السلام عليكم ...
ياهلا وغلا بحبيب البي لو خليت الحلقة الاخيرة
يوم الثلاثاء كان اروق ترى مارجع فيصل ومازالت
جمانة ماسكة البرنامج
طيب يا لورد ...15 ليلة ya
الخيول الذهبية ..1 ليلة
لنكاوي 3...وش اختيارك النهائي لنكاوي لاغون .
جنتنغ ..1 ليلة ..جنتنغ هوتيل
جزيرة بانكور ..2 ...منتجع بان باسفيك
صن واي لاقون ..2 ...فندق صن واي لاقون
ملاكا ...2 ...افاموسا
كوالا ...4 ..2 ماندرين ...مطلة على الحديقة
2 ويستن بقرب شارعنا المزعوم .
الخيول الذهبية هذه قصة الشريط والافتتاحية
وماراح تنسون هالفندق طول عمركم ...اخوي راح شهر
عسل واصر على لنكاوي مباشرة ولكني جريته
من شعره ووديته للخيول ...وصار ان تذكر ماليزيا
وشهر العسل يتذكر الخيول الذهبية وخليته رابط
والمطار جنبك ...وبكرة ترجعون لها لاجل تروحون لنكاوي .
وتمشى بالمنطقة المحيطة ....وادخل ملاهي ماينز وندر لاند
قرب المغرب وان جاء الليل شف نوافير المياه الراقصة
لنكاوي ...خلاص في معلوم
من لنكاوي لابد تاخذ طيارة وترجع للعاصمة ومنها لجنتنغ .
اوفر وجهد اقل ...ناس يقولون خط حلو ...صحيح لو
جيت من بينانغ وبغيت شيء قريب مثل كاميرون .
بعد ليلة جنتنغ ...تاخذ تاكسي وتتجه لمدينة لوموت
الساحلية ومنها تاخذ قارب لجزيرة بانكور ...ورجعتك
تاخذ قارب من الجزيرة وينزلوك بمدينة لوموت ومنها
تاخذ سيارة وتتجه لصن واي لاقون .
صن واي لاقون ...انت في اعرف هو
وبعدين تاخذ تاكسي او سيارة من صن الى افاموسا
وتبقى بالمنتجع ...وبعدها تاخذ تاكسي وترجع للعاصمة.
انزل اول بفندق ماندرين اورينتال اللي جنب البرجين
وملاصق لسوق سوريا ...واخر ليلتين جب تاكسي
و10-15 رينجيت يوديك فندق ويستن القريب وتراه
على شارعنا المزعوم والاسواق حولك .
المشوار حقه 4 رينجيت لكن حق الانتظار والعفش
والانتظار الثاني .
فنادقك مع التذاكر 10 الاف ريال واقل .
والمواصلات 2000 ريال تقريباً .
وخله يتوصى بك في الغرف .
واي سؤال ترانا حاضرين ولا تخجل ولا تستحي
ورحلة سعيدة بأذن الله ...وخلك مركز في هذه
وتروحون وترجعون بالسلامة
والسلام عليكم

بعد ليلة جنتنغ ...تاخذ تاكسي وتتجه لمدينة لوموت
الساحلية ومنها تاخذ قارب لجزيرة بانكور ...ورجعتك
تاخذ قارب من الجزيرة وينزلوك بمدينة لوموت ومنها
تاخذ سيارة وتتجه لصن واي لاقون .السلام عليكم جميعا
معليش دخلت بينكم
اخوي الشعيبي
ممكن تشرح لي ذا المكان ؟؟
هل هو جزيره ؟ او مدينه ؟
وشلون نروح لها .. بالسياره ؟
بعديه او قريبه ؟
هل جديره بالزياره .. للعرسان
وتحياتي للجميع
اخوكم

اخوي الفيصل عسى صدقت
تراني بغيت اورط الاتجاه المعاكس
وعليكم السلام ...
حياك الله اخوي الفيصل
طبعاً تقصد بانكور ...بانكور هذه جزيرة تابعة لبيراك
وهي جزيرتين جنب بعض واحدة اسمها بانكور والثانية
اسمها بانكور لاوت ...ان بغيت تروح جزيرة وهادئة
ومافيها ناس كثير وتختلي باللي معاك الله يسلمك
اجل روح لها ومنها تجربة وخاصة لجماعتنا وتراها
حلوة ...طبعاً حتى الجزر تتفاوت في الجمال وبانكور
تراه طيب وطبعاً مايوصل لدرجة تيومان او ريدانج
لكن مستواه طيب وفي نظري انها تستاهل .
ان كنتم عرسان وبغيتم جزيرة هادئة ومابغيتم الناس
ولا صجة الاسواق والازعاج اجل توكل على الله .
ومن محطتك الاخيرة تتجه لمدينة لوموت ببيراك
ومنها تاخذ قارب لبانكور ...وحسب القارب وساعة
وشوي انتم واصلين ...وحدد بانكور او بانكور لاوت .
قريبة ولا بعيدة ...ماني عارف محطتك الاخيرة .
مثلاً كوالا اقل من ساعتين وانت بلوموت ..وحسب الزحام
وامسك الخط السريع .
وللوموت بالسيارة وبعدها للجزيرة بالقارب .
لوموت مدينة ساحلية تابعة لبيراك .
ان شاء الله وضحت الصورة اخوي الفيصل
ورحلة سعيدة بأذن الله والسلام عليكم

