يمسيكم بالخير
مايصير ياشباب 23 زائر ولا رد واحد !!!!!!!!!!!!!!!!!!!!!
ترى السفر قرب

يالوافي والله سبوع متسوي لك شي المده قصيره جدا بس يمكن تقضيه في كوالا تروح يوم صن واي ويوم ميناس وندرلاند وتطلع يوم جنتنغ ويوم افاموزا وممكن كاميرون ويوم تلف معالم كوالا مثل البرجين والمناره والمعابد يعني كذا مشى حالك بالتوفيق ان شاء الله

الاخ العامر صحيح الفتره قصيره نسبيا لكن الهدف استطلاعي للرحلات القادمه وسنحاول الاستفاده من معظم الوقت
شكرا لمرورك وتجاوبك
وافي

عزيزي وافي المدة قصيرة يعني ما عندك الا كوالالمبور وماحولها وهذا امر بسيط ادخل على بحث وخذلك لفة في المنتدى والمواضيع المثبته وموضوع الاخ القعقاع وسف تجد فيه كل ما يناسبك وبالترتيب ومناسب جدا وبالتوفيق

هذا برنامج مضغوط حده لكن يصلح شبابي وللاستطلاع وفي نفس الوقت اقتصادي
اول ليله اسكن في كوالا فندق كابيتول (لكن بدون شطاف) بس موقع حلو ونظيف
وسعره حلو واول ما توصل تروح محطة الباصات وتقص تذكره لبكره الى بيننغ
ولما توصل بيننغ راح يوقف الباص عند محطة باصات بيننغ قص تذكره العوده
الى كوالا لبعد بكره ثم اسكن في فندق كاشورينا (بدون شطاف) غرفه حليوه وموقعه
حلو وسعره حلو واول ما توصل تقص تذكره لبكره الى لنكاوي بالعباره رحله من
الصبح الى المغرب ثم ترجع للفندق واليوم اللى بعده تروح مع الباص الى كوالا
في فندق كابيتول مره ثانيه او اذا تبي تغير كيفك ومن خلال اقامتك في كوالا روح
لجنتنق من الصبح للعصر واليوم الثاني الى صن واي لاقون من الصبح لين تملون
اما افاموزا تصلح للعوائل اللى معهم اطفال وسلامتكم
ملاحظه / هذا برنامج مختصر على عدد ايامك لكن يخليك تشوف اهم المناطق وتاخذ
خبره عنها لكن احجز فنادقك من بلدك وهي ليله كوالا ليلتين بيننغ اربع ليالي كوالا
واذا تبي تاخذ ليله من كوالا وتخليها في بيننغ افضل لانكم شباب وبتملون من كوالا
وعلى فكره ما تحتاج فيزه بس جوازك وتوكل على الله ولا تنسى تحجز تذاكر الباص
والعباره قبل الرحله بيوم او يومين اضمن لك ولا تدخل مع قروبات روح وتعال على
كيفك واى استفسار انا حاضر اخوك متخصص في الرحلات الشبابيه

الاخ راي شكرا لردك وسوف ناخذ برنامجك بالحسبان
ماذا عن المطاعم ؟
وافي

حياك الله اخوى وافي
المطاعم
كوالا عند الوجبات السريعه بشارع العرب وترى سعرها ارخص من الخليج
وعندك المطاعم العربيه غاليه والاكل لك عليه ماعدا الطربوش اكله ممتاز
وكلهم بشارع العرب وعندك خيمة الصحراء احسن ماعندهم براد الشاى
وبتلقى واجد بس انا ما جربتهم وكلهم بشارع العرب
اما بيننغ عندك الوجبات السريعه ومطعم السفينه وغيرهم وكلهم بشارع
الفنادق اللي فيه الكاشورينا واسمه ( باتو فرنجي ) واذا رحت للمدينه
اللى فيها الاسواق ما راح اتخلا الاسواق من المطاعم السريعه والبيتزا
اما لنكاوي اذا رحتولها رحلة نهار اول ما توصلون بتحصلون مجمع
امام الميناء اعتقد مباشره فيه كنتاكى واذا تبون بحري وعيوش-رز
روحوا لمطعم المنغروف بس ما اعتقد انه يمديكم لان الرحله مزحومه
وانصحك في لنكاوي انك ما تتطوف التلفريك ورحلة الخفافيش البحريه
لانكم بتقصون تذكره
من بيننغ من المكاتب اللي بشارع الفنادق شامل اجار التاكسي
ورحلاته في لنكاوى وراح يخيركم وين تبون تروحون لكن تذاكر
الاماكن عليكم
ملاحظه / فيه فندق في كوالا يمدحونه الشباب بنفس شارع العرب
اسمه رويال بنتانغ وسعره نفس سعر الكابيتول بس موقعه على
وصفهم افضل من موقع الكابيتول واى استفسار انا حاضر

اخوى وافي نسيت اقولك
اذا في بالك تمر الكاميرون ترى موقعها بين كوالا وبيننغ وتقدر تروح بالباص
او التاكسي وانا بصراحه ما جيتها لكن اكتب في البحث الكاميرون وتطلع لك
مواضيع الشباب اللي راحوا لها