الكويت ديرتي
09-11-2022 - 05:44 pm
اخواني عندي ساعات ترانزيت وايده بهيثرو و ماني عارفه شسوي ؟؟
حاولت اشوف بسايت هيثرو ما استفدت شي لانه حاطين الفنادق وايده بس شكلهم بعد الجوازات
دقيت البريتش اسأل قالت اهو في السوفوتيل بس مادري بعد الجوازات و لا قبل
و ما يسوى اروح اطلع فيزا و احنا 7 اشخاص حق جم ساعه بس
يا ريت اذا احد جرب ترينال 5 يقولي في طار قبل الجوازات و لا لا ؟
و اذا في طريقه اخلي جوازي عندهم و اطلع و ارد له تالي ؟
المطار حلو ومتطور حيل فيه المحلات الراقيه والمطاعم اخوي اذا انت طاير بزنس او فيرست عندك القاعات تقدر تنام وتاخذ شاور لكن اذا اكونومي ماعندك الا الكراسي تريحون فيها والله يعينكم ..بس انا اعتقد فيه بعض قاعات المطار تدخل اللي عنده بطاقة امريكيان اكسبرس وبعض بطاقات الفيزا ممكن تتاكد من البنك المحلي اللي تتعامل معاه وتشوف تسهيلات بطاقاتهم الائتنمانية...
والله يوفقك وتوصل بالسلامه انشالله..