السلام عليكم جميعا
اخوي الشعيبي
الصوره وضحت .. بس ما اخفيك مو مره
بصراحه ونا اخوك .. جالس اعمل لي برنامج عسل باذن الله ( خلال شهر شوال )..
راح اوافيكم فيه بس لساعه تحت المجهر
(عقبالك .. اذا منت متزوج.. وعقبال السامعين .. برضو اللي ماهم متزوجين )
بس ابغاك (فضلا لا امره ) .. تتذكر ذي الجزر بعدين .وتشوف اذا لها مكان بين برنامجي .. او لا
شي ثاني مهم ..
هل فيه طريقه اتصال معاك
اخوكم

يا جماعه اعطونا نصايحكم ايش الافضل بينينج ولانكاوي وكوالا ومرتفاعات او لازم جزر للعرسان افضل

عزيزي الشعيبي
ابغي اخذ رايك وتنصحني بشي انا ممكن اجهله
رحلتي قسميته على هذا الشكل
1- الخيول الذهبية يوم الوصول
2- جينتج يومين
3-لانكاوي فندق اندامانداتاي يومين
4-بانكور لاوت يومين
5- الكامرون يومين فندق اكواتوريال
6-ملاكا فندق افاموسا يومين
7- كوالامبور ويستون يومين
عزيزي اتمنى ان تقترح علية ما هو احسن

السلام عليكم ...
حياك الله اخوي الفيصل وابشر يا طويل العمر
مادام بغيتها في شوال ان شاء الله اجل تروح وين
مابغيت ولا احد راح يقول لك فل ولاغيره وقتها نقول
لك رح لافضل جزيرة بماليزيا الا وهي تيومان
من افضل عشر جزر بالعالم الان صعبة شوي
لكن شوال تروح وانت تضحك بأذن الله .
وان بغيت توصل لي سويت نفسي واصل
ممنوع كتابة ارقام اوايميل ...اجل نحتال احتراماً للجميع
hnms وبعدها رقم 77 وعلى الهوت ميل
اخوي اسير المرام ...لا توجع راسك اخوي
ان كانت هذه اول مرة لماليزيا اجل خلها ...
لنكاوي - بينانغ -كاميرون-جنتنغ -كوالا .
وخل اول نزولك بالخيول .
ولنكاوي تغنيك عن اي جزيرة اخرى وخاصة انه التنقل
للجزر تراها صعبة شوي ومتعبة .
اختي نورة الهاملي حياكِ ربي عزيزتي .
اختي برنامجك بحق متعب ...ما اجاملك لاني ابغاكِ
تروحي وتستانسي ...هذه اول مرة اختي لماليزيا؟
معاكم اطفال ولا لا ؟
اختي يومين غير ليلتين يومين = 1 ليلة .
بانكور لاوت ما اشوف لها داعي .
كوالا تستاهل اكثر من ليلتين .
لنكاوي اخذت بأفخم منتجع بها .
المدة احسها قصيرة ...لكن اختي علميني كم مدتك
واجيبي على اسئلتي السابقة وما تخرجين الا باللي يرضيكِ .
ولابد من ترتيب المدن والمناطق اختي
موفقين جميعاً بأذن الله ورحلة سعيدة
والسلام عليكم

عزيزي الشعيبي
جزاك الله خير على ردك ولكن سمعت من كل واحد في المنتدى عن هذه المناطق شي
والصراحة انا ناوية تكون ختامها مسك لانه العام رحت لماليزيا والسنة حبيت اغير
المناطق عشان اذا الله اراد نغير السنة الجاية اذا الله عطانا عمر نغير الدولة ونشوف
المنتدى وين بيكون مركز ونروح والقصد ليلتين ومش ليلة (يومين ) بس ما قتلي
بيكون في كل منطقة شي غير وانا عندي 3 اطفال 11 - 9 -5 هم عيالي وبعد معي
عيال اختي 15 -12 - 6 وانا وزوجي بس الله يوفقك اترد علية بسرعة لاني بكره
مسافرة في المساء .........
واسفة على ازعاجك بس الصراحة من كثر ما اشوف الكل معتمد عليك حبيت اني
ما اضيع نصيحتك ..........
الف الف الف شكر لك لو اترد علية

السلام عليكم ...
اختي نورة الله يجعلها رحلة سعيدة اختي
ولا تشيلين هم ترى الرد فوري ومعاكِ لوقت رحلتك
وش في خاطرك اسئلي عنه الا فيها الا
الا سوي برنامج يومي
صراحة ماني فاهم السؤال ...وهل خلصتي حجزك ولا باقي .
الترتيب لابد يكون حسب برنامجك :
ماقدر ارتبها لكِ الا بعد معرفة طريقة مواصلاتكم .
الترتيب مهم اختي وتراني مستعد لكن لابد اعرف مواصلاتكم
كيف رايحة لنكاوي ..طيران ولا يسارة وبعدها فيري .
وكيف العودة من لنكاوي .
ارجو منك الاجابة وما يصير الا اللي تبغينه اختي
والسلام عليكم