السلام عليكم وصبآح الخير على الجميع
كتبت هنا بالاول اني ابي اطلع للنمسا شهر العسل وافادوني الاعضاء ماقصروا
وقالت لي الاخت بنت حواء اروح احجز اول شئ التذاكر بعدين نسوي مخطط الرحلة
طبعا اتصلت على اخوي اشاوره بالموضوع قالي لازم اول شئ يكون عندك جواز وزوجتك بعد جواز
انا عندي جواز بس المشكلة زوجتي ماعندها جواز والحمد لله رحت من شوي وخلصت الاوراق ومو مطول ان شاء الله
بس قالي لا تحجز ابدا الا اذا طلعت الشنقن فيزا لانك ماتظمن تطلع لك او لا وبكذا تكون خسرت الحجز كليا او على الاقل بتخسر مبلغ مو هين في الاسترداد
طبعا قالي سالفه واحد من اخوياه صارت له نفس الشغله مارضوا يطلعون له الفيزا على اسبانيا قبل فترة وطارت منه الفلوس
هل تشوفون ان كلام اخوي صحيح او الاصح اني اروح واحجز تذاكر مع العلم انه راح يخلص الجواز حق المدام يوم السبت ان شاء الله
بس اذا بنتظر الفيزا ما ادري متى بتطلع وبكذا بيكون الوقت يمر واخاف ترتفع اسعار التذاكر اكثر
وقولوا لي على مكتب ممتاز بالخبر او الدمام يطلع لي الفيزا اذا كان لابد اني انتظرها . واخوي امس يقولي المكتب يسوي لك حجوزات وهمية وتامين طبي وهمي وهالشغلات اللي يحتاجونها انهم يطلعون الفيزا هل هالكلام صحيح ولا لازم يكون حجز التذاكر والتامين وباقي الشغلات موجود فعلا لانه يقول اصحاب المكاتب عندهم واسطات ومعارف ويقدرون يجيبون الفيزا بطريقتهم !!
وايش احسن مكتب سفريات لاني بصراحه محتار فيه مكاتب كثير وما ادري وين الزين من الشين
وانا اشوف الناس تقول المكتب الفلاني زين وهذاك شين ما ادري على اي اساس الناس تحكم؟؟
وايش الشغلات اللي راح احتاج المكتب فيها غير قص التذاكر ؟ طبعا حجز الفنادق بحجز من موقع بوكينج أكيد
بس اذا فيه شئ بسويه من الوكالات حقت السفر قولوا لي علشان انتبه لهالاشياء واقدر اختار مكتب زين
وآآآآآآآآسف كثرت عليكم بس مافيه احد يساعدني الا انتوا فديتكم