engkhadkhad
27-08-2022 - 03:50 am
اول مره بحياتي ازور لبنان !! استغربت هالدوله وماتوقعتها بهالجمال !! ياناس ليش اسافر الى اوروبا وانا عندي اوروبا الشرق التي تبعد فقط عن الكويت ساعتين ونص ويمكن اقل ... كل شي فيها حلو الطبيعه, الهوا, النسيم العليل, الاسواق, اغاني فيروز بكل مكان وال اخره من الامور الحلوة
من الطرائف الي حدثت لي في بحمدون قبل 3 ايام ,, قاعدة اتمشى والناس تارسين المكان الخليجيين كبار وصغار نساء ورجال شياب وشبان ... مره وحده ماسمعنا الا اطلاق نار وصراخ والناس تركض ووتتخبى بالمحلات والشرطه تطلق نار وا ااي قلت يارب ساعدني اول مره ازور لبنان مابي اموت هناك بالحرب ابي اشوف اهلي ابي ارجع الكويت واموت بديرتي وبعد نصف ساعه تقريبا الشرطه هدوا الوضع والسالفه طلعت ( هوشه بين شابين على سالفه تافهه وقام واحد منهم باطلاق النار على الثاني وصارت هوشه ومات واحد لبناني واصابات طفيفه والشرطه قامت باللازم ) .... وثاني يوم رجعت الاوضاع طبيعيه جدا وكل شي تمام وما اقول الا الحمدالله على السلامه لجميع من كانوا في بحمدون في هذاك اليوم
تحياتي