zmanee
04-09-2022 - 07:47 pm
السلام عليكم ورحمة الله وبركاته
عندي كم استفسارات وكم سؤال واتمنى اني احصل اجابه مع اني عارف اني راح احصل اجابه في الموقع الاروع من رائع
اولاً شي انا ابسافر لبلاد الاندومي في الشهر القادم شهر اربعه واول مره اسافر لها ولا ودي اروح واتوهق هناك
اول شي كيف الجو هناك في شهر اربعه
ثانياً شي كم تكلف من مبلغ للشخص الواحد ابي بالريال السعودي من 15 يوم الى 20 يوم تقريباً
وثالثاً هل السواق يكون معي على طول السفره واتمنى تعطوني ارقام كم سواق علشان ما اتوهق لو حصلت احد منهم مشغول ويكون انسان ما يقول لا يعني مو عجاز متى ما قلنا له مشينا قال يله مشينا
عارف اني طولت عليكم بس اعذروني وتحملوني شوي
رابعاً ابي افضل الاماكن صح هي كله زينه بس ابي الازين علشان ما اتحسف اذا رجعت ان شاء الله
وخامساً وش الافضل الفلل او الشقق ولا الفنادق مع العلم ان الي بالسفره كلهم اثنين وكم الفرق بالسعر كثير او شوي لاني احس ان الفله افضل من ناحية الاستقلاليه
واخيرا الي هو سادساً هو استفسار الحين اسمع تقولن عن الجبل وله كم اسم الحين هو جبل واحد يعني فوق مرتفع واحد وكل جزء منه اسم او وش الاسماء هذولي واذا كان كل اسم له جبل مستقل كم يبعد كل واحد عن الثاني يعني اقدر افرهن كلهن في رحلتي
اسف على الإطاله يا اخوان وابي منكم الاجابات لاني من جد محتاجها
ايه صح نسيت شي وش سالفه التفييز الي تقولون عنها وكيف اسويها يعني موضوعها سهل بالمطار
وكيف اغير العملات اخليها على ما هي عليه سعوديه او ابدل شي بسيط من هنا للدولار او من هناك ابي افهم السالفه هذي خاصه لانه هي مربط الفرس الي هي الفلوس
دمتم سالمين
وعليكم السلام ورحمة الله وبركاته
اول شي كيف الجو هناك في شهر اربعه
جميل جداً ... وعموماً اندونيسيا بلد استوائي جوه معتدل طوال العام .
ثانياً شي كم تكلف من مبلغ للشخص الواحد ابي بالريال السعودي من 15 يوم الى 20 يوم تقريباً
اللي انا فهمت انكم شخصين فأرى ان من 250 الى 300 دولار جيدة اذا ماكنتم من اصحاب البذخ
يعني يطلع كل واحد منكم 450 الى 550 ريال يومياً ( شاملة كل شيء).
وثالثاً هل السواق يكون معي على طول السفره واتمنى تعطوني ارقام كم سواق علشان ما اتوهق لو حصلت احد منهم مشغول ويكون انسان ما يقول لا يعني مو عجاز متى ما قلنا له مشينا قال يله مشيناالسواق على حسب رغبتك انت اذا بغيته يقعد معك طول السفرة يقعد ولكن يكون بالمنطقة اللي هو فيها .. يعني بالجبل يصير معك سواق طوال اليوم وبجاكرتا سواق طوال اليوم مع اني ما انصح انه يصير معك سواق طول اليوم بجاكرتا الا اذا كنت تبي تروح لمكان بعيد او تبي تخلي كل اليوم لفلفه بجاكرتا.
بالنسبة للارقام في موضوع مثبت خاص بارقام السائقين
عارف اني طولت عليكم بس اعذروني وتحملوني شوي
ولا يهمك حبيبي ^_^
رابعاً ابي افضل الاماكن صح هي كله زينه بس ابي الازين علشان ما اتحسف اذا رجعت ان شاء الله
حدد المدن او المناطق اللي راح تزورها وابشر ... كلنا ماراح نقصر
وخامساً وش الافضل الفلل او الشقق ولا الفنادق مع العلم ان الي بالسفره كلهم اثنين وكم الفرق بالسعر كثير او شوي لاني احس ان الفله افضل من ناحية الاستقلاليه
بما انكم شخصين انا انصح بالشقق اذا كنتم في جاكرتا ... وبالفلل اذا كنتم في الجبل .
الشقق الخيارات كثيرة في جاكرتا وبامكانك مراجعة سلة المواضيع المتميزة وتختار ايهما تشاء.
اما في الجبل فالمجمعات كثيرة ولكن ابتعد عن المجمعات ( القولف - باريتا - جياكرتا )