FSOLY
17-12-2022 - 10:21 am
تكفون .. انا مخطط شهر كامل لأوربا.. ابي شوركم يا رجال .. والله مالقيت احد يفيدني حتى المكاتب السياحيه.. قسم بالله اني مخطط للرحله ذي من سنه بالضبط .. لاتحطموني
شهر بأوربا لاكن وين ... ما ادري ابي خطه حلوه حنا عائله 7اشخاص 5 كبار و 2 صغار
انا بصراحه ودي .. فرنسا و سويسرا و النمسا و ايش؟؟ مدري اروح ايطاليا يومين و لا ميونخ ولا وين ؟
ابي خطه حلوه منكم بحيث اني ابدا من فرنسا..
يعني مثلا 5 ايمام باريس و 3 ايام بمنطقه جنب باريس تستاهل الزياره و 5 ايام بانترلاكن و 5 ايام بجنيف و و و و و ...
زي كذا و انتو ابخص
انا بأتضاركم...........
انت قلت يارجال يعني مااقدر اساعدك....
لا امزح انا بقولك رايي
انا اقول ماتبدا من فرنسا لانه فرنسا مسوين تغيرات على الفيزا طبعاً المكاتب ماتطلع لك فيزا لفرنسا لانه دايم تنرفض وهالسنه فرنسا حاطين شرط جديد انك لو طلعت الفيزا من غير فرنسا لازم ماتنزل في فرنسا في البدايه لازم تجلس بالمنطقه اللي طلعت منها الفيزا 3 ايام ثمن تجي لفرنسا يعني غير العام الماضي تقدر تطلع من اي مكان شنغن وتجي بعدها لفرنسا.....
اما اقتراحي انك تجي في فينا اول وتجلس ابو 3 ايام وبعدها من فينا الى زلامسي وتجلس فيها اربع ايام زلامسي جداً رائعه........
فينسيا قريبه من زلامسي بالسياره ابو 3 ساعات ونص انصحك تروح فينسا يومين....
المرحله الثانيه تروح انترلاكن في سويسرا وتجلس ست ايام وتدور حوالين المناطق اللي عندها ومن بعد انترلاكن تروح لمنترو او ديفون وتطول فيها يعني عشره ايام ومنها تزورون المناطق اللي حواليها....
ومن بعدها لباريس بس باريس ماتجلس فيها اكثر من سته ايام لانها تكفيها ومن باريس تقدر تطلع لديزني لاند بنفس اليوم وترجع.....
واقرى التقارير القديمه حقت الاعضا راح تفيدك كثير....
واي سوال انا جاهزه