لاتنحرجين من اخوانك بهالمنتدى الرائع والله ماشفت ناس خدومين كثر الاخوان في هالموقع اسأل الله ان يجعله في ميزان حسناتهم
بالنسبه للتلفريك انا مريته قبل 8 ايام ماكان شغال مادري الحين اشتغل والا لا
وبالنسبه للعفش ( في حال اشتغل التلفريك - موشرط تركبينه على طول - روحي الفندق واسكني وارتاحي وبعدين روحي للتلفريك واخذي تذكرة ذهاب واياب انزل واصعدي وخلاص )
بالتوفيق

أختي الغالية
راح اجاوبك على السوال الثاني بحكم مرور هالتجربة معي.. والسوال الاول اتركة لخبرائنا
اذكر في عام 2009 سويت شك اوت وكان موعد رحلتي الساعه 4 العصر.. فكلمت الرسبشن وقلت لهم ممكن اخلي العفش لمدة ساعتين بروح لمشوار وراجع وبطلع للمطار بعدها.. فما قصرت الاخت اخذت العفش وحطتة بغرفه بجانب الاستقبال مخصص للعفش عند التشيك ان والتشيك اوت وبعد ما خلصت رجعت خذيت عفشي ومشيت للمطار.. ان شاء الله ما راح يقولو شي..

algassem
صادق والله الله يجزاهم كل خير ويجعل كل مايبذلونه زياده لهم في الاجر
يعني التلفريك مسكر
حسافه
يالله لعلها خيره
يعطيك الف عافيه وجزاك الله كل خير

العز
اخوي العز
يعطيك الف عافيه وجزاك الله خير الجزاء
طيب وش قلت لهم بالانقليزي

أختنا الفاضلى روز
لا مبرر للإحراج أبدا فكلنا مرينا بهذه المرحلة في سفرتنا الأولى
وكلما سألتي أكثر كلما أتستفدتي واكتسبتي خبرة ومعلومات تفيدك في نجاح رحلتك
بالنسبة لركوب التلفريك بما أنكم راحوا تسافروا لجنتنق بالعفش خذوا تاكسي يوصلكم إلى الفندق مايصلح تركبوا التلفريك بالعفش
لكن بعد ماتحطون أغراضكم في الفندق وترتاحون التلفريك والملاهي كلها بجنبك روحوا أركبوا التلفريك والعبوا في الملاهي زي ماتبغوا
بالنسبة للشنط عند التشك أوت نعم عادي ممكن يخلوها عندهم وتروحوا تتسوقوا وتتمشوا لين تخلصو ثم ترجعوا للفندق
تأخذوا شنطكم وعلى المطار
في الإستقبال ممكن تقولوي لهم
would you please keep my luggage here until 5 o'clock
وود يو بليز كييب ماي لقج هير أنتل 5 أو كلوك
ترجمتها : لو تكرمت هل ممكن تخلوا عفشي عندكم إلى الساعة 5؟
وممكن تحطي الوقت اللي تبغيه أي ساعة
وأي استفسار آخر لا تترددي
تمناتي لكم برحلة موفقة إن شاء الله

قبل سبوع كنت في جنتنج والتلفريك مسكر للصيانه وعلى حسب كلامهم ان ماراح يفتح الا اخر السنه والله اعلم !

المغادرون 2007
بيض الله وجهك
وجزاك الله كل خير
ماقصرت