اختي في مكاتب سياحية في باريس انا تعاملت معهم يودونك لكل الاماكن الي في باريس ، و يودونك رحلات الى لندن او بروج في بلجيكا ليوم واحد و ترجعين في نفس اليوم ، و عندهم رحلات للريف الفرنسي ، و الجزر الفرنسية مثل سانت ميشيل و غيرها .. و طبعا عندهم رحلات لديزني ، و ممكن يجونك للفندق و يرجعونك مرة ثانية ، او انتي تروحين لمقر الشركة في شارع ريفولي عند اللوفر ، و عندهم خدمة الرحلات الخاصة اذا كان عددكم كبير ، او رحلات مع مجموعة ، طبعا في مرشدين يتكلمون اللغة الانجليزية ..
انا رحت معهم فيرساي ، و كنت حاجزة معهم بروج ، بس ما قدرت اروح ..
شوفي رابطهم http://www.parisvision.com

سيريمجيو ,,,,,,,,,, مشكوره ياقلبي طول عمرج فيج الخير ماتخلين حد يحاتي ماشالله عليج ,,
بس بسألج هااي الشركه اذا رحت فرنسا اروح لهم ؟؟ والا من الحين احجز جدول الرحلات ؟؟ ويصير احجزهم بس لعايلتي ؟؟ للعلم عددنا 7 اشخاص 4 كبار و3 صغار ؟؟؟
واسمحيلي يالغاليه على اسئلتي ..

صباح النور،
مرحبا بالدلوعه، شركه باريس فيزيون الي نوهت لها اختنا سريمجيو بتنظم رحلات جماعيه يعني ما ينظمون رحله خاصه فيكمانتم بروحكم، يعني مو مثل ما تبين انتي...
افضل شي تاجرون سياره و يكون معاكم جي بي اس...و تطلعون اي وقت تبونه...
فيه بعض العرب هنا عندهم سيارات كبيره و يشتغلون سواق بسيارته و يكون على ذمتكم كامل اليوم، هذا حل بعد...
بعد 15 يوم اكون في الدوحه حبيبه قلبي...ان شاء الله الطقس يكون حلو...
اسعد الله يومك.

يامرحبا يابو مالك والحمدلله على سلامتك ,,,,
ننتظرك فالخليج بأي مكان نتقابل ونتمنى أن تكون للكويت نصيب من زيارتكم الميمونة

abofawaz
الله يحييك الغالي اكيد و لي الشرف و الله...مكان فيه الغالي بو فواز هو عزيز علي و الله.

لايق علي الدلع
هلابك اختي ، الشركة اغلب رحلاتها جماعية ، بس في بعض الرحلات ممكن يخلونها خاصة اذا كان العدد كبير ، الافضل انك تكلمينهم اذا تبين تستفسرين عن الرحلات الخاصة لانها مو موجودة على النت ، انا كلمتهم قبل ما احجز و تاكدت من كل التفاصيل و بعد كذا حجزت من النت من قبل ما اوصل باريس ..
اذا معك اطفال ما انصحك برحلة قصر فيرساي ابدا ، لان مدتها تقريبا 8 ساعات تزورين 3 قصور والحديقة والمزرعة مع غداء ، بس المشي فيها متعب جدا للاطفال و ماراح ينبسطون ابد ..
عموما هذا موقعهم في باريس
مكتب شركة Paris Vision السياحية
شارع Rue De Rivoli
من محطة Esplanade La Defense تاخذ الميترو رقم 1 باتجاه محطة Chateau de Vincennes و النزول يكون في محطة Tuileries و منها مشي دقيقتين الى مقر الشركة
و هذا رقمهم : 0033142603001
و اذا ما عجبك عرضهم في شركة ثانية اسمها city rama هذا موقعهم http://www.cityrama.com بس للامانة انا ما جربتهم ..
بالتوفيق ان شاء الله و اي استفسار انا حاضرة

Abu Malek1
باهلا وغلا فيك في الدوحه اذا ماشالتك عيونا لك اوسع من الدار ........... ولازم تقولي عشان اقوم بواجب الضيافه لاتقول ماقلت لك

sereemjio
شارع rue de rivoli
من محطة esplanade la defense تاخذ الميترو رقم 1 باتجاه محطة chateau de vincennes و النزول يكون في محطة tuileries و منها مشي دقيقتين الى مقر الشركة
و هذا رقمهم : 0033142603001
و اذا ما عجبك عرضهم في شركة ثانية اسمها city rama هذا موقعهم http://www.cityrama.com بس للامانة انا ما جربتهم ..
بالتوفيق ان شاء الله و اي استفسار انا حاضرة
ربي يحفظج ماتقصرين والله ...... يمناج الجنه

السلام عليكم
هل جربتوا القطريه للعطلات