ليش محد رد علي انا زعلانه عليكم وايد

وعليكم السلام ورحمه الله وبركاته
هلا فيك اختي الكريمه وحياك الله في منتدى العرب المسافرون ..
سؤالك عام ... لذا من الافضل لك ان انقل استفسارك الى الواحه السياحيه .. وهناك الاخوان ما يقصرون معك بالافاده اللي ترضيك ان شاء الله ...
تحياتي

1. 1- لانها قارة بروحها فراح تلقين فيها كل شي تبينه .

اول شي بالتوفيق ان شاء الله والله يتمم عليكم ,,
ثاني شي اختي اذا امريكا داشه بالمقارنه ما يبيله كلام بعد ,, اكيد امريكا ,,
من وجهة نظري طبعا لعدة اسباب ,, وبحكم انني زرت اغلب الاماكن اللي قلتيها ,,
بس الكلام هذا اللي بقوله يعتمد على المده الزمنيه اللي راح تقضينها ( يعني شهر و فوق )

1- لانها قارة بروحها فراح تلقين فيها كل شي تبينه .

2- لان الميزانيه اللي حاطتها الحمدلله كبيره فراحم تستغلينها عدل بديره وحده بدال لا اتشتت باكثر من مكان سواء رحتي اوربا او شرق اسيا .
3- سهولة التنقلات فيها ولطافة الشعب الامريكي وهو يتفوق عن الاوربي وعن تجربه شخصيه ( والاوربي ما يبيله بعد كلام نفسه بخشمه ويطالعنا جننا عبيد ويترفعون عننا غالبيتهم ,, الالماني يتحجى الماني وما يرضى انجلش وما يرد عليج والفرنسي بعد والاسباني و,, و ,, وغير متعاونين في غالبيتهم وتقدرين تبحثين عن المواقف اللي تحصل بالانترت ) .
4- صعوبة السفر اليها لصعوبة الحصول على الفيزا وبعدها الجغرافي (قصدي يعني بعيده ما تقدر تروحلها كل يوم ) .
5- تعدد الوسائل والخيارات المتاحه لج ( يعني تبين بحر ,, ثلج ,, صحراء ,, جزر ,, مدن فاخره ,, تسوق ,, ) .
6- لا تحتاج الى موسم معين لكي تستمتعي فيها ,, على مدار العام راح تلقين روتين حلو تتبعينه بكل مكان اتروحيله .
لا ارى شي يستحق ينافس امريكا من البلدان اللي ذكرتيهم وعلى الميزانيه اللي حاطتها الا استراليا ,, فهي ايضا تعتبر قارة ,, ونفس اللي قلته عن امريكا ينطبق عليها بالظبط ,, ولكن اغلى من امريكا نسبيا ,, دخليها بالحسبه وياج ..
عموما ,, الكلام اللي قلته يعبر عن وجهة نظري المتواضعه ,, وعن تجربه شخصيه باغلب الدول اللي ذكرتيها
لان شرق اسيا راح يكون متوفر دائما ,, والسفره له سهله وما يبيلها هذاك المجهود ,, ولا ارى شي فيها يستحق انه يكون مكان مناسب لشهر عسل الا ( المالديف ,, وجزيرة بالي باندونيسيا ) من وجهة نظري ,,
اما اوربا شهر 2 راح تكون ممله ولا فيها اي شي وبارده وميته ,, واوربا وناستها بالفعاليات اللي يسوونها بالصيف وزحمة الناس والسنتر .. ,, وغاليه نوعا ماا ,, ومتعت اغلب دول اوربا في الصيف ,, وعموما اذا تبين شهر عسل فيها ,, ابتعدي عن العواصم ,, عليج ب زلمسي بالنمسا او انترلاكن بسويسرا او الريف الفرنسي كان وهالسوالف ..
بعض النصايح اذا قررتي اتروحين امريكا ,,
1- حاولو تستخرجون الفيزا من قبل موعد السفره بالقليل 4 شهور لان التقديم عليها صعب وفيه انترفيو واصدارها يطول .
2- اذا طلعت لكم الحمدلله ,, قدموا على الفيزا الكنديه مره وحده لانها ايضا بلد اخاذ .
3- بما ان القصد من السفره شهر عسل ,, انصح بان تجعلو من المناطق اللي راح تمرون فيها بخط سيركم شلالات نياجرا ,, وخصوصا الجانب الكندي منها ,, شي خيال ورائع ,, اجمل من الجانب الامريكي ..
4- سفرة امريكا مو لعب يبيلها تخطيط وخط سير للرحله وبحث بالانترنت ,, يعني اشتغلو عليها من بدري .
5- انصح في دول اوربا وامريكا بعدم حمل الكاش بكثره ,, واستخدام البطاقات الائتمانيه ,, فيزا او ماستر ,, أأمن واحسن واسهل بالمعاملات ويوخر العين عليك لان محد يدفع كاش اهناك فيحطونك اببالهم الحراميه .
,,
استراليا فيزتها سهله بس هم يبيلها تخطيط اذا بتروحولها ,,
في الختام ,, الكلام اللي قلته لج كله من تجارب شخصيه ,, وانا الصراحه اؤيد امريكا وبشده ,, لان ليلحين رايحلها مرتين اقل مره شهر واسبوع ولا مليت منها ولا خلصتها ,, لانها الصراحه عجيبه ,,
والله يوفقج ان شاء الله .. وسامحيني عالاطاله

