maks66
والله اسئلتك مبهمة قليلاً حسب قراءة مخي للموضوع.. الموضوع عن ويستن لنكاوي وتسأل عن حجز . هل حجز الفندق ولا الطيران الداخلي لماليزيا
اذا كانت داخليه فسوف تكلفك للشخص 210 ريال من كوالا الى لنكاوي ومدة الرحلة 50 دقيقة ودايركت
اذا كنت تريد الحجز من الرياض الى ماليزيا قيمة التذاكر من الموقع الالكتروني وسهلة خطواته .. يجب أن تهبط أولا في كوالا ثم من مطار اير اسيا الى لنكاوي
تكلفة الرحلة يابعدي خلها في بالك 300 رنقت للشخص وقد تزود .. فلها يامعرس لو توصل 1000 رنقت
ماشاء الله رايح تتمشى انتا ..انبسط
الأكل في المطاعم العربية غاليه بعض الشيء .. لكن لا يمنع ان تجرب .. معطم القصر والفيشاوي ومطاعم سوف تجد لوحاتها باللغة العربي ..
انصحك ان تذهب قسم التقارير وتبحث عن تقرير العظماء والخبراء . امثال وافي .. ماجد الفهد ..الابرقين.. المغادرون 2007 .. خليلها ..شموخ .. والكثير وليعذروني ان سقط اسمهم سهواً
تقاريرهم ستلبي جميع احتياجاتك .. خذلك لفة بسيكل يومين ثلاثة وح تشوف نفسك مرشد سياحي

السلام عليكم
الله يحفظك وستن هو فندق بجزيرة لنكاوي
اما الوصول الى لنكاوي عن طريق الطيران من كوالا
اما مدة الرحلة تقريبا 45 دقيقة
اذا كانت الرحلة في المجمل 10 ايام انا اشوف ماهي
محتاجة الافضل ان تزيد المدة الى 14 يوم
تعب الرحلة الدولية 8 ساعات رايح وزيها راجع
هذي يومين ماهي في الحسبة كم بقي من 10 ايام
وبعدين جزيرة لنكاوي تكفيها من 3 الى 4 ايام
اما بالنسبة للمصاريف تعتمد عليك تبدا تقريبا من 15 الف الى
ماتريد ليس لها سقف محدد انت ومصروفك
نصيحة ان تذهب للمفكرة واخذ صورة كاملة عن ماليزيا لكي تتضح الروئية
تقبل تحياتي

badralmatary>>>>>>>> الله يحفظك اخوي والله ما قصرت ويسلم لي مخك
اشكرك والله اخوي
لابرقين >>>> الف شكر لك اخوي >> بس تقول لنكاوي تكفيها 3 ايام طيب بعدها ما هو الافضل
معلومات والله فادتني
لاني انا مخطط لميزانيه 18 الف الى 20 الف >>> وعلى قولتك عادي اخليها 15 يوم
طبعاً هذا من دون التذاكر >>> ما ادري كذا جات في مخي مدري ليش
ما قصرتو والله يحفظكم
بس ابي افضل شركه طيران للحجز وكم التلكفه تذاكر فقط
ربي يحفظكم يارب

السلام عليكم
اخوي هدي شوي وخلنا ناخذها وحده وحده
اول شي ماعندك مشكلة تروح 15 يوم هذا تمام
ثاني شي حدد تاريخ الذهاب لنقوم بالبحث عن ارخص
خطوط من الرياض او من الدمام الى كوالا
ثالث شي ايش طبيعة الرحلة عرسان او عوائل كبيرة او شباب
ايش تحب مدن صاخبة او هادئة او مزيج من الاثنين
اتمنى انك تجاوب على هذي الاسئلة وابشر
لي عودة

الابرقين مع التحيه لك اخوي
بالنسبه للسفر يعني قول وقت اجازة الحج اعتقد بداية شهر 10 ميلادي
وطبيعة الرحله عرسان>>>> يعني شخصين فقط
واللي ابغاه اكيد مدن هادئه الصخب ما ادري ايش تقصد فيه
يعني يمكن تسوق في مولات ومطاعم يعني سعرها معقول
الله يحفظك اخوي

السلام عليكم
بكره الصبح روح اقرب مكتب سياحي
وقص تذكرة ماليزيا من الدمام ارخص شي
لشخصين 3750 ريال بس تاكد ان الاسماء تكون
مطابقة للجواز وهذي اول خطوة ولنا عودة
هل يوجد عندك فيزا او ماستر كارت
اذا ماعندق روح بعد المكتب لبنكك واستخرج فيزا

وقص تذكرة ماليزيا من الدمام ارخص شي
لشخصين 3750 ريال بس تاكد ان الاسماء تكون
على اي خطوط ؟؟
والسعر أعلاه ل شخصين ؟؟
واذا كان كذلك كم تكلفت الطفل سنتين وشهرين تقريباً ؟؟
الحجز بتاريخ 5/ 10 / 1432ه
طبعاً بعد اذن صاحب الموضوع ..

السلام عليكم
اهلا باخي العربي
الخطوط الماليزية من الدمام الى كوالا
شخصين + طفل الله يحفظة ويحفظكم ب 5362 ريال
وهذا اقل سعر الذهاب في 5 /10 والعودة في 21/ 10
المشكلة في هذي الرحلة الذهاب دايركت والعودة فيها
ترانزيت في دبي حلوه اذا طلعت واخذت جولة في دبي
او غير التوريخ لكي تحصل على رحلة دايركت
تقبل تحياتي