اهلين اخوي
انت قلت يارجال يعني مااقدر اساعدك....
لا امزح انا بقولك رايي
انا اقول ماتبدا من فرنسا لانه فرنسا مسوين تغيرات على الفيزا طبعاً المكاتب ماتطلع لك فيزا لفرنسا لانه دايم تنرفض وهالسنه فرنسا حاطين شرط جديد انك لو طلعت الفيزا من غير فرنسا لازم ماتنزل في فرنسا في البدايه لازم تجلس بالمنطقه اللي طلعت منها الفيزا 3 ايام ثمن تجي لفرنسا يعني غير العام الماضي تقدر تطلع من اي مكان شنغن وتجي بعدها لفرنسا.....
اما اقتراحي انك تجي في فينا اول وتجلس ابو 3 ايام وبعدها من فينا الى زلامسي وتجلس فيها اربع ايام زلامسي جداً رائعه........
فينسيا قريبه من زلامسي بالسياره ابو 3 ساعات ونص انصحك تروح فينسا يومين....
المرحله الثانيه تروح انترلاكن في سويسرا وتجلس ست ايام وتدور حوالين المناطق اللي عندها ومن بعد انترلاكن تروح لمنترو او ديفون وتطول فيها يعني عشره ايام ومنها تزورون المناطق اللي حواليها....
ومن بعدها لباريس بس باريس ماتجلس فيها اكثر من سته ايام لانها تكفيها ومن باريس تقدر تطلع لديزني لاند بنفس اليوم وترجع.....
واقرى التقارير القديمه حقت الاعضا راح تفيدك كثير....
واي سوال انا جاهزه

أخت جواهر احنا مطلعين الفيزا من ايطاليا السنه الماضيه شنجن طبعا لمدة سنه يعني تنتهي هالسنه وهالسنه ناوين ان شالله نروح فيها بس مو لايطاليا لاا لفرنسا ننزل فيها أول ف شلون مانقدر ندخل فيها؟؟ والا اييش؟؟

أخوي fsoly وش رايك تخليها 5 أيام في باريس (مع اني ماحب باريس) و3 أيام السكن في ديزني(يومين لديزني ويوم للآوت ليت القريب منها) بعدها تنزل اسبوع لجنيف وضواحيها(السكن في ديفوون) ومنها لانترلاكن وضواحيها 5 أيام بعدين زيلامسي 5 أيام ومنها لميلانو 5 أيام (بحيث يوم لفنيسيا تروح وترجع في نفس اليوم طبعا يوم لكومو نفس الشي يوم لوقانو يومين لميلانو تسوق)
عاد التفاصيل الدقيقه ارجع للتقارير واختار اللي تحب ورحله موفقه ان شالله

M!dehar
انا لما جيت اطلع فيزا هالسنه قالي راعي المكتب الكلام اللي قلته عن الفيزا...

****الله يعطيكم العافيه .. بس عدي استفسار..

• *الغريبه انكم ماجبتو طاري جنيف وقلتولي .. ديفون . غريبه وشي ديفون ذي؟ تغني عن جنيف .. و العجيب انكم عطيتوها 10 ايام ليش؟
• *اما المشوار من زيلامسي الى فينيسيا .. اروحله بالقطار او الميترو عادي..؟
• *وش الأماكن الي حول انترلاكن و تستحق الزياره؟
• *استغربت من شي بعد .. فينا 3 ايام بس .. ليش؟

والله تبي النصيحة اول شي فكر بالسيارة لان عددكم سبعة لان اوربا احلى مافيها التنقل بالسيارة متعه مابعدها متعة هاذا عن تجربة وليس كلام فاضي ........واذا عرفت خطوط طيرانك اقولك وين اطب ومنوين المغادرة ................اتمنى لك التوفيق

كل الخطط التي اوردها الاعضاء ممتازه بشرط ان تستأجر سياره (فان ) مع نفيقيشن سستم لان عددكم ماشاء الله كبير تخيل زعبلة الشنط والتنطط من قطار للثاني وخصوصا في تبديل القطارات والله ان تكرة السفره كلها وبعدين ديفون بالذات اذا ما تاخذ سياره تقودها بنفسك ابعد النظر عنها حسب توجيهات ملك بوابة سويسرا هي تبعد تقريبا 15 ميل عن جنيف وتقع بالاراضي الفرنسيه وارخص من جنيف بالسكن
نجاح رحلتك مربوط بالسياره !!!!!!!!!!!!

كل العالم ميتروات.... وباصات و غيرها.. ياناس السياره احس انها صعبه.. يعني مثلا.
اول ما انزل من الطياره و اطلع من المطار بتكون السياره جاهزه و تنتضرني.. بالله بهالحضه انا شلون بمشي . ديره اول مره اطبها والفندق مدري وينه و انا اصلا مدري ويني فيه شلون دبرتو عماركم انتو؟؟
وممن وين اجرتو السياره؟
الما الخطوط بتكون اشالله الأتحاد او القطريه يعني البدايه باريس و النهايه فينا