غريق الشوق
هلابك في منتدانا وحياك الله
لا تحتار ياخوي
لسه الوقت قدامك
ترى الامور سهله وبسيطه
ولا تحسبها صعبه مره
يميديك تبحث وتقرر
بالنسبة للأماكن السياحية
شوف هذا الرابط للإخوان
https://artravelers.com/p/re/370161
وبالنسبة لمواقع النت
شوف هذا الرابط
https://artravelers.com/p/re/357064
يعين الموضوع باذن الله سهل
وبالاخير تبي تصفالك على فندق ولا اثنين ولا ثلاثه بعدها تقدر تختار بينهم
وان شاء الله الاخوان مو مقصرين معاك

أهلا أخوي خالد
يعني لو ننسق كل شيء حنا يكون أرخص من الشركات السياحية ؟؟
وانا قررت إنه محطاتي تكون
كوالالمبور - سلانجور - لنكاوي - بينانج - كوالالمبور
ويا ليت التقسيم المناسب لهذه المحطات في 11 يوم
وشكرا على الروابط

والله ياخوي
اشوف 11 يوم على 4 مناطق
شوي
يعني تبي تصير
رحّال
وانواع التعب
لو حسبناها حسبه بسيطه بتواريخ وهمية
مثلا تبي توصل لكوالا في 1/ 6 وتطلع على طول لسلانجور
وتبي يومين هناك
يعني تسوي شيك اوت 3 - 6
وتكون حاجز على لنكاوي
وهي تبيلها بعد يومين الى ثلاث ايام
وتسوي شيك اوت في 6 -6
وتطير الى بينانغ ويبيلها 3 ايام
يعني ماعندك وقت علشان تستانس
انا اشوف انك تحذف لنكاوي
وسلانقور لأنها قريبه من كوالا
بنص ساعه وانت فيها
وتقسم روحتك بين كوالا وبينانغ
يعني
توصل كوالا وتريح ليله
ومن بكره تطير الى بينانغ وتقعد فيها 4 ايام
وباقي الايام في كوالا
أو انك تزود ايام روحتك
وتخليها 14 يوم
بكذا تقدر تمشي على التقسيمه حقتك
وبالتوفيق

هلا أخوي
ممكن احذف سلانجور
بس كوالا ولنكاوي وبينانج ضرورية وممكن أزود وقت الرحلة إلى 14 يوم
مشكور أخوي وما قصرت

إذا بتزودها إلى 14 يوم فخليك على البرنامج :
ليلتين سلانقور أو بورت ديكسون
4 ليالي لنكاوي
3 ليالي بينانج
5 ليالي كوالا
وبالتوفيق إن شاء الله

هلا أخوي
إيه نعم عدلتها 14 يوم
وممكن أسال كم ممكن تكلف الرحلة في ال 14 يوم لشخصين
من سكن ورحلات داخلية وكل شيء
طبعا سعر السكن يكون متوسط ومعقول
ومشكورين

غريق الشوق
هلا غريق الشوق .. أنقذك الله من الغرق
شوف حبيبي
عندك مصروف يومي بمعدل 350 رنقت شامل المطاعم والتكاسي وتذاكر الحدائق والترفيه
مجموع المصروف = 350 * 14 = 4900 رنقت
التذاكر الداخلية لشخصين كوالا -لنكاوي -بينانج - كولا = 1100 رنقت
الفنادق
فنادق 4 نجوم نظيفة جداً بمعدل 450 رنقت = 450 * 14 = 6300 رنقت
المجموع = 4900 + 1100 + 6300 = 12300 رنقت
وبالريال = 12300 * 1.15 = 14145 رنقت
هذي الميزانية المتوقعة طبعاً الذتاكر الدولية غير داخلة في الحسبة

مشكور حبيب قلبي
والله يوفق الجميع لكل خير

اخوي انصحك احجز الفنادق من موقع بوكينق ارخص بكثير ..
والرحلات الداخلية على آير اسيا وفية شرح كامل عن طريقة الحجز بالعربي بالتفصيل ....
جرب وماراح تندم ....
بروح انا وزوجتي بعد عيد الحج ان شاء الله لمدة 13 يوم الاسعار بالريال السعودي
وكلفتني التذاكر الدولية من جدة الى كوالا نفرين ذهاب وإياب ( 3100 ) ..
وتذاكر الطيران الداخلي ( 700 ) من كوالا الى لنكاوي وبعدين بيننج وبعدين العودة الى كوالا ..
والفنادق كلها معروفة ومشهورة من 4 نجوم الى 5 نجوم كلفت ( 4100 ) ..
ومصاريف الاكل والمواصلات والملاهي والمنتزهات والترفية راح تكلف ( 4500 ) ..
0+ 700 + 4100 + 4500 =
( 12400 ) ...