هلا فيج اختي الكريمه
اولا مهم انكم تخططون بشكل مبكر .. وهذا ما فعلتي ...
ثانيا اهم نقطه كم مدة السفر ...؟؟؟ وبالطبع سوف تأجرون سياره ...؟؟
ثالثا انا السنه هذي كنت بالمنايا وهولندا وبلجيكا ولندن .. وعليه لا يقارن الريف الهولندي بجمال الريف النمساوي ابدا ..
بنتظار عدد ايام السفر ؟؟
لكن بشكل مبدئي ممكن عمل هذا الجول الممتاز
مثلا لو حجزيتي على الامارتيه او القطريه النزول بميونخ والعوده من فرانكفورت .. بيكون خيار رائع .. ويكون المخطط
النزول مطار ميونخ ومنه مباشره الى كابرون المسافه 3 ساعات ثم الى ميونخ 3 ساعات ثم الى روشت وما حولها 4 ساعات ثم الى فرانكفورت ساعتين ونصف ..والعوده منها هذا الجدول رائع وشامل كل شيئ . ريف -- مدن وتسوق - ملاهي متنوعه وكثيره .. مرتفعات ثلجيه ... بحيرات والخ ..
بهذا الجدول ممكن نغير فرانكفورت وما حولها بدوسلدروف وما حلولها وتكون منها العوده .. او ممكن ادخالها مع الجدول اذا كانت مدة السفر طويله
وهناك مخططات اخرى ؟
تحياتي

اهلا وسهلا بالعم بو عمر ..أولا مشكور لسرعة تجاوبك بس للاسف النت اتعطل عندي ودوبي قدرت ادخل على المنتدى .
ثانيا/ ان شاء الله الرحلة 13 - 15 ليلة المهم تكون في حدود الميزانية الموضوعه وكمان عشان مايكون عندنا يوم فاضي نمل يعني ابغى نزور الاماكن المميزه وبس.
ثالثا : ليش حضرتك اخترت فرانكفورت بدل دوسلدورف مع العلم انه في مركز تجاري شفته في موضوعك عن الاماكن السياحبه في فرانكفورت مره ادهشني تصميمه ووريت صورته لزوجي واتعجب من شكله وكان في نيتي اذا في طريقنا نمر فرانكفورت انه يكون المعلم الاساسي اللي ناويين نروحه.لكن انا قلت نروح دوسلدورف عشان الموفي بارك لمن شفت فيها الشخصيات الكرتونيه تبع قناة نكلودين يعني دورا وسبونج بوب اللي بنتي الصغيره(رزونه) تعشقهم قلت افاجأها وافرح قلبها. بالاضافة للفرصة السانحه لزيارة امستردام اللي حلمت من صغري بزيارتها

1. المخطط الذي يلبي رغبتج بشكل رائع هو كالاتي

هلا فيج سوف نفصل بالموضوع اكثر واكثر .. من ناحية المخطط بعدها الاماكن السياحيه والسكن
لو اخترنا دوسلدروف بدال فرانكفورت بالنهايه ممكن ... لكن ايضا فرانكفورت بالقرب منها مدن ملاهي جميله مثل هوليدي بارك وفريزر بارك .. غير الاسواق والمدن التي حولها ... المذكوره بالتقرير وايضا لجمال الريف النمساوي بمراحل عن هولندا ..
مستحيل نجمع الكل مع بعض .. مثلا هناك 3 جداول ممكن عملهم ب 16 يوم .. وليس اقل من هذا .. وميزانيتكم 60 الف ان شاء الله كافيه بنحجز شقق بكابرون وميونخ وفرانكفورت ودوسلدروف ممكن فندق

