وعليكم السلام اخوي ...
اتوقع مافيها شي اخوي ...
لاني حسب مافهمت من بعض الاخوة والاخوات ..
اللبس هذا يلبسونه بعض الاخوات الخليجيات ....
ومافيها شي ..
هو صج راح تتلعوز ضوي ... بسبب انه الشعب الصيني فضولي ..
وعادي .. تتوقع انهم يبحلقون في زوجتك ...
مستغربين من اللبس ...
والعادة .. الشعب الصيني ... شعب في حاله ...
كافي خيره شره ...
لو تشوفهم وقت الصبح شلون يطلعون من بيوتهم الى أعمالهم ..
يمشون .. وكأنه كل واحد شايل فوق ظهره .. جبل من الهموم ....
يعطيك العافية ....

الله يعطييك العافيه اخوي ولاتقصر ...ودي بعد لو احد جرب ويفتيني يعني اكون له ممنون ..

الحمد لله انا سافرت اكثر من مرة الى كوانزو وكانت زوجتي ترتدي الحجاب والعباءة الشرعية في كل مرة ولم اجد اي متاعب ولكن !!!!!!!!!
عيون الصينيين تكاد ان تسقط من مكانها .......... وهذا الشي طبيعي بالنسبة لشعب لا يعرف العرب او الاسلام بصورة وافيه وكافية
لا تعيرهم اي انتباه وسوف تكون امورك طبيعية باذن الله
في اول رحلة كان معاي في القروب اكثر من امرأة ومنهم النقاب والحمد لله الشي طبيعي
توكل على الله

الرمز الراحل
السلام عليكم
توكل عالله وروح والله تستاهل يا ليتها قريبه رحنا عالقطريه المسافه بعيده وايد انصحك بالدرجه الاولي المسافه ارهاق وتعب وايد اكثر من تسع ساعات طيران تقريبا من قطر لي شنغهاي اذا كانت بداية رحلتكم المقاعد العاديه بتضيع عليك حلاوة السفره اما عن اللباس الشرعي ما في اي احراج يحترمون الناس ومالهم شغل انا رحت اكثر من مره والعرب عندهم صار شي عادي ما يلفتون الانظار شفت عوائل بلباس شرعي الحجاب والنقاب والمونتو الاسود كله اسود باسود يتنقلون بكل حريه بالفندق والمنتزهات والحدائق والمعابد والاسواق ما في اي مشكله شعب ودود ولطيف
ما يضايق السواح.

وعليكم السلام ورحمة الله
الصينيون يقزون الاجانب بعيونهم كأنهم من كوكب اخر ولكنهم شعب طيب جدا جدا.
في جوانزوا رايت اكثر من منقبه, والله شئ يسر الخاطر
رحلة موفقه

الله يعطيكم العافيه جميعا.....

السلام عليكم ورحمه الله وبركاته
تحيه لك اخوي
اما بخصوص اللباس الشرعي فما علية اي مشكله لاني سافرت مه اهلي وكان عادي يعني لا اتحاتي من هذا الشي ويوكل على الله وتحياتي لك .

اخوي الحجاب الشرعي هو كل ما ستر عورة المرأه بدون التقيد بزي او لون معين في الشرع
يعني العباية بتصميمها ولونها هي عرف اجتماعي في منطقتنا الخليجيه
وحتى لاتثير فضول الناس في الصين او اي بلد اخر بزي العباية الغريب جدا عن مجتمعهم ويصبح الحجاب مثار فضول بدل ان يكون للحشمه فأنصحك بالحجاب الشرعي السائد في البلد اللي انت رايح له غطاء راس ونقاب وملابس فضفاضه تستر جميع الجسم
يعني هل المسلمات المتحجبات في العالم كله خارج الخليج ،،
هل لمجرد انهم ما يلبسوا عباية سوده اصبحوا متبرجات وغير متحجبات ؟؟؟
والمثل يقول { دارهم ما دمت في دارهم ) وصدقني ماراح ينقص من حجاب المرأة شي لو تحجبت بما هو مساير للمتحجبات في البلد اللي هي زاريته ولكن العكس صحيح فربما كان مردود الحجاب الغير مألوف مثار فضول ومضايقات ما لها داعي

اسعد الله ايامك اخوي
توكل على الله من ناحية اللبس الشرعي انا سافرت مع الاهل بكامل البس الشرعي
بالعكس اهم هناك العض منهم يستفسر عن اللبس هذا ونقول لهم هذا لبس الاسلام
والمرأ ماتنكشف الا عند زوجها وفي منهم بنت طلبت منا اللبس هذا وفعلا لبسته
ولحد الان لابسه اللبس ولله الحمد دخلت دين الاسلام واهي موجوده بالدور الرابع
في عمارة الطونشا طاسه وسجادتها ماتفارقها ودايمن تصلي وماطوفها الفروض
علما بان السفره الثانيه مولتها بالكتب المترجمه الصينيه تعريف بالاسلام وتعليم الصلاة
وقرآن باللغه الصينيه
وانتبه من الفنادق في فنادق نظيفه واغلب الفنادق هناك تلقي فيها البارات والمراقص
الديسكو
ولاكن انصحك بفندق اكاديميك فندق نضيف وسعره حلو وماتلقى فيه الخرابيط
عائلي 100% ولاي استفسار انا حاظر

• * يمنع كتابة الإيميلات والأرقام الشخصية **

BeeBoo
وممكن افيدك بشخص هناك يخاف الله وعلى ثقه تعاملة اكثر من مره
ونصوح ومتمكن من الاسواق ونبيه وايميلي موجود والله يحييك
وتقبلو تحيات اخوكم الصواغ