اخوي احس جدولك مو مرتب ..
يبغالك تجمع افكارك ولا تتوة نفسك مع كثرة التقارير والمعلومات الي في المنتديات ..
اذا سفرتكم ماهي قريبة ومنت مستعجل يبغالك وقت تقرا وتتعرف على المكان الي بتروح لة ..
الاطلاع والقراءة نصف المعرفة ..
واهم شي دوّن ملاحظاتك ب نوتة خاصة في هالرحلة ..
موفق اخوي ..
( سويسرا نبضي )

تستطيع معرفة الإحداثيات الخاصة بالفندق
بالإطلاع على رسالة تأكيد الحجز التي وردت على اميلك او من موقع بوكينق تجدها في آخر الصفحة

راح اعطيك اقتراح وانت تستطيع ان تجعله الخطوة الاولى وتعيد وتزيد عليه
من جنيف
1- مدينة انسي الفرنسيه 60 ك عن جنيف
ويوم خله لجنيف النافورة والحدييقه والاسواق
لوزان
1- من لوزان لمصنع الشوكلاته ومصنع الجبن وقلعة غرير اذا امكن
اليوم الثاني
رح لمنترو مع الاستمتاع بلوزان وبحيرتها
انترلكن
1- بلوسي + اوشن سي بالنسبه لي راح اخلي يوم كامل للاوشن سي
2- هاردركلم والخانق الكبير
3- قمة تتلس + لوزيرن
4- تروميل باخ + متحف بليرغ
5- قرية وينجن + قرية قريندلاوود
فيه شارع وسط انترلكن شف اي وقت فاضي فيه وتمش فيه مطاعم ومحلات
اخوي لم يسبق لي الذهاب والجدول المقترح من خلال قرائتي وطلبك للمسافات القصيرة فحبيت اعطيك اول الخيط وانت كمل على اللي يناسبك
شلالات الراين ع حسب ماسمعت انها بعيده اكثر من 200ك من انترلكن وساذهب اليها ان شاء الله لاني انوي الذهاب لستراسبورق
تحياتي يالغالي وهذا اللي عندي واعذرني على القصور واذا فيه اخطاء ياليت الاخوان يعدلون.

معليش اخووي صاحب الموضوع
حسب طلبك للاحداثيات، انت بتستأجر سيارة في سويسرا
تنصحني استأجر سيارة ؟

أخوي الموضوع مايستاهل تحميل النفس هم ,,
الموضوع سياحة وترويح عن النفس وخروج عن الروتين ،، مو من معايير نجاح الرحلة زيارة كل الأماكن التي انكتب عنها ولا حتى زيارة كل الأماكن اللي ودك بزيارتها ،، زيارة القدر الكافي بدون إرهاق وترك مجال للنفس تتوه شوي في أجمل بقاع الأرض تكفي لنجاح السفرة ,,
حسب كلامك ماحددت مطار الوصول والمغادرة لأنها تفيد كثير في تحديد تسلسل محطات الرحلة ،، ولاحددت مدة الرحلة ،، عشان تلاقي أحد ممكن يشاركك التخطيط أو يشور عليك ...
بس لاحظت إنك مخطط تسكن في جنيف وفي لوزان ،، وهذا أشوفه مو صح لأن الثنتين جنب بعض ,,
بالنسبة
للإحداثيات :
جنيف رمادا : فيه إثنين واحد عند الملعب والثاني ورا النوجا هلتون . حدد أيهم
starling لوزان : في بوكينج ماحصلت بس اذا هو بشارع جنيف هذي إحداثياته (n 46 31 17 8 e 006 37 44 0)
artos انترلكن : (n 46 41 07 0 e 007 52 01 4)
وبالتوفيق ،،،

اشكركم جميعا وما قصرتوا
أولا : مطار الوصول جنيف وكذلك المغادرة
انا ناوي اطلع من جنيف على طول لوزان واسكن فيها يومين ومنها ازور مونترو وقمة تتلس
في انترلاكن ناوي ازور ( يوم لشلالات تروميل باخ...........) ويوم البحيرتين ومعها ثون
يوم المطل
يوم لوزيرن ولوقانو كومو
شلالات الرين من أي المدن اقرب جنيف او انترلاكن أو لوزان انا مو رايح لزيورخ
شكرا رحلة الشتاء على الاحداثيات الله يجزاك خير

حياك أخوي ولاشكر على واجب ،،
قمة تتلس تروح لها من انترلكن ,, وشلالات الراين أقرب من انترلكن ،، بس حط ف بالك ترا يمقن تاخذ المشوار أكثر من ساعتين ون وي وكمان لوجانو وكومو تقريبا نفس المسافة والوقت أو زيادة شوي ..
إذا تبي رأيي دام الذهاب والعودة من جنيف تخلي برنامج لوزان وجنيف آخر الرحلة قبل السفر لأن المسافات بينهم بسيطة ،، أول ماتوصل جنيف اطلع دايركت على انترلكن وانتشر هناك بئه ..
بالتوفيق ..