الماريوت موقعه جيد جدا وان كنت لا أفضله لكثرة العرب..
Hilton vienna Danube بعيد جداً ،، لا يصلح
Aistrian trend أيضاً بعيد جداً ،، لا يصلح
nh Alterseehaus ما حصلت موقعه يا ليت لو تحط رابط

ما اقدر احد رابط لان مشاركاتي قليله هذا هو اسمه الصحيح nh atterseehaus hotel vienna
طيب وباقي الفنادق اقصد كابرون و سالزبورغ
بالاضافه الى راديسون بلو في سالزبورغ وش رايكم فيه

nh atterseehaus hotel vienna في شارع ماريا.. أحد افضل شوارع فيينا للتسوق والتمشية..
يبعد عن السنتر 2 كيلو تقريبا.. 25 دقيقة مشي.. ولكن الطريق ممتع
شخصيا أفضله عن الماريوت..
باقي المناطق لا أعلم فيها (:

حياك الله اخوي بريق الماس..
1- بالنسبة لفيينا الفنادق كثيرة ( يفضل انك تشوف القريب من ساحة ستيفن عشان ترتاح من المشاوير)
انا جربت في فيينا فندق الانتر وكان ممتاز جدا نظافة وتعامل وموقع .
بالنسبة للاماكن ساحة ستيفن وشارع المشاة اذا سكنت قريب منها بتروح لها اكثر من مرة في اليوم ومايحتاج تفرده بيوم لحاله
اما نهر الدانوب وبرج الدانوب وملاهي بلاتر خله بيوم لحاله عشان قريبن من بعض
واما قصر الشونبرون ومطل كالين بيرج خلهم بيوم لحاله .
2 - سالزبورغ فندق ( رمادا ) ممتاز بس يعيبه مواقف السيارات عنده قليلة لكن لاتشيل همها في مواقف مجانية بالقرب منها ( مع اني ماسكنت فيه .. لكن هذا راي واحد اعرفه)
انا سكنت في الميركيور ( لكن ماامدحه لك كان نوع ما سيء)
بالنسبة للاماكن نهر السالزاك وحديقة المرايبل والمدينة القديمة بيوم لحالهم
وقلعة سالزبورغ وبحيرة فوشل ام سي وبحيرة سانكت جيلجن وبحيرة وولف قانق في يوم لحالهم واذا اسعفك الوقت مر على قصر الهيلبرون.
وانت مسافر من سالزبورغ الى زيلامسي مر على بحيرة هالشتات ( لاتفوتها والا سوف تندم )
3 - زيلامسي وكابرون - فندق ( sonnblick ) سبق ان سكنت فيه وكان روعة ونظيف والاستقبال ودود
ومتوفر فيه مواقف للسيارات وتقيمي له 9/10 ولو برجع مرة اخرى لكابرون ماراح اسكن الا فيه..
بالنسبة للاماكن ( بما ان وقت ضيق في زيلامسي لابد تتختار المزارات بعناية ولاتحاول انك تروح لها كلها وتضيع متعة الاسترخاء والراحة في كابرون )
طبعا بحيرة زيلامسي تروح له في اي وقت مايحتاج تخصص لها يوم بحالها
يعني اليوم الاول خلها مرتفعات كابرون الثلجية والزحليقة الصيفية ( سالفدين )
اليوم الثاني شلال الوادي الضيق وشلالات الكرايمل
اليوم الثالث يوم المغادرة من كابرون يفضل ان يبقى تجول في المنطقة خاصة اذا كانت المغادة مبكرة..
اذا توفر معك وقت في اي يوم من الايام في زيلامسي قبل غروب الشمس انصحك بالذهاب الى هذا الكوفي خيالي واطلالة روعة
وتذكرني فيه وادعي لي يبعد عن كابرون مسافة 25 دقيقة تقريبا ( يستاهل العنوة )
هذا احداثياته :
N47 17.900
E012 25.225
في الختام اتمنى لك رحلة سعيدة وموفقة..

الله يعطيكم الف الف الف عافيه