وين الأخوان والأخوات نبي الخير كله شوية معلومات يا خبراء ميونخ

السلام عليكم. الفندق في وسط المدينة،ولكن في موقع هادئ سمعته جيدة . أنصحك أخي بأخذ ملابس شتوية ساخنة ، درجات الحرارة حاليا لا تتعدى الصفر وتكون أبرد في دجنبر.
XXXXXXXXXXXX

انا بالصيف سكنت بفندق موقعه اكثر من ممتاز بالسنتر كل شي حواليك المطاعم والكافيهات ومحطة القطارات وخطوتين الا انت داخل السوق اسم الفندق هوتيل دانييل وسعره وايد مناسب اذا تبي نصيحتي اسكن فيه
الحين اي احد يروح ميونخ اقوله يسكن فيه
اما اللي ذكرته والله ماعندي فكره عنه
بس نصيحة من اختك اذا عندك طفل ماانصحك تاخذه معاك انا ابوي حاليا بميونخ يقول الجو بارد حده فا مااستانس واايد ولا قدر يروح كل مكان فما بالك طفل راح يتعبك بالسفره
هذي نصيحتي وبالتوفيق انشالله
وانشالله الباجي يقدرون يردون عليك

يعطيج العافية أختي Noura86 ولا هنتي ما قصرتي و أفدتيني المشكله أني طالع لشهرين وزوجتي و ولدي ملزومين يسافرون معاي وهي رحلة عمل ويمكن تطول لأربعة أشهر و بالأخير أقترحو أني اسكن بفندق ( لي مريديان ميونخ )
ابي رأيك فيها ؟ لمدة شهرين و أن طالت المده راح يسكنوني على ( شقق دراغ ماكس إمانيول )
بس الأهم عندي من أخواني و أخواتي أنهم يفيدوني بنصائحهم للطفل و كيف أوقيه من هالبرد ...؟! من كريمات و ادويه و ملابس وما شابه .. ولج الشكر والبركه بالكل في مشاركتهم .

إلى الأخ العزيز alaaawy
فيما يخص هذا الفندق فهو فئة ثلاث نجوم ويقع على بعد محطتين بالقطار عن Marienplatz التي تقع وسط المدينة. وذلك حسب ماهو مذكور على موقعة الألكترونيز
يقدم سرير مجاني للأطفال تحت سن العامين
أما مايخص إصطحاب طفلك فإنة عند الضرورة ليست هناك مشكلة كبيرة, فقط إعمل حسابك إن الجو بارد وجهز نفسك وطفلك بالملابس الشتوية المناسبة.

اخوي
لي مريديان فندق 5 نجوم ومكانه ممتاز لان على حسب ماهو موجود في موقعه اهو مقابل محطة القطارات وبمسافه قصيرة راح تلاقي Mairenplatz
اللي اهو عبارة عن شارع طويل يضم اغلب المحلات المعروفة يعني للتسوق وراح تلاقي القهاوي والمطاعم منتشرة فيه يعني مكان في حركة
يعني انصحك تسكن فيه بما ان كل شي قريب منه
بالنسبه لي دراغ ماكس إمانيول بعد ماسويت بحث في الانترنت لقيت ان اهو فندق مو شقه
يمكن يكونون جنب بعض مادري
بس انا لقيت معلومات عن الفندق واهي نفسها اللي قال عنها الاخ صادق ان اهو فندق 3 نجوم وبمحطتين بالقطار انت بالمارين بلاتز
هم اهو مكانه مو سيء خصوصا ان انت بتسكن فترة طويله
فا توكل على الله ولا تخاف من شي
وعلى فكرة اذا حسيت انك ضايع روح حق موظفين الاستقبال راح يساعدونك وايد احنا بالصيف وايد استفدنا منهم وعطونا خرايط نمشي عليها خصوصا اذا بنروح مكان يبيله مسافه طويله مشي
وبالنسبه للطفل ديروا بالكم اخذوا ملابس ثقيله وحتى حقكم انتوا وبالنسبه للكريمات والادويه الافضل انك تروح الصيدليه تسألهم اضمن لك
وانشالله كل شي يتسهل
وبالتوفيق