وعليكم السلام ....
يامرحبابك اخوي عزيز نفس بمنتداك
في نظري ماليزي ا
مع احترامي الشديد لمصر الا انه ما فيش مجال للمقارنة
مع ماليزيا في المجال السياحي ...
النظافة بألف مرة لصالح ماليزيا ...
والتعامل ارقى بماليزيا مليون مرة ...
ولا في مضايقات للمحجبات ولا غيره واهل البلد نفسها
كثير منهن محجبات وبالولايات الشمالية تلقى اللي يغطين
وجوههن ... يعني ماتشيل هم الغطاء وتراهم تعودوا علينا
وسنوياً نروح نستعمرهم شوية ونجي راجعين
اسبوع مرة قليل ... ان كان هذا حد اجازتك فالله يعينك ..
ان كنت مصر على السفرة وان كانت بهذه المدة القصيرة جداً
فأحسب 6000 تذكرتين سفر ...
وبغيت الفندق بكم ... نقول الليلة ب400 وتراها 5 تجوم
يعني 8800 ريال ...
اقولك ... خذ لك بكج دام انك اول مرة ودام انك رايح فترة بسيطة
البكيجات تلقى الفنادق مع التذكرة ب3 وشوية ...
والفنادق بين 4و5 نجوم ....
التذكرة على السعودية ان خذتها لقبل يونيو تلقاها ب2500 وشوية
وان اخذتها لمابعد يونيو ويوليو والصيفية راح تلقاها ب3000 وشوية
ورجال الاعمال ب6700 وشوية ... والدرجة الاولى ب8600 وشوية .
واسعار الفناد بماليزيا مش غالية اوي ... يعني تلقى 3 نجوم طيب ب120
و4 نجوم ممتاز ب200 ريال وال5 نجوم من 300 تقريباً واقل وانت طالع .
وصرفية اليوم انت اكثر شخص يقدر يحكمها
والبلد مش غالية ...والشخص 200 ريال حلوة وزيادة لاحلى اكل
ومواصلات قريبة وتذاكر دخول ...اما التبضع فتراه شيء ثاني
موفق اخوي بأذن الله ورحلة سعيدة ... وشفت موضوع كوميدي
لأخ برج العرب على ما اعتقد بمنتدى مصراتمنى تمر عليه
تحياتي لك ياطيب والسلام عليكم

مافي مقارنه اش جاب مصر لماليزيا مع احترامنا لام الدنيا صراحه ما تنفع للسياحه الا في غير الموسم يعني وهي فاضيه من السياح وكفايه الزحمه من ال60 مليون

السلام عليكم يااخوان
ودي ادلو بسطلي في هالموضوع
كيف حالك يالشعيبي ،، لسا فاكرني؟
عزيز النفس اذا كنت بتروح للقاهرة انصحك بماليزيا ولاتشاور ،، خذها مني انا
بس ارجوك حاول تخلي المدة اطول شوي ،، ياخي حرام تدفع تذاكر بأكثر من 5000 عشان خمسة او ستة ايام ،، لان السفر في الذهاب يبغى لك يوم وفي العودة يوم ماراح يصفى لك الا خمسة ايام
لكن نصيحتي رح انت والمدام وصدقني بتعيش احلى حياة بس انتبه من تسونامي خذ معك لساتك احتياط
وبالنسبة للمحجبات ماعندك اي مشكلة في هالموضوع ،، يعني خوذو راحتكم على الاخر

بس ابي اعرف وش فيه في مصر مع احترامي يستاهل الزياره . بتقولي الاهرامات .حتى الاقصر ماعندك وقت وتروحها. غير ياخي شوف حضاره غير حضارة بني يعرب
تحياتي واجازه سعيده

أخي الفاضل / عزيز النفس
أنا زرت القاهرة لظروف الدراسة
وأرى أن مصر غير مناسبة للسياحة إلا لمن هو محب للآثار ،
وأما التعامل غالبا ما تجد التعامل الطيب والظاهر انه من أجل البخشيش اللي يرجونه منك .
القاهرة زحمات وليس بها رقي عمراني نسبيا كما في الرياض أو جدة أو الخليج ، حتى النيل أشبهه بالوادي أيام السيل فليس كصفاء وجمال البحر .
يزعجك فيها كثرة التسول ، بل أحياناً تأخيرك في المطار أو غيره من الجهات الحكومية تلميحا لطلب البخشيش
مع علمي أن من رأيت لا يمثلون الشعب المصري ككل ، وأعلم أن هناك الكثير من المصريين على مستوى عال من الخلق ، ولكني وللآسف لم أواجه هذه النوعية في سفرتي .
أنا أحب القرى والريف ولم أزرها ولو زرت مصر ثانية فسوف أزور الأرياف فقد سمعت عن طيبتهم وكرمهم وحفاوتهم بالضيف وتعاملهم الجميل ، بالإضافة إلى البساطة والأراضي الزراعية والبيوت الشعبية ، فكلها تستهويني .
ولكني أشوف أن أسبوع واحد قليل على ماليزيا بسبب بعد المسافة واللي بتأخذ منك يومين تقريبا
تحياتي

