السلام عليكم ...
حياك الله اخوي مسافر بايعها
ودي اسئلك سؤال واتمنى تجاوبني عليه بكل صراحة لاني محتار .
لو خيروك بين 3 اماكن وين راح تختار ...واتمنى المشاركة
من الجميع ...لاجل تساعدوني في حيرتي .
1- التل اللي كانت عايشة فيها هايدي مع جدها وكانوا
يرعون فيها الغنم وكانت خضراء وحلوة .
عندي احساس انها بهولندا .
2- الجزيرة اللي عاشت فيها فلونة مع عائلتها بعد ما غرقت سفينتهم .
عندي احساس انها احدى الجزر الماليزية او الاسترالية .
3-قصر ماربل اللي كانت عايشة فيها ليدي مع اختها
سارة وكان القصر ملك ابوها الدوق جورج .
بكل تأكيد احدى القصور البريطانية .
ارد عليك حبيب قلبي ...
وش رايك بجزيرة بانكور اوجزيرة بانكور لاوت .
بانكور عندك منتجع بان باسفيك وب300 ريال تقريباً .
بانكور لاوت عندك منتجع بانكورلاوت والليلة حسب
من800 الى 2000 وشوية .
وتجيها من لوموت ببيراك ...قريب ساعتين من
العاصمة وبعدها تكملون بحري لأي من الجزيرتين
وتراهم جنب بعض .
قلي وش رايك ونتقابل بعدها بأذن الله ...لكن تكفى
رد على سؤالي بكل اخلاص وبحق ودي اعرف رأيك
ورأي غيرك من الكرام .
ولكم تحياتي وتقديري والسلام عليكم

نصيحه لنقاوى اقعد فيها
فلونه يوم غرقت سفينتهم اضن انها كانت فى جزيره القرود اللى فى بيانق لانه لمن رحت السنه هذى ومعاى ام العيال قالت لى تدرى ان فلونه كانت اهنيه تقول نفس المناظر اللى حطوها )
حبيبى الشعيبى مارديت ترى على سؤالى عن عناوين المصانع هناك ناطر منك الرد

اعتقد أن فلونه هي بنت جيران هايدي من الرضاع وكانت جدتهم ليدي اخت بنت خال أبو عمهم سارة تحب الديرمه والبكلات الحمر وبس ،، إن شاء الله يا الشعيبي ارتحت من حيرتك اللي حيرتنا معك يوم أنك محتار ،،،،

اولا مشكور على المساعده لانها سهلت امور كثيره لاني بصراحه ابغى جزر قريبه من العاصمه
ثانيا رجعتني لايام الطفوله وايام هايدي وفلونه وعنزتها لكن الليدي هاذي ماكنت ادانيها
شكلي احب الطبيعه وعلشان كذا اختار فلونه
وبعدين سؤالك ذا ماادري وش سالفته

السلام عليكم ...
الله يسلمك اخوي alqreen اجل هي يا اخوي
تمام حليت لنا مشكلة ...اجل اروح جزيرة القرود
بس عسى البركان خمد وش قصة المصنع اخوي
عناوين مصانع ...بحثت في 4 صفحات وما لقيت مصانع .
مشكور اخوي وربي يسلمك على مشاركتك الحلوة .
اخوي مسافر 2006 حياك ربي اجل طلعوا قرايب
وانا احسبهم ما يعرفون بعض اخذت مقلب فيهم
لكن طيب انك كشفتهم لكن تصدق زدتني حيرة .
اللي اعرفه انه ليدي اختها تصير سارة وليدي تراها
اصغر من هايدي وفلونة اجل كيف صارت جدتهم ...
تصدق زدتني حيرة ...لكن اشكرك على مشاركتك الحلوة
اخوي مسافر بايعها العفو اخوي وكلنا اخوان .
ذكرتني بعنزة فلونة وانبسطت يوم ماشالوها معاهم
وكنت خايف عليها يتركونها بالجزيرة وانت خابر انه البركان
كان هائج ...ليدي كانت طيبة لكن البارونة كانت مجرمة
وبغت بزورتها يصيرون دوقات ...لكن تستاهل
اجل اخترت الحياة بجزيرة مثل فلونة ...ممتاز .
طيب هايدي كانت ايضاً بطبيعة خلابة ..لكن ماعندها
بحر ...اجل تحب البحر .
شكراً لك اخوي مسافر بايعها على رأيك الجميل .
وانا صراحة كنت محتار بين هايدي وفلونة وكان
قلبي مايل شوي لهايدي ولكن بعد ماعرفت رأيك
ودي اراجع حساباتي .
اما وش قصة السؤال ...صدقني مثل ماقلت .
ومنها اختبار شخصية .. وكل اللي جاوب مقدر ومحشوم .
ولكم مني اخواني الكرام كل تحية وتقدير والسلام عليكم

