الحمدلله على السلامة
بالنسبة لمواقيت الصلاة هذا رابط موقع الباحث الإسلامي
http://www.islamicfinder.org/prayerDetail.php?country=hong_kong&city=Kowloon&email=&lang=arabic&start=0&home=2008-11-5&aversion=&athan=

السلام عليكم ...
الحمد لله عل السلامة ...وان شاء الله موفقين برحلتكم..
اضيف الى اسئلتك ك اسناد
ماهي الاسواق المميزة في هونك كونك واسعارها مناسبة مقارنة مع اسواقنا...؟؟؟؟؟
اين يقع سوق الالكترونيات (او تجمع محلات/ شركات الالكترونيات) في هونك كونك ؟.؟؟؟
مرة ثانية موفقين في رحتلكم وعودة سالمة
تحياتي

اهلا بكم وسهلا في اليوم الثاني من زيارتي لهونغ كونغ
اليوم الصباح توكلت على الله وذهبت لقمه جبل فكتوريا وماتسمى البيك
وصعدت فوق للأعلى وبصراحه مكان جميل جدا خاصه ان اليوم كان الجو غائم وحلو جدا وفي الاعلى يميل
للبروده بحكم الارتفاع وبصراحه القمه حلوه وتستطيع مشاهده هونغ كونغ من فوق وتستطيع ان تلاحض ان
ارتفاع الجبل اعلى الناطحات كلها مكان جميل للتصوير وهناك الكثير من السياح وخاصه الاجانب الذين تلحظهم
يصورون بكثره وزرت كذلك متحف الشمع الذي يحوي كل مشاهير العالم ومشاهير الصين وباستطاعتك ان
تستخدم كاميراتك وهناك اناس متخصصين في التصوير بأمكانك ان تطلب منهم ان يصورونك بمقابل مادي
بسيط ويعطيك ورقه خاصه بعد الانتهاء من التصوير لتسلمها للكاونتر عند الخروج وهناك تلاحض ان كل صورك
تم حفضها في الشاشه امامك ويطلبون منك بعد عرض الصور امامك في الشاشه ان تختار ماتشاء من الصور
ليطبعوها او يستخرجونها لك بمقابل مادي بسيط مع اطار للصور برسوم اضافيه بسيطه وهناك اليوم صادفني
موقف مضحك قليلا بعد ان عرضت الصور الموضفه في الكاشير اعطتني ورقه وطلبت مني ان اكتب ارقام الصور
التي اريد ان يحمضونها لي وبعد ان كتبت ارقام كل الصور التي تم تصويرها لي مع المشاهير سلمتها الورقه
ولاخظت انها ارتبكت واستعدت احد الموضفين ومن ثم اعطوني الورقه وهم يقولون لي سوري وانا بصراحه
استغربت وبعدها عرفت اني غلطت وكتبت الارقام بالعربي وبعدها تداركت الموقف وعدلت الارقام بالانجليزي
وبعد ان استمتعت في القمه ومتحف الشمع تجولت في المجمع التجاري وتسوقت قليلا لكننه غالي جدا
بالمقارنه ببعض المحلات التي زرتها بلامس ولو اني صدمت بغلاء الاسعار في هونغ كونغ بالمقارنه مع كوانزو
فرق السماء من الارض وبعدها اخذت تاكسي وتوجهت الى سوق صغير لا اعرف اسمه يكثر فيه الباكستانيين
والهنود والاسيويين وهو سوق من طابقين للالكترونيات والجوالات وبعض السلع المقلده لانني اصلا كنت لا اعلم
ان هناك اصلا سوق كنت اريد ان اذهب الى المطعم الباكستاني وبعد وصولي وجدت الكثيير من المطاعم خاصه
الهنديه ووجدت محل مكتوب عليه حلال واكلت وجبه لا اعلم اسميها وجبه افطار ام غداء ولاحضت ان السوق
حلو ولكن اسعار الجوالات غاليه ولكن هي الارخص الى الان لاني بالامس تجولت في شارع الناثان ووجدت ان
الاسعار غاليه لكن في هذا السوق وجدت انه بالمقارنه مع الاسواق الخارجيه اعتقد انه انسب نوعا ما وسئلت
عن المسجد واتضح انه بجانب السوق على بعد حوالي 200 متر من السوق نفسه وفي السوق نفسه وجدت
محل كشك صغير ولاحضت انه يبيع الساعات المقلده بسعر رخيص جدا ونفس اسعار اسواق جوانزو وبالكاد يكون
ارخص سعر وجدته الى الان واعتبره مناسب وبعدها وبعد جهد وعب من الصباح ها انا ذا في الفندق بعد يوم
ثاني جميل ولكن انهكني المشي وغدا بأذن الله ساكتب تقريري لليوم الثالث واسف على تقريري العشوائي
لانني لم اتعود على كتابه التقارير الطويله ولكن اريد ان ارد جميل هذا الموقع الذي له الفضل علي بعد الله
بمعرفه الكثير من المعلومات ليس عن هونغ كونغ بل قبل ذلك عن جوانزو وانا مستعد لأي استفسار واسف
اذا كانت هناك غلطات مطبعيه وشكرا

