اخوي فندق السوفتيل برا المطار يكون يم مواقف المطار ويعتبر هو اجدد واقرب فندق للتيرمنال 5 لكن مثل ماقلت لازم فيزا والصراحه ماتسوى ا 12 ساعه وشيل منها اجراءات الخروج والدخول مرة ثانيه ...
المطار حلو ومتطور حيل فيه المحلات الراقيه والمطاعم اخوي اذا انت طاير بزنس او فيرست عندك القاعات تقدر تنام وتاخذ شاور لكن اذا اكونومي ماعندك الا الكراسي تريحون فيها والله يعينكم ..بس انا اعتقد فيه بعض قاعات المطار تدخل اللي عنده بطاقة امريكيان اكسبرس وبعض بطاقات الفيزا ممكن تتاكد من البنك المحلي اللي تتعامل معاه وتشوف تسهيلات بطاقاتهم الائتنمانية...
والله يوفقك وتوصل بالسلامه انشالله..

مشكوره اختي ... اي انا عل ايكونومي و الكراسي حرام نتعب .. بس نشوف اذا يرضون يخلونا نطلع نروح ان شالله نروح امسفورد نتمشى اي شي المهم ما نضل جالسين بدون شغله
يعني ترمينال 5 حلو ؟

12 ساعة مملة صراحة وأعتقد أنها كافية تطلعون تتمشى لعدة ساعات ولكن لا أنصح بتاتا بأخذ الشنط والأفضل تقومون بشحنها من بلد المغادرة حتى الوجهة النهائية في أمريكا وممكن لو بتريحون في الفندق المجاور وحابين تأخذون بعض الملابس للتبديل أن تضعون قبل السفر بعض الأغراض الخفيفة في حقيبة الظهر أو اليد ولو عندكم سوائل مثل الصابون السائل , الشامبو , معجون الأسنان, العطورات .. تكون كميات قليلة لا تتجاوز أي منها 100 ملل وتضعها في كيس شفاف داخل حقيبة اليد حسب ماهو متبع في المطارات
بخصوص الخروج من المطار في خيار إنك تقدم على فيزا الترانزيت أو الفيزا السياحية العادية من السفارة البريطانية قبل السفر أو تجرب أنت وحظك عند موظف الجوازات لو بيمنحك ختم فيزا قصيرة أقل من 24 ساعة ولو أن هذه الخطوة غير مضمونة والأفضل تقدم من بلدك لو فعلا ناوي الخروج من المطار
لو حابين تروحون هارودز تقدرون تاخذون الأندر جراوند مباشرة من داخل مبنى المطار تاخذون القطار على الخط الأزرق الغامق وهو الوحيد الذي يصل لمطار هيثرو و يسمى بيكاديللي لاين وتصلون محطة نايتس بريدج بجوار هارودز خلال 40 دقيقة تقريبا ونفس الطريق للعودة سعر التذكرة حسب ما أذكر ليوم كامل هو 3.5 جنيه للشخص البالغ تقدرون تستخدمونها طوال اليوم أي مكان في لندن وترجعون بنفس التذكرة للمطار

Tripadvisor
سالفة الفيزا ما تسوى الصراحه ... و اعرف ناس جربوا يكلمون موضف الجوازات و ضبطت
و انا بجرب حظي ... بسمابي اروح هارودز ابي اروح اكسفورد .. اخذ الخريطه و اروح اشوف المحطه الي توديني لي اكسفورد وين
و بيكون معانا ترولي صغير اكيد

اختي ما يصير تطلعين بره المطار وما عندك فيزا لبريطانيا وكل الفنادق اللي بالمطار موجوده مو داخل المطار بالضبط تلاقينها بره يعني لازم تختمين جوازج الا في حالة انه الطيران اللي انتي طايره عليه اهو معطيج راحه بفندق اذا تجاوز الترانزيت مالج 8 ساعات اتوقع فأهم ياخذونج ويودونج فندق بالمطار على حسابهم مالج الا انج تقضينها مشتريات بالمطار وتتمشين فيه واذا تعبانه حطي راسج على أقرب كرسي باسترحه داخل المطار ونامي اشوي والله يوفقج ان شاء الله رحله سعيده يارب

the-wise-man
انا 12 ساعه ترانزييت .. و البريتش قالولي مالج غرفه لانج عل ايكونومي ...
و سالفة الجوازات عادي سوها ناس اعرفهم ختموا لهم الجواز فيزا لمده 24 ساعه و طلعوا ناموا بالفندق و رجعوا

انا انصحك يا اخي انك ما تطلع فيزا و صدقني بتمر عليك الساعات بسرعه لانك اذا طلعت بر المطار بتصير قلقان ولا راح تستانس وبتصير علي اعصابك . رحله موفقه ان شاء الله

عاد صج نوعي احخاتي الوقت وايد

والله مادري!! 12 ساعه وايد مو شوي, انا اذكر خلونا ترانزيت 4 ساعات تمشينا وتسوقنا وكلينا والوقت مر بسرعه وصعدنا الطياره.. بس انتي جربي الفيزا مالت 24 ساعه, ولو ما صارت شوفي نظمي وقتج ولو عندج بطاقه الاميريكان اكسبريس دشي قاعه رجال الاعمال ولا قاعه الدرجه الاولى هناك تقدرين تنامين وتسوين كل شي.. وساعات تقدرين ادشينها بفلوس بس مادري جم بالضبط... بس لو اني مكانج بالطقاق الفلوس خل تروح بس اهم شي راحتكم.