مساء الخير جميعا....
ياناس انا احترت انا رايح ادرس برا بمشيئة الله وبعد طول حيرة ومشاورة اخيرا رسيت على ميولي الاول امريكا وآه ياامريكا وقبل ماقدم على الفيزا .....
انواع اللخبطة اللي يقولك ديرة انت متهم فيها لين تثبت برائتك شلك فيها واللي يقول الداخل لها مفقود والخارج منها مولود واللي يقول هالحين ضيقوا على السعوديين شلون بتعيش فيها خمس سنوات ودقي يامزيكا
اللي ينصحني بكندا واللي يقول استراليا هاه والله ماهي شينة
بس ياخي امريكا غير بس اسمها يطربني
بصراحة ومن الاخوان اللي مجربين اكيد ان امريكا اللحين مو زي اول هذا شي طبيعي بس هل هي لدرجة تجعل الانسان يصرف النظر عن الدراسة فيها
- انا انسان اجتماعي واكره الوحدة هل يمككني ان اكون صداقات هناك (امريكان) من خلال الجامعة وهل يوجد طلبة سعوديين هناك
- هل فيه فعلا حوادث عنصرية او مضايقات
- ارجوكم جاوبوني بكلام مفصل ودقيق وخصوصا من الاخوان اسد بن ربيعة ابو عمر بنت الصقور ولايهونون الباقين
شوف أنا من الطلاب اللي عاشو فترة ما قبل سبتمبر 2001 و بعدها و الحين أخر فصل لي .. زين ادعولي الحياة نفسها و لا تغير علينا أي شي .. الأمريكان تعاملهم ويانا ما تغير أبد و هم طبيعتهم في التعامل وحدة مع الجميع ما عندهم عنصرية موب نفس الاوربيين طبعا أنا أرمس ( أتكلم لانك موب اماراتي ) عن الشعب .. أما الحكومة فعانينا منهم في المطارات بس الحين الإجراات واايد أسهل .. المختصر خلك ماشي صح ( سيده ) و ابعد عن الشبهات بتعيش مرتاح و لا حد بيكلمك
بكل سهولة بتكون صداقات مع الأمريكان أما عن شباب الخليج و السعودية فيا كثرهم و عندي في جامعتي موب كثيرين بس مرتاحين و لا حد ضايقهم
بس إذا تبي نصيحة من أخوك .. ابعد عن المناطق اللي يكثروا فيها العرب و الخليجيين :x1:
و أنا في الخدمة لأي استفسار
look عاشق أورلاندو look