اخوي محمد
بيض الله وجهك وماقصرت على التقرير الطيب
انا كان ودي ازور هونج كونج بس مالله كتب

هلا بك يالاستاذ خالد
بالنسبه لهونغ كونغ جميله ولكن اذا كانت الزياره تسوقيه بحته فانا اراها غر مجديه
بالنسبه للسفر من اجل التسوق فقط اما اذا كانت تسوق وسياحه اعتقد راح تكون سفره حلوه ومنها الواحد
يتسوق ومنها يتمشي بس حبذا لو كان الواحد معاه احد لاني الان بروحي وحسيت انه لوكان معي احد افضل
بس اللي لاحضتها بالرغم من اني بروحي الا اني احس بأمان لان الشعب كل في حاله ومحد حتى يطالع
فيك وتمشيت البارحه في الليل وماحسيت اني خايف بالرغم من ان الوقت متأخر عموما البلد حلوه بس كنت
اتمنى ان الاسعار موب عاليه خصوصا الاسواق الشعبيه اللي توقعتها مثل جوانزوا بتكون رخيصه لكن اجمالا
بالنسبه للشخص الخليجي بالذات فهو بيكون ربحان في التسوق لان الاسعار عندنا في الخليج بالمقارنه مع
هونغ كونغ تعتبر توفير لكن اللي مثالي زار جوانزوا بيحس انه مبالغ في السعر ليش لاني ذهبت للصين ورأيت
الفرق لكن التسوق حبذا لو جعله الواحد اخر شي يفكر فيه لان البلد سياحي من الدرجه الاولى وكذلك
تسوقي

انا كنت ناوي سياحه بس مالقيت لي خوي
والصين انا رحت لها 3 مرات والسياحه هناك ارخص من هونج كونج بكثير

1. السلام عليكم ..


2. جزاك الله كل خير عل التقرير وعل المعلومات الحلوة...


3. كان يريد بس يتكلم ..

السلام عليكم ..

جزاك الله كل خير عل التقرير وعل المعلومات الحلوة...

بالنسبة للاخطاء بالعربي ..حدث ولا حرج ....او ..وخاصة عندما تصل بالبداية الى بلد اجنبي وصارلك مدة مامسافر...في احد المرات ضحكت ضحك عل صديقي كنت اموت فيها كان لاول مره يسافر وجاء الماليزيا ف طلعت معاه ف عل الاساس يريد يحسن الانكليزي بتاعه..دخل في حوار مع سائق التاكسي الهندي ..طبعا كلمة انكليزي وكلمتين عربي ..وانا ميت من الضحك ...
ساله انت مسلم جاوبه لا ..صديقي يكوله ( ليش بالعربي)..بعدين ساله انت متزوج ..كاله اي ..والحوار ماشي ..كله شو رايك تزوج بعد ...كاله حرام ....صديقي بالعربي "شنو حرام الله حلل اربع"......................................وبعد وبعد

كان يريد بس يتكلم ..

اما عن المطر ...مثل الدوش شي عادي ..في ايام اطلع شمس ارجع كاني اسفنجه ...والشمسية ما تفيد..
مره من المرات كنت اتمشى ومطرت ..ومن عبرت الشارع وجدت من التاحيه الثانيه نهر الصين العظيم يجري مو رصيف ...عل عموم غطست ومشيت وبعدها تكرمون نزعت احد الجوارب وقلت خل ينشف والبسه المهم مشيت ومشيت دخلت مطعم وانا جالس اتغدى تذكرت بان لم البس الجورب...يالله الفشله .....ومباشره للحمام ولبسته .......
والا الاكل ...مره من المرات بشهر رمضان طبخت شوربه وحطيت القليل من البهارات الصفره...وعند الفطور الكارثه ....طلعت سبايسي.....ورغم ذلك شربت اشويه ..ثاني يوم التهاب بالبلعوم وحمى وجفاف .. وفطرت يومين....
اه كوارث اللي يسافر لوحده ...................
اخوي ترجع بالسلامه ..
بس سؤال عل الماشي ...يعني الاسعار غاليه ..ايش تقصد ...
يعني السعر مقارنه ويا الجودة كيف هو في هوتك كونك ...وكوانزو ...يعني شفت شي معين نفس الجودة في كوانزو ارخص..
احيانا الجوده تحكم ...مره اشتريت بنطلون من جيسكو في مدفالي ماليزيا.. عل اساس ماركة ومسوين تنزيلات..تدري بالمطر اختلف لونه ؟؟؟!!
ان شاء ترجع سالم غانم
تحياتي

