Qassi Al-Sebiaee
23-10-2022 - 09:59 pm
السلام عليكم و رحمة الله وبركاتة
هذي اول مشاره لي
ان شاء الله رايح ل كوانزو في 27 نوفمبر
يعني بعد اسبوعين ان الله شاء وسهل الامر
والله اني رايح لا حجزت فندق ولاشي
احب المغامره
الرحله على الخطوط الاماراتيه
من الرياض إلى دبي إلى هونج كونج
ما عمري رحت ل ذا الديره ولا للصين
الفيزا خلصت ومعي اثنين موظفين اجانب
ولا ادري وش قدامي ولا وش بقابل
ولا ادري كيف بوصل كوانزو من هونج كونج
بس اللي اعرفه انها قريبه من بعض
عاد ودي استشيركم في بعض الامور
1- ناوي اقضي يوم في هونج كونج وسعت صدر وتمشيه .. مب كلها بس اهم المواقع نصيحتكم ؟
2- كيف اطلع ل كوانزو ؟ وكم التكلفه ؟
3- اول ما اوصل كوانزو .. قريت عن فنادق كثير .. ابي فندق عند المطاعم العربيه وقريب من الاسواق .. ولا يصير خمس نجوم .. ابي فندق 3 نجوم . وان غلبت الروم 4 نجوم .. كم بتكلف لليوم بالريال ؟
4- انا رايح ان شاء الله علشان كم شغله محدده .. بإذن الله ان لقيتها . ادفع للشركه هذي كاش واتفق مع شركه ثانيه ترسلها للسعوديه !!! ولا كيف الطريقه ؟؟
شكرآ وجزاكم الله خير
انتظركم لا تبطون علي
كل الاخوان الموجودين في المنتدى قمة في التعاون
الله يعطيهم العافيه
ما راح يصيرون احسن مني
بإذن الله راح اوافيكم بكل شي يمر علي في ذا الرحله