تسلم يا الشعيبي وانت بعد مقدر ومحشوم وما تقصر
وشكرا ا

السلام عليكم ..
أخوي مسافر بايعها ..
وش رايك بجزيرة تيومان .. مصنفه أحد أفضل عشر جزر في العالم .. والرحلة بالطائرة من كوالا لجزيرة تيومان تاخذ تقريبا 3 ساعات ونصف على طيران برجايا.. والسعر ذهاب وعوده 448 رنقت..
أفضل فندق في تيومان وهو تقريبا الوحيد أربع نجوم برجايا تيومان ريزورت وسعر الليله فيه 300 ريال ..
أخوي العزيز الشعيبي .. ياخي إنت أحيانا عليك طلعات الله لا يحرمنا منها ..
أنا عني بختار جبل هايدي .. ودي أصاحب بيتر شكله نشمي .. بس أقول هم ما كانوا في جبال الألب !! إللي أعتقد إنها في سويسرا على الحدود مع فرنسا ..
على طاري هايدي .. فيه لغز بدوي مطلعينه الظاهر إنكم سامعينه لكن للي ما سمعه يقول اللغز ..
بنشدك عن بنت لها في راس جبل .. خويها راعي وجدها حطاب ؟؟
من هي ..؟؟
هذا واحد من الشباب الله يهديه قالها ل أبوه الشايب .. قام عاد الشايب يفكر ويجيب من الحلول .. عاد يوم قاله هذي جوابها هايدي ....... طرده أبوه من المجلس
تحياتي للجميع ..

شكرا اخوي (ابو ميسم) ما تقصر
وشكرا

السلام عليكم ...
حياك الله اخوي الغالي ابوميسم وبخصوص بيتر تراه نشمي
اجل هايدي طلعت سويسرية وانا احسبها هولندية
والظاهر انه الشايب ماتفرج على هايدي ولا كان حلها
اخوي مسافر بايعها حياك الله وترى اخونا ابو ميسم دلك
على جزيرة حلوة ...لكن اخر ماسمعت انه الطيارت للجزيرة فل .
وبعدين هناك موضوع اخر ...وانا امس كنت ابحث عن موضوع
المصانع شدني موضوع بأسمك وكنت كاتب انك حاجز بأفاموسا
6 ايام او ليالي ...لا يا اخوي ما ارضاها لنفسي ولا لك .
ليلتين كافية وان زادت 3 ليالي والسلام ..اكثر من 3 ليالي
احسها مملة اوي ...لا انها منطقة او مدينة وانما منتجع
بمساحة 15 هكتار وثلثها خرابة
افاموسا حلوة لكن ماتستاهل 6 ليالي ...لنكاوي اللي هي
لنكاوي وما يطولون فيها فوق 4 ليالي فما بالك بمنتجع .
حبيت انبهك لهذه اخوي وترانا اخوان ويهمنا امرك .
ورحلة سعيدة وترجعون لنا بالسلامة والسلام عليكم