نشر في ماليزيا

ياخبراء ماليزيا ارغب بالسفر الى ماليزيا اول مرة فما نصائحكم لي

~المتمردة~

13-09-2022 - 05:49 am

السلام عليكم ورحمة الله وبركاته..
هذا اول موضوع لي في هذا المنتدى الرائع وان شاء الله مب اخر موضوع لي واتمنى اكون ضيفة خفيفة عليكم.
الكتاب من عنوانه وموضوعي من عنوانه

التعليقات (8)

وافي بزمن جافي

13-09-2022 - 08:42 am

هلا أختي الكريمة ...
أسأل الله لكم التوفيق في رحلتكم القادمة ... اللهم آمين
وبصراحة ... السعر غالي ومبالغ فيه ... ولو تحجزي من النت ... توفرين كثير
أنصحك تحجزي من النت ... والحجز سهل وبسيط جدآ... وباللغة العربية كمان
قبل أي خطوة ... أنصحك بقراءة موضوعي هذا وراح يفيدك بأذن الله في ترتيب الرحلة

~المتمردة~

13-09-2022 - 09:43 am

مرحبا اخوي وافي
الله يوفق الجميع ان شاء الله
بالنسبة للاسعار اللي عطوني اياها حسيتها غاليه مع ان ماعندي فكرة عن ماليزيا
ماعرف احجز وادفع عالنت بس الحين بشوف الرابط ولازم اتعلم
مشكور وجزاك الله خير

~المتمردة~

13-09-2022 - 11:45 am

مرحبا اختي سحرونه..
اجمعين يارب

وافي بزمن جافي

13-09-2022 - 12:46 pm

~المتمردة~
هلا أختي الكريمة ..
والله كما ذكرت لك ... أسعار المكتب ( غالية جدآ )
وصدقيني ... الحجز من النت ( سهل ) ومافيه أي قلق وخوف ... لأنه باللغة العربية
.. وشرحنا الطريقة بالتفصيل الممل ... وتجدين كل المعلومات في موضوعي اللي أعطيتك إياه

~المتمردة~

13-09-2022 - 01:47 pm

مرحبا اخي وافي..
بصراحة استفدت وايد من الرابط..
واخترت 4 مناطق
بوتراجيا (4) ايام
جنتنغ (4) ايام
كوالا (3) ايام
جزيرة صباح (3) ايام
بس احترت في اختيار الفنادق خمس نجوم لانها طلعت نفس سعر الباكج اللي عطوني السفريات

وافي بزمن جافي

13-09-2022 - 02:48 pm

لالالالالالالالالالالالالالا ... وش هالجدول !!!
يوتراجايا ( منطقة صغيرة ) وكثيرة عليها يوم ... كيف أربعة أيام !!!
وجنتنغ حدها يومين ... منطقة صغيرة أيضا
أعطيني كم يوم عندك ... وأرشح لك جدول ممتاز وشامل ومنوع
بصراحة جدولك هذا مرة ماأنصحك فيه ... خليك معانا ولاتشيلي هم

~المتمردة~

13-09-2022 - 03:49 pm

مرحبا اخوي وافي
شكلك انصدمت من جدولي الفاشل ههه
انا عندي 14 يوم بالضبط

وافي بزمن جافي

13-09-2022 - 04:50 pm

لاوالله وأنا أخوكِ .. جدولك ماهو فاشل أبدآ ... كان يحتاج فقط ترتيب
أجمل وأنسب توزيع بصراحة امدة ( 14 يوم ) ... بهذا الشكل :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق البارك رويال
يومين جنتنغ ... فندق الفيرست وورلد (غرفة وورلد كلوب )
أربعة أيام كوالا ... فندق الرويال شولان
طريقة التنقلات بين المدن :

من سلانجور إلى لنكاوي ... طيران air asia والمسافة ( 50 دقيقة )
من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
من بينانغ إلى جنتنغ ... الباص بسعر ( 35 رنقت ) والمسافة أربع ساعات ..
من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )

ماليزيا المسافرون العرب

ياخبراء ماليزيا ارغب بالسفر الى ماليزيا اول مرة فما نصائحكم لي