شدعوه .. مافيه ردود

هلا والله اخوي
بالنسبه الى لندن اعتقد ان 4 الى 5 ايام كافيه جدا فيها
يبقى لك 7 او 8 ايام
انصح انك تروح استكلندا وبالاخص ادنبره مدينه صغيره وحلوه وتاريخيه تكفيك 3 ايام وتبعد 4 ساعات ونص بالقطار وممكن انك تروح لها بالطياره
باقي الايام انصح في منطقة البحيرات بماانك محب للطبيعه فلوتأخذباقي الايام فيها اللي تقع شمال بريطانيا وتروح لها عن طريق القطار ماهي بعيده عن ادنبره
وفيه اكواخ تستأجر في هالمنطقه حلوه ورخيصه وفيها امان ومؤثثه ماعليك الا تجيب اغراض الطبخ
اما بالنسبه للفيزا فهي ماتطول يومين بالكثير وهي طالعه وتشمل بريطانيا كلها بمافيها اسكتلندا وويلز
وتقدر تشوف تقارير الاعضاء راح تستفيد كثير
اتمنى اني افدتك

تسلم اخوي المختلف على ردك اللي يثلج الصدر
خطه حلوة وان شاء الله ببحث عن الاماكن اللي نصحتني فيها. تسلم مره ثانيه وما تقصر
بس هل معنى كلامك اجيب عدة الطبخ معي انها ديره مافيها مطاعم ؟؟ او بالاصح قليله المطاعم ؟؟

هلا والله
بالنسبه لعدة الطبخ انا اقصد انك اذا سكنت في كوخ لابد تجيب معك اغراض علشان تطبخ بالكوخ يعني دجاج ولحم ومقاضي المطبخ
خذها من هناك طبعا ولك الخيار انك تشوف مطاعم بس وبما انه المنطقه ريفيه راح تكون المطاعم قليله وبعيده

موضوع حلو اياضا انا ناوي بعد اسبوع اكون في لندن لمده 10 ايام مع المدام
وهذي الزياره الاولي لي للندن
وياريت نشوف اراء او اقتراحات اخرى

وين رأي البقية ؟؟؟
لا توجد اقتراحات ؟؟
طيب لو قلنا رحلات يومية خارج مدينة لندن ,,, وين ممكن اروح لمدن وقرى تسوى ؟؟

انا بحكم اني موجود بلندن من شهرين وشارفت على العودة .. واعرفها جيدا لاني كل سنة اتردد عليها
انصحك طبعا بقضاء اسبوعك الاول بلندن
وبالنسبة للمنطقة الريفية انصحك باسكتلندا وتحديدا غلاسقو وللعلم الجو شتوي هناك يعني لازم ملابس شتوية
وتتميز عن ادنبرة بطبيعتها الخضراء خاصة ان ادنبرة تعتبر العاصمة وهي مدينة صاخبة مزدحمة ولكن تتمتع بالاسواق
وبالنسبة لغلاسقو فتأخذ قطار من محطة ايوستن ذهابا وايابا سعر التذكر 102 جنيه استرليني
اما اذا قررت الذهاب لادنبرة فمن محطة كنغز كروس ..
ولا فيزا خاصة لهم ولا يحتاجون الجواز اصلا طالما انك بالقطار لكن الله يعينك على لغتهم ..
تقول كأنهم هنود يتكلمون انجليزي ههه
ولما تكون بلندن اول المطاف لا تنسى تودي بنتك لمدينة الالعاب ليغو لاند تناسب عمرها..
وكذلك اجمل سفاري بارك وحيوانات مهدودة من خلال منطقة ووبرن آبي قريبة من ميلتون كينز واحلى من لندن زو
بمليون مرة..
ورحلة سعيدة باذن الله

الله يوفق الجميع يارب

من وجهة نظري لا بد ان تزور متحف مدام توسو ..