صدقني يالغالي ... كلام المكتب ( كذب في كذب )
موقع ( بوكينق ) عالمي وله أسمه وسمعته ... مستحيل يقوم بهذه الحركات ...
أنا عمري ماسمعت بهذا الكلام ... ولاأتوقع أنه ممكن يصير ...
طالما حجزك ( مؤكد ) في البوكينق ... وأرسلوا لك ( فاوتشر الحجز) عبر الإيميل ... أطمئن
ودائمآ : ميزة البوكينق هو ( التواصل المباشر ) مع العملاء ... إي شيء بخصوص الحجز يعطوك خبر
نصيحتي : أحجز من البوكينق وأنت مطمئن ... وأتركك من كلام المكاتب ...

طيب انا حصلت في بوكينج غرفة سوبريور مكتوب متوفرة في فندق صنواي بيراميد
وسئلت المكتب عن هذي الغرفة نفس الفندق قال لي كلها محجوزة هل هذا الكلام يصير

السلام عليكم
لأن المكتب ماعنده هالغرفه
ويحجز عن طريق شركه او مكتب لاتوجد عنده نفس الغرفه
وبوكنق او غيره من المواقع تكون عندهم غرف متوفره ويوضحون بعض
المرات كم باقي غرفه متوفره عندهم
ودامك حجزت وقالك الموقع اوكيه و ارسلوا لك الموافقه معناه
خلاص الغرفه بإسمك إلي وقت الدفع
هذا المكتب يقول هالكلام لأنك طلبت منه غرفه غير متوفره
وكل مواقع الحجز المعروفه أصدق منه و أصدقهم أكثر من المكاتب

شوف يالغالي ....
جرب بنفسك ... وأحجز من بوكينق ... وتعرف مين الصادق ... البوكينق أو المكتب
البوكينق بحكم أنه ( موقع عالمي ) ... له علاقات مع أغلب الفنادق ... ويتم تخصيص مجموعة
من الغرف له لأنه أسرع وأكثر في مجال ( البيع ) والدعاية ...

ماقصروا الشباب وضحوا لك موضوع الغرف وتوفرها ونفس الشيء حتى في مواقع الحجز في موقع تجد غرفة متوفرة وفي فندق آخر غير متوفرة وأحيانا لاتجد في كل مواقع الحجز ولكن في موقع الفندق نفسه تجد متوفر
بالنسبة لموضوع تغيير الفندق هذي تحصل في حالات نادرة جداً ولا تقتصر على اللي حاجزين من بوكنق وتحصل الحالة هذه في حالة مثلاً انعقاد مؤتمر في نفس الفندق فيحصل حجز لعدد كبير من الغرف وفي هذه الحالة يقوم الفندق بإستئجار فندق للعميل ويخيره بين كذا فندق وقد حصلت هذه الحالة في فندق في لنكاوي قبل فترة لواحد من الشباب وخيروه بين فندقين لكن هذه حالات نادرة جداً

ما قصرتوا ياشباب كفيتوا ووفيتوا وجزاكم الله خير

بالتوفيق يالغالي ... وكلامك منطقي والله وسليم
أسأل الله لك ( سعادة ) دائمة ... تملأ حياتك ...