وعليكم السلام ورحمة الله وبركاته
أخي الكريم والله مدري إذا الموقع اللي ذكرته مضمون أو لا...
لكن ترا بالذات فندق فرست ورلد لاتحاول تدور حجز في الويكند ومعروف في الويكند زحمة ماليزيين وصينيين وانت تقول 29/9/2011 يعني يوم الخميس وبتطلع يوم السبت ماعتقد بتحصل
على العموم حاول تقلب وتعدل في جدولك وحاول تكون جينتينج يوم الأثنين إلى الأربعاء ابحث في اقودا يوم 26/9/2011 لمدة ليلتين وراح تحصل عروض كثيرة وغرف متوفرة
فهمت الفكرة؟؟
بالتوفيق

بالعكس يالغالي
الويكند عندهم سبت واحد
وانا ابغى خميس وجمعه
وما اقدر اغير لان حجزت الطيران وكل شي بس باقي لنكاوي الفندق .. وجنتنق
معقول فندق فيه 6000 الاف غرفه ما القى لي فيه مكان وانا بحجز قبلها باربعه شهور !!
في انتظار الخبراء الباقين ..
ماجد الفهد ووافي والمغادرون وزوزو والنهر الجاري و و و الخ ..

الأخ الحبيب ( مهتم )
الفترة اللي أنت حاجز فيها ( فل ) ... ومافي أمكانية في الفيرست وورلد ..
أنا بحثت لك عن أكثر من موقع ... وتطلع نفس النتيجة ( مافي أمكانية )
الحل من وجهة نظري الخاصة :
إنك تحجز الفندق من أي مكتب سياحي ... لأنهم عندهم وكلاء في كل مكان ويدبرون لك حجز من تحت الأرض
وأختر غرفة ( وورلد كلوب ) سعرها بحدود ( 350 ريال سعودي في الليلة ) حاول لايأخذون أكثر من هذا السعر ...
وافي بزمن جافي

المشكله ياوافي مو بس هالفتره
كل الفترات كذا
ولا حطيت ولا تاريخ حتى جربت احط 2012 شهر 2 برضه مو راضي
شكل الفندق فيه تصليحات أو اعادة جدولة الاسعار ..
يازينه قبل اسبوعين كل يوم كنت اشيك عليه فبوكينق واجودا .. فجأه رفض كل التواريخ مو بس الفتره الي انا حاجز عليها
لقيته عند مكتب سياحي الليلتين 830 رنقت او فحدودها !! مرره غالي
فعشان كذا انا شفت هالموقع اسعاره طيبه وأحترت فيه هل هو مضمون أحط رقم الفيزا فيه أو لا
وانا شايف فيه صور صنيين اخاف بس لهم !!

ولا حطيت ولا تاريخ حتى جربت احط 2012 شهر 2 برضه مو راضي
احتمال عندك مشكلة فنية فى الجهاز ...
انقر على الساعة فى الاسفل ( يمين الشاشة )
اذهب الى جدول الايام ( الرزنامة )
صحح تاريخ
ثم اعد دخولك الى مواقع الحجوزات ....
عن الموقع انصحك بالابتعاد عنه خاصة انه غير مجرب من الاعضاء
تشيك لك على السريع هناك حجز فقط ليلة واحدة ( 29/9 ) فقط غرفة وولد كلوب على موقع اسياترافيل و اقودا
تقريبا السعر 395 ريال شامل الخدمة و الضريبة مع وجبة الافطار
زى ما قال لك بوهلا اتفق مع احد المكاتب السياحية تحجز لك فى هذه الفترة مع انى اتوقع لن تكون هناك زحمة فى هذه الفترة !
بالتوفيق

الأسفار متعتى
أهلين أخوي العزيز
التاريخ فجهازي صحيح ومافيه اي مشاكل
فعلا لقيت في آسيا ترفل ليله وحده لكن أنا ابغى ليلتين .. شكرا لك أنك حاولت تساعدني
الي قاهرني كنت اشيك لمدة اسبوعين أقارن الاسعار وأعدل الحجوزات فبوكنق
فجأه اختفى
والمكتب السياحي أعطاني سعر 830 لليلتين .. أحسها كثيير
خصوصاً فالموقع الي انا حاط رابطه تقريبا 600 رنجت ..
يسوى الفرق اني اعذب نفسي ؟ اعطوني رايكم ؟؟؟؟؟

رأيي أنك تتصل عليهم هاتفياً
وبإذن الله راح تلاقي حجز

مشكور يالغالي ..
لكن عندي سؤال :
أتصل على الفندق والا على بوكنق ؟؟
وعادي اعطيهم رقم الفيزا بالهاتف ؟

مهتم700
إنتبه
تعطي أحد رقم بطاقتك الائتمانية
ولا تعتقد ان الموقع لما تدخل الرقم يظهر عنده الرقم
يظهر عنده نقاط سود مثل الباس وورد
الله يحفظك ويحفظ لك مالك