نشر في ماليزيا

هل اضع الأشياء الثمينة في صندوق الأمانات بالفنادق التي انزل بها

ابو روناء

27-04-2022 - 06:32 pm

أخواني الكرام بما أني أول مرة أسافر فيها إلى ماليزيا هل أضع الأشياء الثمينة في صندوق الأمانات بالفنادق التي انزل بها مثل الجوازات وبعض النقود .

التعليقات (8)

الجمال

27-04-2022 - 10:08 pm

ابو روناء... دعواتي لك بسفر سعيد و عودٍ حميد..
ابو روناء.. صناديق الأمانات بتلقاها في كل فندق وهي ما وضعت إلا عشان كذا..
جوازك، نقودك، تذاكرك، أي شئ ودك يكون في مأمن حطه في هالصندوق,,
راح تلقى على باب صندوق الأمان بالغرفة التعليمات لكيفية وضع باسوورد خاص فيك..
وبالمناسبة مرة شخص سألني عن اللاب توب ممكن يحطه في صندوق الأمان.. فقلت مو لها الدرجه أنا كنت أخليه على السرير أو الطاوله.. وهو في آمان..
ودمت بخير

سكوربيون

27-04-2022 - 11:09 pm

اخوي ابو روناء
فنادق ماليزيا يوجد فيها في كل غرفة من غرفها صندوق امانات شخصي برقم سري يضعه المستأجر
كما في الصورة

الشعيبي

28-04-2022 - 12:10 am

السلام عليكم ...
رحلة سعيدة اخوي ابوروناء وتروحون وترجعون بالسلامة .
ماقصروا الاخوان الجمال وسكوربيون الله يعطيهم العافية .
وحبيت اضيف بعض الكلمات ...قبل ما تحط فلوسك واوراقك
خل الحمال او الموظف يعلمك الطريقة او انك تتبع المعلومات
اللي مكتوبة على الاستيكر لاجل لا ينقفل على فلوسك وتنسى كيف
تفكها وتصير شغلانة ... في يوم قريت في هالمنتدى انه في بعض
الفنادق.. اللي ينظفون الغرف لهم طريقة يفكون بها الصناديق وينتشون
ورقة ورقتين وحنا ما نحس بها ..لين هو حسها ...صراحة انا ما صادفتني
لكن في هالدنيا كل شيء معقول ...ومسكت وصيته ...واخر مرة جبت معاي
من ديرتي لفة ظروف ...احط الفلوس والاوراق في الظرف واقفل عليه بغراه
ومتى بغيت افكه رميت الظرف وجبت ظرف جديد وقفلته وعلى هالحال ...كل
الشغله راس مالها 5ريال ظروف حتى لو صادف انه اللي ينظف الغرفة من
اللي ذممهم واسعة اول ما يشوف الشغلة فيها ظرف وغراء يصاب بالاحباط
ويدور واحد ثاني رامي فلوسه ومشعتره في الخزنة ...المال السايب يعلم السرقة
صدقني ان شاء الله مافي اي شيء لكن نحتاط ووالله كنت احط الفلوس في درج
المكتب اللي في الغرفة والفلوس مشعتره شعتره ...ارجع الليل الاقي الحرمة
اللي تنظف الغرفة راصتها لي رص ولا ناقصة واحد رينجيت ...الله يوفقها ويرزقها
ان كانت مسلمة ويهديها ان كانت كافرة ...
موفق اخوي ابو روناء ورحلة سعيدة والسلام عليكم

سكوربيون

28-04-2022 - 01:11 am

هذه صور صندوق الامانات

ابو روناء

28-04-2022 - 03:13 am

اشكركم بعنف على مشاركتكم وأتمنى لكم التوفيق

ابو روناء

28-04-2022 - 04:14 am

اخي الكريم سكوربيون الصور لا تظهر وايضاً الروابط ليس بها صور لصناديق الامانات

أبوميسم

28-04-2022 - 05:15 am

السلام عليكم ..
وهذي كمان صوره عشانك أبو روناء
http://www.ahmad.ws/mal/88/a3.jpg
تحياتي ..

العربية

28-04-2022 - 06:16 am

أولا السلام عليكم و رحمة الله و بركاته ...
في الحقيقة احنا كنا نحط الفلوس و الجوازات في الصندوق الموجود في الغرفة و لكن بعد مرور 9 أيام علر الرحلة
اكتشفنا بأن الفلوس ناقصة 1250 رينقت تقريبا مئتين دولار و الباقي رينقت ...
احنا متأكدين بأننا لم نضعها أو نصرفها .. لاننا كنا عند عودتنا للفندق نقوم بكتابة ما صرفناه خلال اليوم ...
الظاهر و الله أعلم إن أحد المنظفين فك الخزنة و أخذ مبلغ بسيط منها حتى لا نلاحظ سرقته ...
و ملعوبه مشي علينا ... لأننا ما لاحظنا إن الفلوس ناقصة إلا بعدين ..
بعد ما تنقلنا بين أربعة فنادق .. في أي فندق ممكن تكون سرقت فلوسنا ...
صديقتي قبل أربعة أشهر ذهبت لماليزيا و تكرر معها نفس الموقف ...
بس فكرة أخي الشعيبي حلوة ..و اتباعها سهل ..
و بالتوفيق إن شاء الله ..

ماليزيا المسافرون العرب

هل اضع الأشياء الثمينة في صندوق الأمانات بالفنادق التي انزل بها