حياك الله اخوي الحر
انت لما سلمتهم السياره .. شنو كانت الاجراءات
لانه الي اعرفه لما تسلمهم بيكشف عليها واحد وبيعطيك ورقه مخالصه وفيها مكتوب الاضرار وغيرها
انت شنو صار معاك؟

الي صار معي ياخوي على عند تسليم السيارة انه اخذ المفتاح وقال خلاص مع السلانه
وبعد اسبوع فكو الحجز عن البطاقة الائتمانية
ثم بعدها بدت مراسلاتهم بالايميل ,, حتى ارسلو امس تقرير بكام الاضرار والفواتير والمبلغ الخيالي
هذا الي صار
الان استفسر هل سيكون هناك عقبات في حال زيارة الاتحاد الاوربي مرة اخرى ,, او في استخراج الفيزا
او هل سيكون هناك مطالبة رسمية من قبلهم ,,
الحقيقة لااعلم ناهي اجراءتهم ,, والي عنده خبر ياليت ينورنا

حياك الله
يعني ما استلمت ورقه مخالصه منهم
اما بخصوص العقوبات توقع كل شي انصحك بمراجعة سفارتهم ببلدك ممكن تكون هناك تسويه معينه او تخفيض معين حتى لا تتعرض الى عقوبات مثلا منع الفيزا
ولك تحياتي

لما سلمت السيارة طلبت منهم clearance و اعطوك ورقة التسليم
و لا بس حطيت المفتاح و مشيت ؟

انا سلمت السيارة للمكتب والموظف سوى عليها التشييك النهائي واعطاني ورقة مخالصة وقال
روحوا لاهلكم الله يستر عليكم
وبعدها بدت المراسلات على الايميل

انا وقعت في اشكالية بسيطة مشابهه و اتصلت عليهم و حلت المشكلة خلال 24 ساعة بدون اي متابعة مني و فوقها اعتذار,
اقترح عليك الاتصال و عمل سكان لورقة المخالصة اللي معاك و ارسالها فاكس
بالنسبة للخدش حيخصموا من مبلغ التأمين "مبلغ بسيط" في حالة الخدش اما في حالة حادث كبير ( تشليح ) يخصموا مبلغ التأمين كامل في حالتي كان المبلغ 450 يورو
اما المبلغ اللي تقوله 5000 يورو هذا مقارب لقيمة سيارة جديدة

بالفعل انا اضم صوتي للاخوي ول دن ..
اتصل عليهم واستفسر منهم
وتحياتي لك

اخي لايوحد لهم حق ’’’’ عقد الايجار اكيد معك نسخه منه والسياره اكيد مؤمنه وما عليك سوى غرامه لاتتجاوز 1300 يورو في حال انك المخطي,, احتفظ بكل الاوراق وعن طريق مكتبهم في بلدك حاول تراسلهم بس اتاكد من العقد

1. السلام عليكم


2. انا صارت معي نفس المشكلة بس مع شركة يورب كار

.
.
.

السلام عليكم

انا صارت معي نفس المشكلة بس مع شركة يورب كار

حجزت سيارة بأسمي على اساس اخذها من المطار ، و الامور كانت كويسة وصلت و لما رحت ليورب كار في مطار ميونخ الموظف جلس مستغرب يشوف شو السالفة قالي عليك منع انك تستاجر سيارة ، و بعد عدة استفسارات قالي ما اقدر افيدك لازم تراجع المكتب الرئيسي في هامبورج و الحين مش فاتحين انتظر لغاية الصبح .. طبعا هذا الكلام كان 6 المسا ، ثاني يوم رحت لمكتب يورب كار اللي اتعامل وياهم دايما ، و بعدة ساعات من الاسئلة و الاتصالات قالي انت عملت حادث بالسيارة و عليك مبلغ 1000 يورو لازم تدفعه .. الحادث صاير في شهر يونيو ، و انا رجعت من ميونخ في شهر سبتمبر و رجعت سافرت شهر اكتوبر .. وين كانوا طول هالمدة ؟؟؟؟؟
كلمت المكتب الرئيسي قالوا لي و الله احنا ارسلنا لك رسايل على البريد العادي في بلادك !!!!! ، هنا انا طلع ضغطي قلت لها يعني رقم تلفوني و بريدي الألكتروني مسجل عندكم ترسلون لي على البريد العادي ليش .. شو هالأسلوب القديم ، قالت و الله احنا ما نتصل تلفونات حق احد ، المشكلة اني حاولت اخلي صديقي اللي مسافر وياي يستاجر ، قالوا ما نقدر نأجره و نعرف انك انت في السيارة !!!!! ، قلت لهم اول شي لما استلمتوا السيارة الموظف ما قالي فيه شي مع انه شافها من كل الجوانب ، ثانياً بطاقة الائتمان عندكم و فيها مبلغ ليش ما اخذتوا منها ؟ ثالث شي انا لما اخذت السيارة ماخذها تامين شامل .. ممكن اعرف شو يعني التأمين الشامل عندكم ؟ .. رابع شي هذا ما كان " حادث " هذا كان خدش بسيط ما يكلف 200 درهم و كنت مفتكر بتاخذونه من التأمين .. المهم الموظفه ما تعرف انجليزي و انا المانيتي مش ذاك الزود فسكرت الموضوع و قلت اتفاهم وياهم بطريقتي الخاصة بعدين !!
بصراحة رفعوا ضغطي و ما دفعت لهم للحين و الله يستر في السفرة الجاية
.
.
.