شراع الهوى
26-07-2022 - 03:02 pm
السلام عليكم
بصراحه وبعد ماتم استخراج الفيز ا واصدار التذاكر ظلت عندي بعد الاستفسارات كالسكن والسياره
بعد استشارتكم وبرأي الاخ امباكت تم الاستقرار على السكن في لونغ بيتش بسبب موقعها بالوسط لكن الاسئله واللي تتطلب اجاباتكم ومساعتكم هي :
1 اش رايكم احجز فندق من الكويت لمدة 3 ليالي واذا وصلنا نبحث عن شقه مناسبه لان اللي بالنت لحين موحاطين اسعارهم
2 سمعت ان في المطار بعد استلام الشنط تمر باصات تابعه لشركات تاجير السيارات وتركب مع الشركه اللي تبيها فاذا هالكلام صح شنو افضل شركه وسعرها رخيص مع العلم اني جهاز القارمن عندنا ماراح ناجره
3 انا معاي اعيالي اصغرهم 3سنوات ونص فهل زياره نيفرسال استوديو متعبه للاطفال وهل تستحق الزياره والا اكتفي بدزني وليجو لاند او مثلا اروح نيفرسال ودزني وما اروح سكس فلقز وليجولاند خصوصا اني بروح لاس فيغاس
4 سان فرانسيسكو كم تبعد عن لوس انجلوس وتسوى المشوار لان المده 25 يوم بين ضواحي لوس انجلوس وسان دييغو ولاس فيغاس
استحملونا ومشكوريين وايد
1- وجهة نظر معقولة خصوصا اذا كنتم مطولين وعددكم كثير
2- مدام معك جهاز القارمن وضعك أوكي .... بالنسبة للسيارات احجز من الموقع حقهم على طول يطلع لك أرخص سعر .... وفيه بعض الشركات أو خطوط الطيران لها تعامل مع بعض محلات التأجير وتقدر تلقى تخفيض .... بس فيه نقطة مهمه .... تأكد ان السيارة مأمن عليها .... سبحان الله ما تدري وش يصير على الواحد ... حاول تدخل على موقع خطوط الطيران اللي انت حاجز معهم وشوف ... كثير منهم يكون يتعامل مع شركة تأجير ولهم رقم للعقد تدخله اذا جيت تحجز سيارتك
3- يونفيرسال ستديو لا تفوتك .... راح تنبسطون كثير هناك .... وكثير ناس كانوا جايبين معهم أطفالهم ... احرص انك تروح لها
4- سان فرانسيسكو تبعد حوالي 620 كم يعني حول 5 ساعات ونص بالسيارة .... الطريق متعة كبيرة .... لا تفوتك
وحاضرين أخوي