سؤال موجهه لقوارير المنتدى
تحياتي

مرحبا اخت عصفوره
أول شي مبروك الزواج والله يوفقج حبيبتي
بالنسبه لإحتياجات السفر
أولا: أدواتج الشخصيه الخاصه فيج لاتقولين أشتري من هناك
إخذي قشج معج من ديرتج لأن إللي عندنا إحتمال ما تلقينه عندهم
ثانيا: سشوار عشان الشوشه ماتطير خصوصا إنج عروس :mf_leia:
ثالثا: أوتي صغير وخفيف لأن بعض الفنادق ماتحصلين فيها أوتي
رابعا: لا تاخذين بخور لأن الفنادق فيها أجهزه تنبيه للحريق ودخان البخور بيسوي مشكله
والحل إخذي خلطات
خامسا: لاتنسين تاخذين جوتي رياضي وشحاطات واطيه لأن الكعب ماينفع هناك :36_1_22:
سادسا: نصيحه لاتعتمدين على أغراض الفندق لا الشراشف ولا الفوط هذولا إخذيهم معاج أحسن لج
سابعا: حقيبة إسعافات أوليه صغيره وإن شاء الله ماتحتاجونها :36_1_31:
ثامنا: مأكولات خفيفه للنقنقه :36_11_15:
أتمنى أكون فدتج بشي لو بسيط
آآآآه تاسعا: لاتنسين الكاميرا عشان تسوين لنا تقرير

مشكوره حيل اختي ضي
والله انقذتيني من مشكله كبيره كنت عازمه اهرب معي البخور لأني مدمنه عليه والله فضيحه لو يدق جرس الحريق اروح فيها الله يعطيك العافيه والله انقذتيني لاخلي ولا عدم ياعمري لكن شنو الأوتي تراي غشيمه
اتمنى اخواني المسافرون واخواتي العرائس المجربات ماتبخلون علي بتوجيهاتكم ونصائحكم وتجاربكم ومواقفكم اللي مرت عليكم وتوهقتوا عشان ما تمر علي بعد فمنكم استفيد تكفون لاتخلوني تراي غشيمه في هالأمور والمشكله زوجي جدا مثقف وفاهم وابن بطوطة زمانه يعني توب في السفريات بس انا ما ابي اطلع مغفله قدامه فزعتكم يالنشاما فزعتكم

عصفوره منتفه
اذا ما كنت غلطان فأظن أن الأخت تقصد به جهاز كي الملابس (الكواية أو المكواة)

ما شاء الله عليك يا الهيزم إجابتك صحيحه
المكواه عندنا بالكويت يعني الأوتي
والعفو إختي عزيزه وغاليه
حياج الله بأي وقت

مبروك مقدماا
وان شاء الله تكون سفره حلوه وموفقه
بالنسبه لسؤالك
حاولي تشتري شنط صغيره زي اللي بالصوره
لانها بتكون عمليه كثير وكل شنطه بتحطي فيها اشياء معينه

1-خذي معاك شنطه صغيره فيها جميع مستلزماتك الشخصيه(فرشه معجون غسول الفم مشط ,مناديل معطره,, الخ)
2- شنطه فيها مميك اب عشان تتزينين للمعرس
خذي معاك العطور الخاصه والرغوات والشامبو والمرطب
3- لازم تاخذي معاك عبايه احتياطيه عشان ما تتوهقين هناك لو حصلت لعبايتك ي لا سمح الله
4- شراشف خاصه والمناشف (لاني ماحب استخدم اغراض الفنادق)
5- لاتنسين الاستشوار زي ما قالوا
6- ولازم تاخذي معاك لبس مريح وصنادل مريحه لان هناك بتمشون كثير
7- شنطه صغيره للاسعافات الاوليه ( فيها ادول او مسكن للصداع -مسحات طبيه -لزقات جروح-حبوب دوار البحر - مرهم للبعوض
8- شاحن الجوال والكميرا طبعا
وسفره موفقه ان شاء الله

مبروك مقدما رحله سعيده وعودا حميدا
ماقصروا الأعضاء وفوا وكفوا
ماأزيد عليهم غير أقول حاولي ماتاخذين ملابس كثيره
تثقلين على عمرك وأشتري من هناك عند الحاجه
كل شيء موجود هناك ورائع

مشكورين وبيض الله وجيهكم لاخلي ولا عدم

ألف مبروك
وأتمنى تكونوا سويتوا حجوزاتكم على أنها " شهر عسل "
يعني شوي دلع
إتبعي اللنك التالي
ندمت على جعل حجوزاتي لماليزيا بنظام شهر العسل ( مواقف طريفة ) https://artravelers.com/p/re/172251