الاخ / عزيز النفس
انا ما راح ازيد على الاخوان لانهم كفو ووفوا الا شي واحد
وهوأنه لما تروح لماليزيا ما تلقى احد يرفعلك وفخفخ فيك لما تحس نفسك ملكت الدنيا وهذا كله طبعا مهو لسواد عيونك إلا علشان لون فلوسك اللي بجيبك يعني الدول العربيه حقت السياحه من مصر وسوريا ولبنان إلخ كل اللي يتعاملون مع السياح يدور القرنقش وانا اذكر سافرت لسوريا وتخلفت مع راعي التاكسي علشان ليره ولما نزلني قام يسب السعوديه واللي فيها وهذا كله علشان ليره فما بالك لوكان ميه يمكن يذبحني والله اعلم
يعني بماليزيا تاخذ وضعك الطبيعي لا ترفيع ولا هم يحزنون
اخوك
ابو عشوان

بالتأكيد ماليزيا الأروع ولكن اسبوع قليلة جداً يبي لك اقل شىء 12 يوم اخوي
وربي يوفقكم

اخوي عزيز نفس .. الاخوان ما قصروا .. عطوك الزبدة ...
و ماليزيا افضل الف مرة من مصر ( مع حبي لمصر ) ..
لكن لي مداخلة بسيطة ....
المدة اللي ناوي تقضيها قليلة جدا .. و لا تصلح الا لمصر ..
واذا ما عندك الا هذا الاسبوع فروح مصر .. بس بشرط يكون
معك واح ساكن في الريف ( على الخط الزراعي ) بين القاهرة
والاسكندرية .. اكيد تعرف صديق مصري هناك .. وبعدها ابشر
بالخير تقضي لك اربع ايام او ثلاثة بالريف .. يفطروك افطار يحبه
قلبك .. و يغدوك غدا يحبه قلب قلبك .. والعشا برضه ..
ويوم واحد تطلع القاهرة صباحا و تخلصها في يوم و ترجع ..
و يوم واحد تروح الاسكندرية و تخلصها في يوم و ترجع ..
و اذا فيك حيل و تحب الاثار تروح اسوان و الاقصر ..
اما اذا تقدر تاخذ اقل شي ( المينيموم ) عشرة ايام .. و ياليت
اسبوعين فمالك الا ماليزيا .. وهي السياحة الحقيقية التي لن
تنساها طوال حياتك خصوصا وام العيال ( الله يحرسكم ) معاك ..
انا كنت اتمنى عرفت ماليزيا قبل ما يجو البزارين كان عسل
على كيفك .. بالنسبة للحجاب فالامر سيان عندهم .. ولا يوجد ما
يضايق المحجبات .. و قد رأينا الكثير من المحجبات ( الله يوفقهم )
والكثير من السافرات ( الله يوفقهم و يصلحهم ) مع مراعاة ان هناك
الكثير من العلماء يرون ان الوجه ليس بعورة ( نغطى وجه الحريم احسن)
و هو الاقوى والاحوط ...
التذاكر قد تكلفك في المتوسط 5000 ريال ... وقد تنقص او تزيد قليلا حسب
الموسم ... والاسعار هناك طبيعية .. والفنادق انت تشوفها هناك و تحط
الميزانية اللي تمشي معاك ... يعني خذ معك اقل شيء 12000 ريال و ذلك
لمدة اسبوعين .. ولاتنس تمر الاربع المدن الشهيرة ..
ابحث في تقارير الاخوان الاعضاء الافاضل عن ماليزيا و صورها .. واضمن
لك انك لن تذهب الى مصر ...
طيب ايش رايك في اندونيسيا ؟؟؟؟؟؟
تروح و تيجي بالسلامة يا عسل ...

اخونا الشعيبي
ماقصر
كفا ووفا
وانا اضم صوتي لصوته