وعليكم السلام ورحمة الله
الحمد لله على السلامة يا البو a la bo
والسعوديه تنطق sha te a la bo
اما ما تدري ايش اسم الفندق !!!
خذ كرته لا تضيع ههه

اهلين . . الحمدلله . . احد عطاني وجه . . توقعت اني شفاف محد يشوفني . . ههه . . حياك ياصديقي . . بالنسبة بخصوص اسم الفندق . . ماخذ معاي تقريبا عشرة كروت وموزعها اللي في مخباي واللي بالشنطة الصغيرة . . كله عشان لو ضعت بس اعطي راعي التاكسي الكرت وهو يوصلني . . والفندق صار اسمه . . Hong Qiao Hotel . . فندق ابوكلب . . لكن سعره مره رخيص خصوصا انه وقت المعرض والفنادق كلها فل . . وكمان هذا تلفون الفندق 13560167388 وحده اسمها ماريا . . هي اللي بس تتكلم انجليزي وعلى فكرة هي مديرة الفندق . . للي يبي يحجز . . للفايدة , وانا مالي دخل . . ههه . . لااحد يقول لي بعيد عن المعرض . . وهذا العنوان . . NO.104,LIWAN ROAD,GUANGZHOU.CHINA وبالتوفيق للجميع . . وطبعا انا اروح المعرض عن طريق الاندرقراوند الى المعرض ذهاب ب5رومببي وعودة ب5رومببي . . اتمنى لا احد يضحك علي . . ترا هذا اول يوم . .

هلا والله
والله شي طيب تستخدم الميترو ( اسمة بالصيني di tie ) يا اخي ما يخالف مو لازم نكون بالفنادق الى قالوا عنها الاخوان بس المشكله اذا كان الفندق مثل ما قلت ابو كلب ما ينفع ابدا ريحة وعدم نظافة ، شارع لي وان يوجد عليه كثير من الفنادق وعليه سوق الحقائب وبالتوفيق

الله يسعد امك ياشيخ . . اقسم بالله انك شنب . . احلا بوسه على الراس . . انت الوحيد اللي حاس فيني . .

الحمدالله ع سلامتك أخوي
ممتاز قدرت تدبر أمورك من أول يوم
الله يوفقك ان شاءالله ..
اختك الشوق

يامعود ذكرتني اول يوم اطب فيها للصين وجاني الم الفقرات وابن امه يفهم انجليزي ولا عربي ولا حتى مغولي
وتجمعوا ثلاثه بالصيدليه طبيب وثنتين طبيبات وااشر لهم على ظهري واسوي حركات مريض .. يا اخي لو تأشر لاعمى كان فهم والاخوان مو راضين يفهمون .. حتى كلمه اي مو راضين يفهموها .. اجل لو واحد عطى الثاني كف شلون يقول اي !!!!!!!!!!!
المهم ثبت مع ماريا تعلمك كم كلمه صيني ( شكلها هي اللي بتتعلم عربي
)
ودابا نبغي اخبار مزيانه خويا

alshoug
هلا وغلا بالشوق . . والله لو احد يشوفني ليموت على من الضحك . . ههه . . قالت ايش . . قالت مدبر اموري. . . ههه . . والله ما غير ادرعم مع العالم . . وعلى عماها. . ويدلك على الدجه اللي فيني ما احب امشي في الرصيف الا على البلاطه حقت المعاقين . . خ. . . احس انها جايه معاي صح . . . لكن الله هو اللي ميسر اموري . . وهذا انا عايش في المعمعه . . لكن . . هذي متعة طاش ما طاش . . تعيش القصة بنفسك . . . ههه . . نورتي . . موضوعي . .

الساموراي جاك...
يسعد مساك
ان شاءالله طالع الصين يوم 23/4/2011 للمرة الرابعة وبطلع ان شاء الله على شنزن يومين لأخلص شغل وبعدها ان شاء الله بنزل كوانزو .. ان شاء الله أتشرف اقابلك ,,
بالتوفيق ان شاء الله

اخوي الساموراي ارجو موافاتنا باخر الاخبار تراني متابع لرحلتك
وبالتوفيق يارب