مشكور اخوي عمر
صراحه اقنعتني اني اروح امريكا
بس ممكن تقولي شنو احلى جدول اسويه حق شهر كامل
ولا زم يكون فيه والت ديزني ان شاء الله
ابي احسن الفنادق و الاسعار
و احلى الاماكن ..
و اذا ابي اتسوق وين اروح
خبرك البنات همهم في السوق
اتمنى الكل يرد
و مشكورين

امريكا .. مررآ روعه وإذا متحمسين لطبيعه روحوا ع ولايه تكساس..< بعدها >أوربآ .. مرآ روعه خاصه النمسا و اللي قريبين عندها..< بعدها >شرق اسيآ .. أحلى شئ روحي ع كوريا الجنوبيه مرآ جنآن..
تايلاند .. أحلى مافيها الشناط..
ماليزيآ .. اي شهر عسل معروف لازم فيه سكن ب ماليزيا..
..

أدخلي ع قسم الولايات المتحده الأمريكيه..

انا اقول اوروبا وانت مرتاح البال

أنا واجهت نفس مشكلتك ورائح شهر عسل قبلك بشهرانشالله ، لكن بعد تفكير أنا قلت شرق اسيا وبقوه شرق اسيا تحسينها تهتم ومؤهله لشهر العسل اكثر، أنا من سكان امريكا وزرت اوروبا كثير وبعد زرت شرق اسيا، امريكا حلوه لكن راح تكلفك اكثر من المبلغ الي حطيتيه وبمعايير اقل من شرق اسيا وفيه بعد سالفة الجو في امريكا، على ذاك الوقت ما راح تكون كثير من امريكا مناخه لك بسبب الجو، فقط ولايات الجنوب من كاليفورنيا وفلوريدا والجزر الي حولها، كاليفورنا جداً غاليه فراح تضطري الي أخذ معايير اقل، وفلوريدا جوها حلو بذاك الوقت لكن مو حلوه لحالها ومن ناحية جزرها شرق اسيا تتفوق عليها بكثير....
واذا لنتكلم عن اوروبا أنا ما أشوف هالوقت مناسب، لكن اذا ما قد رحتي لها من قبل ممكن تكون شهر عسل حلو لكن بعد خذي خاصية السعر الي هو أغلي في اوروبا من شرق اسيا وحتى امريكا....
أنا أشوف كشهر عسل وفي هذاك الوقت وبميزانيتك شرق اسيا هي الخيار الامثل، تجمعين ما بين جمال الطبيعه ورخص الأسعار مقارنة بأوروبا وأمريكا، يعني بسعر غرفه في فندق خمس نجوم في اوروبا ولا كاليفورنيا تقدرين تاخذين لك سويت وبمستوى عال في دول الشرق وبخدمات راقيه وكامله.....
يجئ السبب الرئيسي الي هو قضية ترحيب دول الشرق بالسواح وخصوصا اصحاب شهر العسل، بعكس العدائيه الي حاصله الان في الوجهتين الأخرى، خلاصه دول الشرق اجمل احلى أسهل أرخص ومناسبه اكثر، ما أقلل من قيمة اوروبا وأمريكا الأكيد ان لهم ما يميزهم عن دول الشرق لكن مو في شهر العسل..،،
هذا الكلام وانا ما تكلمت بعد على الفيزا، لا اوروبا ولا امريكا غيرهم غثى
هذا رأيي وقاعد اكتب بالايفون فسامحنا على ضعف التعبير

اختى ان شاء الله جوازه مباركه باذن الله
وانا برشحلك فيينا بلد السحر والجمال بكل تاكيد
وان شاء الله تتهنى كتير واذا كنت اعجبتى بالاقتراح
شهر العسل هناك خبرينى وبدلك على برنامج بيجنن