المخطط الذي يلبي رغبتج بشكل رائع هو كالاتي

النزول مطار ميونخ ومنه مباشره الى كابرون 5 ايام ثم ميونخ 4 ايام ثم فرانكفورت 3 ايام ثم دوسلدروف 4 ايام
بهذا المخطط جمعنه الريف النمساوي .. مدن ملاهي كثيره وجميله مثل الموجوده بدوسلدروف وفرانكفورت .. وايضا لا ننسى ملاهي ليكو لاند الموجوده بميونخ ... وايضا الاسواق الرائعه بكلا من ميونخ وفرانكفورت .. وايضا ممكن زيارة هولندا ..
قبل لا اكمل باقي لمخططات اعتقد هذا المناسب لكم .. نعم القطريه تنزل دوسلدروف وميونخ بس تأكدي بعد اخاف كنسلوا خط معين ..
المخطط فيه مسافات وهي كالاتي
من مطار ميونخ الى كابرون 3 ساعات من كابرون الى ميونخ 3 ساعات من ميونخ الى فرانكفورت 3 ساعات ونصف دقيقه من فرانكفورت الى دوسلدروف ساعتين وربع
اشوفه مخطط جيد اشرايح .. ننتظر رأيج
تحياتي

مشكور روعه يعطيك العافيه ويوفقك ربي ..
كده يعني نكنسل اليوروب بارك .ومادام فيه البديل مو مشكله توكلنا على الله باقي ان شاء الله اضبط حجز الطيران موقع القطريه من ربع ساعه يعلق معايه .. تتوقع عشان احط دوسلدورف حاسه اني ارتحت للقطريه لانهم كاتبين انهم يؤمنوا سكن اذا كانت مدة الترانزيت بين 8 - 24 ساعه عشان كده فضلتهم وبحاول مع الموقع مره ثانيه . على فكره بالنسبه لعددنا لمن بنأجر سياره يلزمونا تكون سته مقاعد لانه اكثر اللي لاقيته 5 او 7 مقاعد وطبعا ال7 مقاعد اغلى وبناتي الصغار حجمهم صغير يعني ابو خمسه مقاعد تكفينا لكن خايفه يعطونا مخالفه . من واقع خبرتكم اش رايك؟؟

نعم فيها مخالفه .. الافضل 6 مقاعد . او 7 مقاعد اذا العفش كثير.. عموما انتبهي من نقطه وهي ان يعرف زوجكي التحكم بسياره كبيره ..
ورأيي ببعض المدن ما تحتاجون سياره ... مثل دوسلدروف يعني ممكن اتروحين هولندا مع قرووب .. اذا احببتي سائق لبعض الرحلات المهمه خارج دوسلدروف وفرانكفورت انا كاتب رقم واحد عنده اكثر من سائق بالمدن المذكوره ممكن تتطلعون وياهم للاماكن الخارجيه اما داخل المدن الوسائل العامه ..
كنسلي يور بارك وفي ملاهي كثيره راح اتشوفونها ان شاء الله ...
هنا تقريري عن ميونخ وما حلولها شاهديه
https://artravelers.com/p/re/420003
وان شاء الله سوف انزل تقرير عن دوسلدروف وكولن اذا الله اراد

تمام ..تم الاطلاع على موضوع ارقام السائقين وان شاء الله ناخذ اللي في دوسلدورف ويمكن فرانكفورت حسب اسعارهم ..منه فرصه زوجي يريح شويه من السواقه وبالنسبه للسياره الكبيره ان شاء الله مو مشكله.
وياريت يا بو عمر تعطينا مثال يعني لو بياخذنا من دوسلدورف لامستردام كم سعره تقريبا او من فرانكفورت لهايدلبرغ كم ؟؟ وبالنسبه للقروبات كيف نحجز معاهم؟؟
وفي انتظار تقرير دوسلدورف..

السلام عليكم
مراحب أختي أم مزونة
معليش بدش عرض على الموضوع
حبيت استفسر من أبو عمر عن الملاهي لاطفال والكبار
هل الملاهي الموجوده بدوسلدورف وفرانكفورت أفضل من اوروبا بارك؟
وبعد حبيت اسأل عن الجو وحرارة الصيف .. أعتقد أن البلاك فورست تكون بالصيف أحر من دوسلدورف وميونخ صح؟
دخلت فرانكفورت براسي

منتظر تقريرك ابو عمر عن كولن ودوسلدورف تحياتي لك

ام رزونه
اولا سوف يطلع السعر تقريبا متقارب نظرا ان عددكم 6 اشخاص .. ثانيا اريح لكم .. ثالثا الفرق ليس بكبير ...
عموما اتصلي عليه وقوليله انج من طرف ابوعمر وقوليله الي تبين وخبريني شنو صار معاج .. وهو ما يقصر بكل شيئ ان شاء الله ..
تحياتي