شوف اخوي ابعطيك التجارب اللي صادفتني بالسفر وانت احكم وقرر مره سافرت انا والعائله للنمساء وفي زل امسي وعند وصولي لها قررت وبدون تخطيط مسبق اني استأجر سياره بحثت في النت عن مكاتب تاجير سيارات في زل امسي وحصلت مكتب محلي (يعني ليس عالمي مثل اليورب وسكست وغيرها ) وقتها ما كان معي بطاقة فيزا وكان معنا بطاقة فيزا باسم اخت زوجتي قلت خلني احجز واروح اجرب رحت لمكتب تأجير السيارات وحصلتهم مجهزين السياره وسلمته اثباتي ورخصتي وبطاقة الفيزا وقلت له بالنسبة للتأمين راح ادفع كاش ومشت الامور بشكل عادي
سفره ثانيه كنت حاجز سياره من فرانكفورت وقبل السفر بكم يوم صار مشكله لبطاقتي وكنت حاجز عن طريق اليورب كار وارسلت لهم ايميل وقلت اني حاجز باسمي وبطاقة الفيزا باسم زوجتي وما اقدر اخلي الحجز باسمها لانها لا تحمل رخصة قياده رفضوا وكلمت فرعهم بدبي وقالوا ما يصير المهم الغيت حجز السياره وغيرت حجوزات الفنادق خصوصا اني راح امر على روست ولازم فندقي يصير قريب من الملاهي لان ما معي سياره وطلعت بالقطار الى روست وبيني وبينك شفت الشغله طفش بدون سياره وقلت ابجرب احجز سياره من زيورخ واروح لهم ادربي راسي انتقلنا بالقطار من روست الى زيورخ وكنت حاجز فندق قريب من المحطة احتياطا المهم عندما وصلنا الى الفندق رحت لمكتب اليورب كار ومعي زوجتي واستلمنا السياره بكل سهوله وتوني احس وقتها بجمال السفر حيث انطلقنا بكل حريه واول شيء سويته بعد استلام السياره الانطلاق الى شلال الراين وبصراحه تحسفت اني ما استلمتها من فرانكفورت وقلت ليتني ما كلمتهم ورحت لهم ادربي راسي
السالفه الثالثه حصلت لاخي حيث ان بطاقته من النوع الالكتروني والارقام غير محفورة وكان حاجز سياره من مطار جنيف وعند الوصول قالت له الموظفه عفوا ما نستطيع نسلمك السياره بهذه البطاقه لانها غير مقبوله عندنا قال لها لماذا ؟؟؟ انا بطاقتي باسمي ومعتمده واستخدمها في بريطانيا وفي كل مكان وبما ان رحلته وسكنه معتمد على السياره طلب المدير او المشرف دقائق الا هو عنده وعرض اخوي عليه المشكله فغضب وعصب على الموظفه وهزئها ووبخها واعتذر من اخي وسلمو ه السياره
يعني باختصار الشغله مزاجات موظفين وبعضهم ما يعرف يستخدمها ويعتذر بانها غير مقبوله وتبي الكلام اللي يصمد على الشارب بطاقتك مقبوله لكن اذا عندك وقت غير الحرف علشان لو نط لك موظف وقال غير مقبوله تقدر تحاججهم بس مع اختلاف الاسم يمكن يحصلون عليك مدخل

daayem1
حبيب قلبي و الله يا الامير
تعبتك معي بالكاتبه انا فداك و بيض الله وجهك لا عدمناك
صراحة هالبرص مسكات يعني لو تكح في وجهه يمكن يسجنك
و النظام عندهم صارم جدا بس مثل ما قلت فيه ذيابة تسلك غصب عنهم
تسلم يمينك حبيب قلبي