلت ....أحس اني لي أقارب نمساويين من القهر :36_15_17:
انا والله اجتهدت ... والتوفيق بيد ربك سبحانه
الله يسعد أيامك يا بيمو .... والله أني أحبك لله في الله
وتذكر نقطة مهمة
ان فيه ناس كثير تدعي لك
بالتوفيق