itengineer79
هلا والله ياخووي انا اول مره اروح بروحي واتمنى معاي احد مادري ليش تعودت اروح بروحي
وما ازهق بس هالمره غير عالعموم البلد زين اامن بس شوي اخلاق بعض البائعيين تعبانه
خصوصا اذا حاولت تكاسر اكثر من اللازم تحس انهم يزعلون واغلبيتهم يزعل ويتكلم والبعض يطنش
لك ويلف ضره عنك عكس الشعب الصيني واهل جوانزو تحس انهم طيبين ويحاولون يكسبونك
يعني اللي اقصده ان الشعب بشكل عام اللي مافيه بينك وبينهم احتكاك او اتصال مافيه مشكله
وحتى مايطالعونك وامس بالصدفه شفت امراتين متنقبات ومعاهم واحد لابس ثوب اعتقد ثوب
عماني وماشفت ذاك الاستغراب منهم بس اني شفتهم في سوق الاسيويين او المسلمين
قرب جامع كولون وحسيت انهم ناس عاديين خاصه انهم اكيد بيطلعون برا السوق وبيشوفونهم
الماره بس بصراحه عجبني تمسكهم بلباسهم وسترهم وتمسكهم بنقابهم واحترمتهم جدا
وبالنسه للغلاء في الاسعار انا اقصد غلاء السلع وخاصه اللي في الاسواق الشعبيه والليليه
تحسها غاليه جدا اذا ماقارنتها باسعار الصين لاني ذهبت لجوانزو قبل سنه وشفت فرق كبير
مثلا الساعات التقليد كنت اخذ عشر كل وحده بما يعادل عشره ريال سعودي بس في هونغ
كونغ تلاقيها بحوال 50 ريال واذا كان بينزل بينزل الى ال 40 ريال وهذا تقريبا ارخص سعر لقيته
بلامس باستثناء محل صاحبه هندي في السوق اللي مقابل الجامع حصلته يبيع مثل اسعار
الصين لكن ما ادري عن الجوده وكذلك الشنط انا العام اخذت حوالي 15 شنطه كل وحده
بما يعادل 30 ريال لكن في هونغ كونغ مستحيل تلاقيها باقل من 100 ريال ومايفيد
المكاسر معاهم الا واحد قالي اذا بتاخذ 20 حبه واكثر ممكن اعطيك اياهم ب 90 ريال
وكذلك الاقلام المقلده لاتقل عن 30 ريال وهذا اقل جوده وانا اتكلم عن الاقلام الفضيه والذهبيه
وليست الاقلام العاديه في الوقت الذي كنت اخذهم في جوانزو على 15 ريال لكن هنا غاليه
وطبعا الاسعار انا اعتبرتها غاليه بالمقارنه مع الصين وتايلند لكن في الخليج لا طبعا تعتبر رخيصه
وكذلك الجلديات كثل الله يكرمكم الاحذيه والابواك ولكنها تعتبر اغلى قليلا عن الصين
وبالنسبه للملبوسات الرياضيه والتي شيرت اعتقد اسعارها جيده ولكن تفرق عن الصين لكنها
مناسبه جدا بس الغلاء في المقتنيات مثل الساعات والاقلام وكذلك الالكترونيات والجوالات كذلك
غاليه جدا وتكاد تكون بنفس السعر عندنا في الخليج وانا هنا اقصد الجولات الاصليه لكن المقلده
حدث ولا حرج لكنها رديئه الجوده وتلحظ ذلك من اول ما تمسك القطعه لكن كماليات الالكترونيات
تعتبر رخيصه مثل الشاحن والكاور او الجراب وازرار الهاتف وملحقات الكمبيوتر مثل الماوس والفلاش
تعتبر رخيصه نوعا ما عن اسعار الخليج اجمالا البلد جميل والتاكسي ليس بالغلاء الذي ذكره
الاخوان فانا منذ وصلت وانا استخدم التاكسي ولم استخدم المترو كي لا اضيع الوقت ويعتبر
سعره جيده فهو يفتح العداد على اعتقد 16 دولار او قريب من هالرقم وفي تنقلاتي لم الحض
غلا اسعار التاكسي باستثناء سعر تاكسي المطار نضرا لبعد مسافه المطار عن كولون
واخيرا انا اليوم هو الثالث لي وما قبل الاخير وانا اضر لاي استفسار او اي سؤال
وغدا بأذن الله ساعود بعد هذه الرحله القصيره الجميله بالرغم من شعوري بالوحده التي قتلتها
بامضاء جل وقتي على الانترنت عن طريق الغرفه واعتبر رسوم الفندق بالنسبه لاستخدام الانترنت
رسوم مناسبه فهم اكدوا لي ان رسوم استخدام الانترنت في الليله حوالي 130 دولار حوالي
5ريال وانا اعتبرها مناسبه وانا انصح بالسكن في فندق ايتون نضرا لانه اولا في قلب كولون
وقريب من الاسواق ولنضافته لكن يعيبه صغر حجم الغرفه واخيرا تقبلو مني الاحترام والتقدير

السلام عليكم ورحمة الله وبركاته
شوف يالغالي عندك المركز الاسلامي في شارع اسمه ناثان جامع كبير
تحياتي